ދެ ޤައުމުގެ އިޤްތިޞާދީ ގުޅުން އައު ހަރުފަތަކަށް ގެންދިއުމަށް ކުރައްވާ މަސައްކަތަށް ޝުކުރު ދަންނަވައިފި

ދިވެހިރާއްޖެ އާއި ޕާކިސްތާނާ ދެމެދު އޮތް ޒަމާންވީ އިޤްތިޞާދީ ގުޅުން އައު ހަރުފަތަކަށް ގެންދިއުމަށް ދެ ޤައުމުގެ ވެރިން ކުރައްވަމުން ގެންދަވާ މަސައްކަތްޕުޅުތަކުގެ ތެރެއިން، ޕާކިސްތާނުގެ ބޮޑުވަޒީރު ޝެހްބާޒް ޝަރީފް ދެއްވާ އެއްބާރުލެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝުކުރު އަދާކުރައްވައިފިއެވެ.

ރައީސުލްޖުމްހޫރިއްޔާ މިކަމަށް ޝުކުރު އަދާކުރެއްވީ، ދެ ޤައުމުގެ ދެމެދުގައި ސިޔާސީ ގުޅުން ޤާއިމުކުރިތާ 60 އަހަރު ފުރުން ފާހަގަކުރުމުގެ މުނާސަބަތުގައި ޕާކިސްތާނުގެ ވެރިރަށް އިސްލާމްއާބާދުގައި މިއަދު ބޭއްވި "މޯލްޑިވްސް-ޕާކިސްތާން ބިޒްނަސް ފޯރަމް" ގައި ވާހަކަފުޅު ދައްކަވަމުންނެވެ. މި ފޯރަމް ޝަރަފުވެރިކޮށްދެއްވައި، ދެ ޤައުމުގެ އިޤްތިޞާދީ ގުޅުން އައު ބާބަކަށް ގެންދިއުމަށް މަގުދައްކައިދޭ މުހިންމު ކަންކަން ފާހަގަކުރެއްވި ކަމަށްޓަކައި ޕާކިސްތާނުގެ ބޮޑުވަޒީރަށް ރައީސް ޚާއްޞަ ޝުކުރެއް އަދާކުރެއްވިއެވެ.

ރައީސްގެ ވާހަކަފުޅުގައި، ދެ ޤައުމުގެ ދެމެދުގައި ވިޔަފާރި އާއި އިންވެސްޓްމަންޓްގެ ދާއިރާއިން އަދިވެސް ބޭނުންނުކުރެވި ގިނަ ފުރުޞަތުތަކެއް ހުރިކަން ފާހަގަކުރެއްވިއެވެ. އަދި ކުރިއަށް އޮތް ދެ އަހަރު ދުވަހުގެ ތެރޭގައި ދެ ޤައުމުގެ ދެމެދުގައި ކުރެވޭ ވިޔަފާރީގެ މިންވަރު 200 މިލިއަން ޑޮލަރަށް އިތުރުކުރުމަށް އިއްޔެ ޕާކިސްތާނުގެ ބޮޑުވަޒީރާއެކު އެއްބަސްވެވަޑައިގެންނެވި ކަމަށާއި، މިއަދު ބޭއްވުނު ފޯރަމަކީ އެ އަމާޒަށް ވާޞިލުވުމަށް އެޅުނު ފުރަތަމަ ފިޔަވަޅު ކަމަށް ވިދާޅުވިއެވެ.

މީގެއިތުރުން، ދިވެހިރާއްޖޭގައި ހުރި ފަހި ފުރުޞަތުތަކުގެ ބޭނުން ހިފުމަށް ޕާކިސްތާނުގެ ވިޔަފާރިވެރިންނަށާއި އިންވެސްޓަރުންނަށް ރައީސް މުޢިއްޒު ވަނީ ދަޢުވަތު އަރުވާފައެވެ. އަދި ދެ ޤައުމުގެ ދެމެދުގައި އޮތް މި ޢަޒުމުގެ ސަބަބުން ބިނާކުރަނިވި ގުޅުންތަކެއް އުފެދި، އިންވެސްޓްމަންޓްތައް އިތުރުވެ، ދެ ޤައުމަށްވެސް އޭގެ ޙަޤީޤީ ފައިދާ ލިބިގެންދާނެ ކަމުގެ ފުރިހަމަ ޔަޤީންކަން އެމަނިކުފާނު ފާޅުކުރެއްވިއެވެ.

Delighted to address the Maldives–Pakistan Business Forum today in Islamabad, as our two nations commemorate 60 years of diplomatic relations. My sincere gratitude to Prime Minister Shehbaz Sharif (@CMShehbaz) for gracing the Forum and highlighting the key priorities that will guide our economic partnership into a new chapter. The potential for bilateral trade and investment remains largely untapped. Yesterday, the Prime Minister and I committed to increasing bilateral trade to USD 200 million over the next two years. Today’s Forum marks an important first step towards realising that ambition. I warmly invite Pakistani businesses and investors to explore the wealth of opportunities the Maldives has to offer. I am confident that our renewed commitment will forge meaningful partnerships, attract investment, and deliver tangible benefits to both our nations. Let us build an economic partnership that reflects the strength of our enduring friendship, one that creates opportunities for our peoples, advances shared prosperity, and translates our common aspirations into lasting progress.

— Dr Mohamed Muizzu (@MMuizzu) October 22, 2026

ރައީސްގެ ވާހަކަފުޅު ނިންމަވާލެއްވީ، ދެ ޤައުމުގެ ދެމެދުގައި އޮތް ޒަމާންވީ ބަދަހި އެކުވެރިކަން ރަމްޒުކޮށްދޭ، ދެ ޤައުމުގެ ރައްޔިތުންނަށް އައު ފުރުޞަތުތައް ފަހިކޮށްދޭ، އަދި ދެފަރާތުގެ ތަނަވަސްކަމާއި އުންމީދުތައް ޙަޤީޤަތަކަށް ހަދައިދޭނެ ވަރުގަދަ އިޤްތިޞާދީ ބައިވެރިކަމެއް ބިނާކުރުމަށް ގޮވާލައްވަމުންނެވެ.