Ads by Exprox

ޚަބަރު

އދ.ގައި ފަތުރުވެރިކަން ފުޅާކުރުމަށް ބޭނުންވާކަމަށް އެއަތޮޅު ކައުންސިލުން އެދިއްޖެ

އދ.ގައި ފަތުރުވެރިކަން ފުޅާކުރުމަށް ބޭނުންވާކަމަށް އެއަތޮޅު ކައުންސިލުން އެދިއްޖެ

ރައީސް ޑރ މުޢިއްޒު އދ.ކައުންސިލާއި ބައްދަލުކުރެއްވުން. ފޮޓޯ: ރައީސް އޮފީސް

ޙަސްނާ އަޙްމަދް

ޙަސްނާ އަޙްމަދް

15 ޑިސެމްބަރު 2024، 04:39

15 ޑިސެމްބަރު 2024، 04:39

ހުލާސާ


އދ.އަތޮޅުގައި ފަތުރުވެރިކަން ފުޅާކުރުމަށް ބޭނުންވާ ކަމަށް އެއަތޮޅު ކައުންސިލުން ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ އަރިހުން އެދިވަޑައިގެންފިއެވެ. 

އދ.ކައުންސިލުން ރައީސް މުޢިއްޒުގެ އަރިހުގައި މިގޮތަށް އެދިފައިވަނީ އދ.އަތޮޅަށް ރައީސް ޑރ މުޢިއްޒު ކުރައްވަމުން ގެންދަވާ ދަތުރުފުޅުގައި އެއަތޮޅު ކައުންސިލާއި އެކު ބޭއްވެވުނު ބައްދަލުވުމުގައެވެ. 

މި ބައްދަލުވުމުގައި އދ.ކައުންސިލުން ވަނީ އެއަތޮޅުގެ ތަރައްޤީއަށް އެންމެ މުހިންމުކަންކަމާއި ގުޅޭގޮތުން ރައީސް މުޢިއްޒާއި މަޝްވަރާ ކުރައްވައިފައެވެ.

އެގޮތުން އެކައުންސިލުން ވަނީ ސުކޫލުގައި ސޯލާ ހަރުކުރުމާގުޅޭގޮތުން މަޝްވަރާކުރައްވާފައެވެ. މީގެއިތުރުން އަތޮޅު ކައުންސިލަށް އާމްދަނީ ހޯދުމަށް މަގުފަހިވާނެ ގޮތަކަށް އދ ލޮނުބޯ، ބޭނުންކުރެވޭނެ ގޮތް ހައްދަވައިދެއްވުމަށް ރައީސްގެ އަރިހުގައި އދ.ކައުންސިލުން އެދިފައިވެއެވެ. 

މީގެއިތުރުން އަތޮޅުގެ ޞިއްޙީ ޚިދުމަތް ތަރައްޤީކުރުމަށާއި ދަތުރުފަތުރުގެ ނިޒާމު ހަރުދަނާކުރުމަށާއި ފަތުރުވެރިކަން ފުޅާކުރުމަށް ބޭނުންވާކަން ފާހަގަކުރެއްވިއެވެ. 

ހަމަމިއާއި އެކު އަތޮޅު ކައުންސިލުން ވަނީ އަތޮޅުގައި ޕިކްނިކް ދާނެ ރަށްތައް މަދުކަން ފާހަގަކުރައްވައި އެކަން ފަހިކޮށްދެއްވުމަށް އެދިވަޑައިގެންފައެވެ.

މި ބައްދަލުކުރެއްވުމުގައި ވާހަކަފުޅު ދައްކަވަމުން ރައީސް ޑރ މުޢިއްޒު ވަނީ ދަތުރުފަތުރުގެ ޚިދުމަތް ފުޅާކުރުމަށް އާރްޓީއެލްގެ ޚިދުމަތް ކުރިއަށް ގެންދިއުމަށް މަސައްކަތް ކުރައްވާކަން ފާހަގަކުރައްވާފައެވެ. އަދި ދެންވެސް ކައުންސިލުން ފާހަގަކުރެއްވި ކަންކަން ބައްލަވާނެކަމުގައި ރައީސް މުޢިއްޒު ވަނީ ވިދާޅުވެފައެވެ.

އދ.ކައުންސިލާއި އެކު ކުރިއަށް ދިޔަ މި ބައްދަލުވުން ކުރިއަށް ގެންގޮސްފައިވަނީ އަރިދެކުނު ކައުންސިލް އިދާރާގައި މިއަދު ހެނދުނުއެވެ. 

 

 

މި ލިޔުން ކިޔާލުމުން

Ads by MSS