ކުޅިވަރު

ކޮންޓްރެކްޓް ހަމަވާން ކައިރިވެފައި ވަނިކޮށް، ސަލާހް އަނެއްކާ ވެސް އޭނާގެ މުހިންމުކަން ހާމަކޮށްދީފި

ކޮންޓްރެކްޓް ހަމަވާން ކައިރިވެފައި ވަނިކޮށް، ސަލާހް އަނެއްކާ ވެސް އޭނާގެ މުހިންމުކަން ހާމަކޮށްދީފި

ސަލާހު މިވަނީ ޖެހިޖެހިގެން 8 ސީޒަނުގައި 20 ގޯލު ނުވަތަ އެއަށްވުރެން ގިނައިން ކާމިޔާބުކޮށްފައި

މިފްތާޙް މުޙައްމަދު

މިފްތާޙް މުޙައްމަދު

30 ޑިސެމްބަރު 2024، 03:41

30 ޑިސެމްބަރު 2024، 03:41

ހުލާސާ

މި މެޗުގައި އޭނާ ޖެހި ގޯލަކީ، މި ސީޒަނުގައި ހުރިހާ މުބާރާތެއް އެއްކޮށް އޭނާ ލިވަޕޫލަށް ކާމިޔާބުކޮށްދިން 20 ވަނަ ގޯލު. އަދި މި ގޯލާއެކު، ސަލާހްއަކީ ލިވަޕޫލްގެ ޖާޒީގައި ޖެހިޖެހިގެން 8 ސީޒަނުގައި 20 ގޯލު ނުވަތަ އެއަށްވުރެން ގިނައިން ކާމިޔާބުކޮށްފައިވާ ހަމައެކަނި ކުޅުންތެރިޔާ.

އިންގްލިޝް ޕްރިމިއަރ ލީގުގައި ލިވަޕޫލުން 5-0 އިން ވެސްޓް ހޭމް ބަލިކުރި މެޗުގައި، މި ސީޒަނަށްފަހު ކޮންޓްރެކްޓުގެ މުއްދަތު ހަމަވާ އެ ޓީމުގެ ތަރި މުހައްމަދު ސަލާހް އަނެއްކާ ވެސް އޭނާގެ މުހިންމުކަން ހާމަކޮށްދީފިއެވެ. 

އުމުރުން 32 އަހަރުގެ ސަލާހް ވަނީ މި މެޗުގައި ގޯލެއް ކާމިޔާބުކޮށް، ދެ ގޯލު ޖެހުމަށް އެސިސްޓުކޮށްދީފައެވެ. މި މެޗުގައި އޭނާ ޖެހި ގޯލަކީ، މި ސީޒަނުގައި ހުރިހާ މުބާރާތެއް އެއްކޮށް އޭނާ ލިވަޕޫލަށް ކާމިޔާބުކޮށްދިން 20 ވަނަ ގޯލެވެ. އަދި މި ގޯލާއެކު، ސަލާހްއަކީ ލިވަޕޫލްގެ ޖާޒީގައި ޖެހިޖެހިގެން 8 ސީޒަނުގައި 20 ގޯލު ނުވަތަ އެއަށްވުރެން ގިނައިން ކާމިޔާބުކޮށްފައިވާ ހަމައެކަނި ކުޅުންތެރިޔާއެވެ.

އާނޭ ސްލޮޓްގެ ޓީމަށް މި މެޗުން ލިބުނު ތިން ޕޮއިންޓާއެކު، އެ ޓީމު ލީގުގެ އެއްވަނައިގައި މިހާރު އޮތީ 8 ޕޮއިންޓުގެ ފަރަގަކާއެކުއެވެ. 

އެންމެ ފަހުން ކުޅުނު ހަތަރު މެޗުން ބަލިވެފައިނުވާ ވެސްޓް ހޭމް ވަނީ މެޗުގެ ފުރަތަމަ ކޮޅު ރަގަޅު ހަމަލާތަކެއް އުފައްދާފައެވެ. އެގޮތުން ޖެރޮޑް ބޮވެންގެ އެހީތެރިކަމާއެކު، ވެސްޓް ހޭމްގެ ބްރެޒިލް ކުޅުންތެރިޔާ ލޫކަސް ޕަކެޓާއަށް ލިބުނު ފުރުސަތު ފާހަގަކޮށްލެވެއެވެ. ނަމަވެސް ބޯޅައިގައި ޖަހަން އުޅުމުގެ ތެރޭގައި އޭނާ ކައްސާލައިގެން ވެއްޓި، ހަމަލާ ފުރިހަމަ ކުރެވޭ ގޮތެއް ނުވިއެވެ.

ލިވަޕޫލުން މި މެޗުގައި ކާމިޔާބު ކުރި ފަސް ގޯލުގެ ތެރެއިން ތިން ގޯލު ކާމިޔާބުކުރީ ފުރަތަމަ ހާފުގައެވެ. އެގޮތުން، އެ ޓީމަށް މެޗުގެ 30 ވަނަ މިނެޓުގައި ލީޑު ނަގައިދިނީ ލުއިސް ދިއާޒްއެވެ. އޭގެ 10 މިނެޓު ފަހުން، ސަލާހްގެ އެސިސްޓަކުން ކޯޑީ ގަކްޕޯ ލީޑު ފުޅާ ކޮށްދިންއިރު، ފުރަތަމަ ހާފުގެ ފަހު މިނެޓުގައި އެ ޓީމުގެ ތިން ވަނަ ގޯލު ކާމިޔާބުކުރީ ސަލާހްއެވެ.

ލިވަޕޫލްގެ ހަތަރުވަނަ ގޯލު މެޗުގެ 54 ވަނަ މިނެޓުގައި އެލެކްސެންޑަރ އާނޯލްޑް ކާމިޔާބުކުރިއިރު، ސަލާހްގެ ރީތި ޕާހަކުން މެޗު ނިމެން ހަ މިނެޓަށް ވެފައި ވަނިކޮށް އެ ޓީމުގެ ފަހު ގޯލު ކާމިޔާބުކޮށްދިނީ ޑިއެގޯ ޖޯޓާއެވެ. 

ލިވަޕޫލަށް ދެން ލީގު މެޗެއް އޮންނާނީ ޖެނުއަރީ ފަސް ވަނަ ދުވަހުއެވެ. އެ މެޗުގައި އެ ޓީމުން ބައްދަލު ކުރާނީ މެންޗެސްޓަރ ޔުނައިޓެޑާއެވެ.

މި ލިޔުން ކިޔާލުމުން

Ads by MSS