ވިޔަފާރި / ޚަބަރު

އެމްޕީއެލް އިން 2024 ވަނަ އަހަރު ރެކޯޑު އަދަދަކަށް ކާގޯ އެތެރެކޮށްފި

އެމްޕީއެލް އިން 2024 ވަނަ އަހަރު ރެކޯޑު އަދަދަކަށް ކާގޯ އެތެރެކޮށްފި

މާލޭ ޕޯޓު ސަރަހައްދު، ފޮޓޯ: އެމްޕީއެލް

farudhun logo

ފަރުދުން

02 ޖެނުއަރީ 2025، 10:50

02 ޖެނުއަރީ 2025، 10:50

ހުލާސާ

2024 ވަނަ އަހަރު ރާއްޖެ އެތެރެ ކޮށްފައިވާ ކޮންޓެއިނަރުގެ އަދަދު 2023 ވަނަ އަހަރާ އަޅާކިޔާއިރު %7 އިތުރުވެފައިވާއިރު، ޖެނެރަލް ކާގޯ އެތެރެކޮށްފައިވާ މިންވަރު ވަނީ %29 އިތުރުވެފައި.

ދިވެހިރާއްޖޭގެ ތާރީހުގައި މިހާތަނަށް އެންމެ ގިނަ މުދާ އެތެރެކުރި އަހަރަކީ، ނިމުނު 2024 ވަނަ އަހަރުކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ޗީފް އެގްޒެކެޓިވް އޮފިސަރ މުޙައްމަދު ވަޖީހު އިބްރާހިމް ވިދާޅުވެއްޖެއެވެ.

އެމްޕީއެލްގެ ތަފާސް ހިސާބުތައް ދައްކާ ގޮތުން، 2024 ވަނަ އަހަރު 66،387 ކޮންޓެއިނަރ ރާއްޖެ އެތެރެކޮށްފައިވާއިރު،  ޖުމްލަ 131،262 ފްރައިޓް ޓަނުގެ ޖެނެރަލް ކާގޯ ވަނީ އެތެރެކޮށްފައެވެ. 

މި ތަފާސް ހިސާބާއި 2023 ވަނަ އަހަރާއި އަޅާ ކިޔާއިރު، އެ އަހަރު އެތެރެ ކޮށްފައިވާ ކޮންޓެއިނަރުގެ އަދަދު، 2024 ވަނަ އަހަރަށް ވުރެން 4،295 ކޮންޓެއިނަރު މަދެވެ. އަދި ޖެނެރަލް ކާގޯގެ ގޮތުގައި އެތެރެ ކޮށްފައިވާ މިންވަރު ވެސް ވަނީ 14،194 ފްރެއިޓް ޓަން ދަށްވެފައެވެ.

އެހެންކަމުން، 2024 ވަނަ އަހަރު ރާއްޖެ އެތެރެ ކޮށްފައިވާ ކޮންޓެއިނަރުގެ އަދަދު 2023 ވަނަ އަހަރާ އަޅާކިޔާއިރު %7 އިތުރުވެފައިވާއިރު، ޖެނެރަލް ކާގޯ އެތެރެކޮށްފައިވާ މިންވަރު ވަނީ %29 އިތުރުވެފައެވެ.

އެމްޕީއެލްގެ ތަފާސް ހިސާބަށް އިތުރަށް ބަލާލާއިރު، 2024 ވަނަ އަހަރާ އެންމެ ގާތަށް ރާއްޖެއަށް ކާގޯ އެތެރެކޮށްފައި ވަނީ 2018 ވަނަ އަހަރުއެވެ. އެ އަހަރު 63،002 ކޮންޓެއިނަރު އެތެރެކޮށްފައިވާއިރު، 123،669 ފްރެއިޓް ޓަނުގެ ޖެނެރަލް ކާގޯ ވަނީ އެތެރެކޮށްފައެވެ. 

މި ކާމިޔާބާ ގުޅިގެން އެ ކުންފުނީގެ ސީއީއޯ ވަޖީހް ވިދާޅުވީ، 2024 ވަނަ އަހަރު ރާއްޖެ އެތެރެކޮށްފައިވާ ކާގޯ އިތުރުވެފައި ވުމުން ހާމަކޮށްދެނީ ރާއްޖޭގެ އިގްތިސާދު މިހާރު ކުރިއަރަމުން އަންނަ ކަމާޢި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވެރިކަމުގެ ފުރަތަމަ އަހަރުވެސް، ރާއްޖޭގެ އިގުތިސާދަށް ބޮޑު ކުރިއެރުމެއް އައިސްފައިވާ ކަމަށެވެ.

މީގެ އިތުރުން، މާލޭގެ ޕޯޓު ސަރަހައްދުގެ ތަނަވަސްކަން އިތުރު ކުރުމަށް އެ ޕޯޓު ތިލަފުއްޓަށް ބަދަލުކުރުމުގެ މަސައްކަތް ސަރުކާރުން އަންނަނީ ކުރަމުންނެވެ.  މީގެ އިތުރުން މާލެ ވިޔަފާރި ބަނދަރު ފުރެމުންދާތީ އެކި ބާވަތްތަކުގެ ކާގޯ ހިމެނޭ ކޮންޓެއިނަރު ބަނދަރުގައި ބެހެއްޓޭނެ ދުވަސްތަކުގެ އަދަދު މަދުކުރުމަށް ނިންމާފައިވާކަން އެމްޕީއެލްގެ ސީއީއޯ ވަޖީހު ވަނީ ހާމަކުރައްވާފައެވެ.

މި ލިޔުން ކިޔާލުމުން

Ads by MSS