ރާއްޖޭގައި އުފެއްދޭ ކާބޯތަކެތީގެ ބާވަތްތައް ރާއްޖެއަށް ބޭނުންވާ މިންވަރަށް އުފެއްދުމުގެ މަސައްކަތް ފަށައިފިން: ރައީސުލްޖުމްހޫރިއްޔާ

އެގްރޯނެޓްގެ ހިންގުން ހަރުދަނާކޮށް، އެ ކުންފުނީގެ މަސައްކަތްތައް ފުޅާކުރުމާއެކު، ރާއްޖޭގެ ދަނދުވެރިކަން ފުޅާ ކުރުމަކީ ސަރުކާރުގެ މުހިންމު ސިޔާސަތެއް ކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. އެ މަނިކުފާނު މިހެން ވިދާޅުވީ، ގއ. ނިލަންދޫއަށް ޒިޔާރަތްކުރައްވައި އެ ރަށުގެ ރައްޔިތުންނާ ބައްދަލުކޮށް ވާހަކަފުޅު ދައްކަވަމުންނެވެ.

މި މޭރުމުން ވާހަކަފުޅު ކުރިޔަށް ގެންދަވަމުން ރައީސުލްޖުމްހޫރިއްޔާ ވިދާޅުވީ، ސަރުކާރުގެ ވިސްނުމަކީ، ރާއްޖޭގައި އުފެއްދޭ ކާބޯތަކެތީގެ ބާވަތްތައް ރާއްޖެއަށް ބޭނުންވާ މިންވަރަށް އުފެއްދުން ކަމަށެވެ. އަދި އެ މަސައްކަތް ފަށާފައިވާކަމަށް ވެސް އެ މަނިކުފާނު ވިދާޅުވިއެވެ. 

އެހެންކަމުން ރާއްޖޭގައި ދަނޑުވެރިންނަށް އޮތީ އުފާފާގަތިކަން ކަމުގައި ރައީސުލްޖުމްހޫރިއްޔާ ފާހަގަކުރެއްވެވިއެވެ.

ރާއްޖޭގެ އެކިކަންކޮޅުތަކުގައި، ރާއްޖެއަށް ބޭނުންވާ މިންވަރަށް، ރާއްޖޭގައި އުފެއްދޭ ކާބޯތަކެތީގެ ބާވަތްތައް އުފެއްދުމަށްވެސް ހާއްސަ މަސައްކަތްތަކެއް ސަރުކާރުން މިވަނީ ފަށާފައި. އަދި ދަނޑުވެރިކަމުގެ އިންވެސްޓްމެންޓްތައް ރާއްޖޭގައި ޤާއިމްކުރުމުގެ މަސައްކަތްތައް ވެސް އެބަކުރަން. އެހެންވީމާ ދަނޑުވެރިންނަށް އޮތީ އުފާފާގަތިކަން.

ދަނޑުވެރިކަމަށް ސަރުކާރުންދޭ އަހައްމިއްޔަތު ފާހަގަކުރަމުން ރައީސުލްޖުމްހޫރިއްޔާ ވިދާޅުވިއެވެ.

މީގެ އިތުރުން ދަނޑުވެރިކަމަކީ މި ރާއްޖޭގެ އިޤްތިޞާދު ސިންދަފާތުކުރުމަށް ސަރުކާރުން މުހިންމު އިސްކަމެއްދޭ ދާއިރާއެއް ކަމަށާއި، ދަނޑުވެރިކަން ދުވަހުންދުވަހަށް ރަގަޅުކުރުމަކީ ސަރުކާރުގެ ވިސްނުންކަމުގައި ވިދާޅުވިއެވެ.

ދަނޑުވެރިކަމަކީ މި ރާއްޖޭގެ އިޤްތިޞާދު ޑައިވާސިފައި ކުރުމަށް ބަލާއިރުގައި، އަޅުގަނޑުމެން ވަރަށް ބޮޑަށް ސަމާލުކަންދޭ ދާއިރާއެއް. އެހެންކަމުން، ދަނޑުވެރިކަން މިހާރަށްވުރެން ރަގަޅުކުރުން އަޅުގަނޑުމެންގެ ވިސްނުމަކީ. ދަނޑުވެރިކަމަށް . 

ސަރުކާރުންދޭ އަހައްމިއްޔަތު ފާހަގަކުރައްވައި ރައީސުލްޖުމްހޫރިއްޔާ ވިދާޅުވިއެވެ