ވިޔަފާރި / ޚަބަރު

ރެޑްބޮކްސްއިން ފޮނުވާ މެސެޖަކީ ސްކޭމެއް ނޫންކަން ކަށަވަރުކޮށްދީފި

ރެޑްބޮކްސްއިން ފޮނުވާ މެސެޖަކީ ސްކޭމެއް ނޫންކަން ކަށަވަރުކޮށްދީފި

ރެޑްބޮކްސް ފޮޓޯ:ރެޑްބޮކްސް

އާމިނަތު ޔުމްނާ

އާމިނަތު ޔުމްނާ

25 ޖެނުއަރީ 2025، 06:05

25 ޖެނުއަރީ 2025، 06:05

 ރެޑްބޮކްސް މެދުވެރިކޮށް އަލީ އެކްސްޕްރެސް ޕެކޭޖްތައް ލިބޭނެ ގޮތް ހަމަޖެހުމާ ގުޅިގެން، ރެޑްބޮކްސްއިން ފޮނުވާ މެސެޖަކީ ސްކޭމެއް ނޫންކަން ކަށަވަރުކޮށްދީފިއެވެ.

ރެޑްބޮކްސްއިން  ހާމަކުރިގޮތުގައި، ނޮވެމްބަރ 2024 އިން ފެށިގެން ރާއްޖެއަށް އަންނަ އަލީ އެކްސްޕްރެސް ޕެކޭޖްތައް ރެޑްބޮކްސް މެދުވެރިކޮށް ލިބޭނެއެވެ. މި ޚިދުމަތާ ގުޅިގެން، ކަސްޓަމަރުންގެ ޕެކޭޖް ރެޑްބޮކްސްއަށް ލިބި، ނެގުމަށް ތައްޔާރުވުމުން ކަސްޓަމަރުންނަށް އެސްއެމްއެސްއެއް ލިބޭނެކަމަށް ބުނެފައިވެއެވެ.

ރެޑްބޮކްސްއިން ފޮނުވާ މެސެޖަކީ ސައްޙަ މެސެޖެއްކަން ކަށަވަރުކޮށްދޭން ބޭނުންވާކަމަށާއި މި މެސެޖުގައި ޕެކޭޖުގެ ޓްރެކިންގ ނަންބަރުގެ އިތުރުން ޕެކޭޖް ނަގަންޖެހޭ ތަނާއި ގަޑީގެ ތަފްސީލް ހިމެނޭނެ ކަން އަދި އެމެސެޖުގައި އެއްވެސް ލިންކެއް ނުހިމެނޭނެކަމަށް ވަނީ ބުނެފައެވެ.

ރެޑްބޮކްސްއިން ކަސްޓަމަރުންނަށް އިލްތިމާސްކޮށްފައިވަނީ، ލިންކު ހިމެނޭ ގޮތަށް އެކި ނަންނަމުގައި ލިބޭ މެސެޖުތަކަށް ސަމާލުވުމަށެވެ. މިފަދަ މެސެޖުތަކަކީ ސްކޭމް މެސެޖު ކަމަށް ވެދާނެތީ، އެފަދަ މެސެޖުތަކަށް އިޖާބަ ނުދިނުމަށް އިރުޝާދު ދީފައިވެއެވެ.

މީގެ އިތުރުން ރެޑްބޮކްސްގެ އަމާޒަކީ ކަސްޓަމަރުންނަށް އިތުބާރުހުރި، ރައްކާތެރި ޚިދުމަތެއް ފޯރުކޮށްދިނުންކަމާއި ،ރެޑްބޮކްސްއިން ފޮނުވާ މެސެޖުތަކަކީ ސައްޙަ މެސެޖުތަކެއްކަން ކަށަވަރުކޮށްދިނުމަށް މަސައްކަތްކުރަމުން ގެންދާނެކަން ވަނީ ހާމަކޮށްފައެވެ.

އިތުރު މަޢުލޫމާތު ސާފުކުރުމަށް ރެޑްބޮކްސް ކަސްޓަމަރ ސަރވިސްއަށް ގުޅުމަށް އެ ކުންފުނިން އިލްތިމާސްކޮށްފައިވެއެވެ. މި ޚިދުމަތާ ގުޅޭގޮތުން އެއްވެސް ޝައްކެއް އުފެދިއްޖެނަމަ، ސީދާ ރެޑްބޮކްސްއާ ގުޅުމަށް ވެސް އިރުޝާދު ދީފައިވެއެވެ.
                    

މި ލިޔުން ކިޔާލުމުން

Ads by MSS