ސްޓެލްކޯ މުވައްޒަފުންގެ ހުނަރުވެރިކަން ހުރިހާ ގޮތަކުން ފެނިގެންދާ ޓްރެއިނިންގ ސެންޓަރެއް ތުލުސްދޫގައި އިމާރާތްކުރަން ފަށައިފި

އިމާރާތް ކުރެހުމުން ފެށިގެން، ފިނިޝިންއާ ހިސާބަށް ހުރިހާ މަސައްކަތަކުން ސްޓެލްކޯގެ މުވައްޒަފުންގެ ހުނަރުވެރިކަން ފެނިގެންދާ، އެ ކުންފުނީގެ މެކޭނިކަލް ޓްރެއިނިންގ ސެންޓަރުގެ މަސައްކަތް ކ. ތުލުސްދޫގައި ފަށައިގެން ކުރިޔަށް އެބަދެއެވެ.

މި އިމާރާތުގެ 3ޑީ އެނިމޭޝަނެއް ސޯޝަލް މީޑީއާގައި ޙިއްސާކުރައްވައި، ސްޓެލްކޯގެ މެނޭޖިންގ ޑިރެކްޓަރ ޙުސެއިން ފަޙްމީ ވިދާޅުވީ، މި އިމާރާތް ބިނާކުރުމުގެ ހުރިހާ މަރުހަލާއަކުން ދައްކުވައިދޭނީ، އެ ކުންފުނީގެ މުވައްޒަފުންގެ ހުނަރާއި ޤާބިލްކަން ކަމަށެވެ.

The STELCO Mechanical Training Centre in K. Thulusdhoo is a project currently under development, showcasing the exceptional design and planning skills of STELCO employees who fully designed the building. The construction of this facility, from conception to execution, is being… pic.twitter.com/U9TK7caoJS

— Hussain Fahmy (@HussainFahmy09) January 26, 2025

3ޑީ އެނިމޭޝަނުގެ އިތުރުން، މިތަނުގެ މަސައްކަތް ކުރިޔަށް ގޮސްފައިވާ މިންވަރު ފެނިގެންދާ ފޮޓޯއެއް ވެސް ފަޙްމީ ޙިއްސާކުރައްވާފައި ވެއެވެ. އެގޮތުން، އިމާރާތް ކޮންސްޓްރަކްޝެންގެ ބޮޑު ބައެއް މިހާރުވަނީ ނިމިފައެވެ. 

Construction of STELCO Mechanical Training Center at K. Thulusdhoo

ސްޓެލްކޯއިން ކުރިޔަށްގެންދާ މި ޕްރޮޖެކްޓުން ދައްކުވައިދެނީ، މިފަދަ އިންފްރާސްކްޗާރ ބިނާކުރުމުގެ މަސައްކަތްތަކަކީ ވެސް އެ ކުންފުންޏަށް އެކަނި ކުރިޔަށްގެންދެވޭނެފަދަ، ޤާބިލް މުވައްޒަފުންތަކެއް ތިބި ކުންފުންޏެއްކަމަށެވެ. 

މީގެ އިތުރުން، ޓްރެއިނިން ސެންޓަރުގެ ބޭނުމަށް އަލިއަޅުވާލައި ފަޙްމީ ވިދާޅުވީ، އެ ސެންޓަރަކީ އެ ކުންފުނީގެ މުވައްޒަފުންގެ ހުނަރު އިތުރުކުރުމަށް ކޮށެވިގެންދާ ރަގަޅު ފުރުސަތަކަށް ވެގެންދާނެކަމަށެވެ.