Ads by Exprox

ޚަބަރު

އިހަވަންދޫގެ ހޮސްޕިޓަލް ނިމެންދެން މަޑުނުކުރައްވައި، ފެބުރުއަރީގައި ޑަޔަލިސިސް ފަށަން ރައީސުލްޖުމްހޫރިއްޔާ ނިންމަވައިފި

އިހަވަންދޫގެ ހޮސްޕިޓަލް ނިމެންދެން މަޑުނުކުރައްވައި، ފެބުރުއަރީގައި ޑަޔަލިސިސް ފަށަން ރައީސުލްޖުމްހޫރިއްޔާ ނިންމަވައިފި

ރައީސުލްޖުމްހޫރިއްޔާ ހއ. އިހަވަންދޫ ރައްޔިތުންނާ ބައްދަލުކުރެއްވުން، ފޮޓޯ: ރައީސް އޮފީސް

މިފްތާޙް މުޙައްމަދު

މިފްތާޙް މުޙައްމަދު

29 ޖެނުއަރީ 2025، 10:03

29 ޖެނުއަރީ 2025، 10:03

ހުލާސާ

ޑަޔަލިސިސް ފެށުމަށް ނިންމަވާފައިވަނީ މި ރަމަޟާން މަހުގެ ކުރިން.

އިހަވަންދޫގެ ހޮސްޕިޓަލް ޤާއިމްކޮށް ނިމެންދެން މަޑުނުކުރައްވައި، ފެބުރުއަރީމަހު އެ ރަށުގައި ޑަޔަލިސިސް ފަށާނެ ކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ.

އިހަވަންދޫގެ ރައްޔިތުންނާ ބައްދަލުކޮށް ވާހަކަފުޅު ދައްކަވަމުން އެ މަނިކުފާނު ވިދާޅުވީ، ހޮސްޕިޓަލްގެ މަސައްކަތް ފަށާފައިވީނަމަވެސް، އެ ރަށު އާމިނާދިޔޯ ސިއްޙީ މަރުކަޒުގެ ފެންވަރު މަތިކުރުމަށް މަސައްކަތްކުރައްވާނެކަމަށެވެ. އެގޮތުން، ސިއްޙީ މަރުކަޒުގައި ކިޑްނީ ޑަޔަލިސިސްގެ ޚިދުމަތް މި ރަމަޟާންމަހުގެ ކުރިން ފައްޓަވާނެކަމަށް ރައީސުލްޖުމްހޫރިއްޔާ ވަނީ ވިދާޅުވެފައެވެ.

މީގެ އިތުރުން، އިހަވަންދޫގެ ސިއްޙީ ޚިދުމަތް ފުޅާކުރުމުގެ ގޮތުން އެ ރަށުގައި ތަރައްޤީކުރުމަށް ނިންމާފައިވާ ހޮސްޕިޓަލް އިމާރާތް ކުރުމުގެ މަސައްކަތް މިއަދު ވަނީ ރޯޑް ޑިވެލޮޕްމެންޓް ކޯޕަރޭޝަނާއި ޙަވާލުކޮށްފައެވެ. މިއީ ރައީސުލްޖުމްހޫރިއްޔާ އެ ރަށަށް ކޮށްދެއްވާނެކަމަށް ވިދާޅުވި ވަޢުދުތަކުގެ ތެރޭގައި ހިމެނޭކަމެއް ވެސް މެއެވެ.

އިހަވަންދޫއަކީ އަތޮޅުގައި އާބާދީ ބޮޑު ރަށްރަށުގެ ތެރޭގައި ހިމެނޭ ރަށެކެވެ. އަދި އެއީ ސަރަޙައްދީ ތަރައްޤީގެ މުހިންމު ރަށެކެވެ. އެހެންކަމުން އެ ރަށުގައި ޤާއިމްކުރުމަށް ސަރުކާރުން ނިންމާފައިމިވާ ހޮސްޕިޓަލަކީ ޖާގަ ތަނަވަސް، އަދި ޚިދުމަތުގެ ގޮތުން ފުރިހަމަ ތަނަކަށް ވާނެކަމަށް ސަރުކާރުން ހާމަކޮށްފައިވެއެވެ.

އެ ހޮސްޕިޓަލް ޤާއިމްކުރުމަށް، ނިމިދިޔަ ސަރުކާރުން ހަވާލުކުރީ ޑުޕްލެކްސް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާއެވެ. ނަމަވެސް އެ ކުންފުނިން މަސައްކަތްކުރިޔަށް ގެންގޮސްފައި ނުވާތީ، އެ ކުންފުންޏާއި ދެމެދު ހަދާފައިވާ އެއްބަސްވުން ނިމުމަކަށް ގެނަސް، އެ މަސައްކަތް މި ސަރުކާރުން މި ހަވާލުކުރީ އާރުޑީސީއާއެވެ. ނަމަވެސް ޕްރޮޖެކްޓުގެ ޑިޒައިންއާ ސްކޯޕަށް އެއްވެސް ބަދަލެއް ގެނެސްފައިނުވެއެވެ.

އިހަވަންދޫގައި ތަރައްޤީކުރާ 30 އެނދުގެ ހޮސްޕިޓަލް ތަރައްޤީކުރުމަށް 123 މިލިއަނަށްވުރެ ގިނަ ރުފިޔާގެ ބަޖެޓެއް ކަނޑައަޅާފައިވެއެވެ. މި ހޮސްޕިޓަލުގައި އެކޮމޮޑޭޝަން ބްލޮކަކާއި އެހެނިހެން ޚިދުމަތްތައް ފޯރުކޮށްދިނުމަށް ބޭނުންވާ ޢިމާރާތެއްވެސް ތަރައްޤީކުރުމަށް ހަމަޖެހިފައިވެއެވެ. 

މި ލިޔުން ކިޔާލުމުން

Ads by MSS