އާސަންދަ މޯބައިލް އެޕް މެދުވެރިކޮށް އެޕްލިކޭޝަން ހުށަހަޅާނީ ކިހިނެއް؟

އާސަންދާ މޮބައިލް އެޕް މެދުވެރިކޮށް ބޭސްފަރުވާގެ އެހީއާއި، އައި.ވީ.އެފް ފަރުވާއާއި، އައި.ޔޫ.އައި ފަރުވާއަށް ފޯމު ހުށައަޅާނެ ގޮތް އިނގޭތަ؟

އާސަންދަ މޯބައިލް އެޕުގައި ރަޖިސްޓްރީވާނީ ކިހިނެއް؟

• މައި އާސަންދަ މޯބައިލް އެޕު ހުޅުވާލުމަށްފަހު، ތިރީގައި ރަތްކުލައިން ލިޔެފައިވާ 'ކްރިއޭޓް އެކައުންޓް' ފިތަށް ފިއްތަވާ
• އައިޑީ ކާޑު ނަންބަރު "A000000" ޖެއްސެވުމަށްފަހު، ގޫޅޭނެ ނަންބަރެއް ޖައްސަވާ
• 'އަޕްލޯޑް އައިޑީ ކޮޕީ' ފިތް ޚިޔާރުކުރުމަށްފަހު، 'ކޮންޓިނިއު' ލިޔެފައިވާ ފިތަށް ފިއްތަވާ
• 1400 އިން މޯބައިލް ފޯނަށް ނުވަތަ އީމެއިލަށް އޯޓީޕީ ޕާސްވޯރޑެއް ފޮނުވާނެ. މި އޯޓީޕީ ޖައްސަވާ
• އޯޓީޕީ ޖެހުމަށްފަހު، އެކައުންޓު ހަދާ ފަރާތުގެ އައިޑެންޓިޓީ ކަށަވަރުކުރުމަށްޓަކައި، ފޯނުގެ ސްކްރީނުގައިވާ އިރުޝާދުތަކާ އެއްގޮތަށް މޫނުގެ ކުރިމައްޗާއި، ވާތް އަދި ކަނާތް ފަރާތް ސާފުކޮށް ފެންނާނޭހެން، ފޯނުން 'ފޭސް ކެޕްޗާރ' ކުރުމަށް ތިރީގައިވާ ރަތްކުލައިގެ ފިތަށް ފިތައިލައްވާ
• ސޭފް ޑިޓެކްޝަން ނިމުމުން ތިރީގައި 'ސަބްމިޓް' ލިޔެފައިވާ ރަތްކުލައިގެ ފިތަށް ފިއްތައިލައްވާ
• ރަޖިސްޓާރ ކުރެވުނު އެކައުންޓު މެދުވެރިކޮށް މައި އާސަންދަ އެޕަށް ލޮގިންވެލައްވާ
• ލޮގިންވުމަށްފަހު، މައި އާސަންދަ މޮބައިލް އެޕަށް ވަނުމަށް 4 ނަންބަރުގެ ޕާސްކޯޑެއް ޖައްސަވާ

އާސަންދަ މެދުވެރިކޮށް ބޭނުންވާ އެހީއަށް އެދި ހުށައަޅާނީ ކިހިނެއް؟

•  އާސަންދަ ޕޯރޓަލް މެދުވެރިކޮށް ޑޮކްޓާރ ރިކޮމެންޑޭޝަން ފޯމު ފުރައިދެއްވުމުން، އާސަންދަ ސްކީމުގެ އެހީއަށް އެދި ހުށައެޅުމަށް "Aasandha Assistance" ޚިޔާރުކުރަށްވާ. 
•  އާސަންދާ ސްކީމުގެ އެހީގެ އިތުރުން، ވެލްފެއާރ އެހީއަށް އެދި ހުށައެޅުމަށް (Assistance in addition to Aasandhaa Assistance) ޚިޔާރުކުރައްވާ.
• ހަމައެކަނި ވެލްފެއާރ އެހީއަށް އެދި ހުށައެޅުމަށް އެދޭނަމަ، ބޭނުންވާ އެހީ ޚިޔާރުކުރުމަށްފަހު، އެހީގެ ތަފްސީލު ބަޔާންކުރައްވާ.
• ހުށައަޅަން ބޭނުންވާ އެހީގެ ދަށުން ފުރިހަމަކުރަންހުރި ބައިތައް ފުރިހަމަކުރުމަށްފަހު ސޭވްކޮށްފައި، ކުރިއަށް ދިއުމަށް "save and continue" ލިޔެފައިވާ ފެހި ފިތަށް ފިތައިލައްވާ. 

ހުށައަޅަންޖެހޭނީ ކޮން ލިޔެކިޔުންތަކެއް؟

• ފާއިތުވި 1 އަހަރުދުވަހުގެ ތެރޭގައި،ބައްޔާ ގުޅޭގޮތުން ޑޮކްޓަރު ދެއްވާފައިވާ ލިޔެކިޔުންތަކުގެ ކޮޕީ، ޓެސްޓުތަކުގެ ނަތީޖާތައް އަދި ސްކޭން/ އެމް.އާރު،އައި ރިޕޯޓުތައް. 
• ކުރިން އެހީއެއް ލިބިފައިވާނަމަ އެ އެހީއިން ކުރި ބޭސްފަރުވާގެ ލިޔެކިޔުންތައް. 
• އިތުރު ލިޔެކިޔުންތަކުގެ ގޮތުގައި ބޭންކު ފޯމާއި، މެޑިކަލް އެސިސްޓިވް ޑިވައިސް ފޯމާއި، ސިޓީފަދަ އިތުރު ލިޔެކިޔުންތައް. 

އެޕްލިކެންޓުގެ މާޢުލޫމާތު

އާސަންދަ އެޕުން ލޮގިންވެފައިވާ އެކައުންޓުގެ ވެރިފަރާތުގެ ނަމާއި، އައިޑީ ކާޑު ނަންބަރާއި، ދާއިމީ އެޑްރެސް އަދި އީމެއިލް އެޑްރެސް އަމިއްލައަށް ފުރިހަމަވެފައި އިންނާނެއެވެ. މި ބައި ފުރަން ޖެހޭނީ، ލޮގިން ވެފައިވާ ފަރާތް ނޫން އެހެން ފަރާތެއްގެ ފޯމެއް ހުށައަޅާނަމަ އެކަންޏެވެ. 

•  ބަލިމީހާ މިހާރު އުޅޭ އެޑްރެސް
• ބަލިމީހާ މިހާރު ދިރިއުޅޭ ތަން
• އިޢުތިރާޒު (އެޕުގައި ދީފައިވާ އިޢުތިރާޒުގެ ލިޔުން ކިޔުމަށްފަހު ފާހަގަ ޖައްސަވާ)
• ތިރީގައި ފެންނަން އިން "save and send" ފިތަށް ފިއްތަވާ