ރަޝިޔާއިން ދިން ޑްރޯން ޙަމަލާއަކާ އެކު ޔޫކްރެއިންގެ ގިނަ ބަޔަކަށް ކަރަންޓުގެ ޚިދުމަތް ކެނޑިއްޖެ

ރަޝިއާއިން ޔޫކްރެއިންގެ މައި އިންޖީނުގެޔަށް ދިން ޑްރޯން ހަމަލާއެއްގެ ސަބަބުން، އެ ޤައުމުގައި ދިރިއުޅޭ 50،000 މީހުންނަށް ކަރަންޓުގެ ޚިދުމަތް ކެނޑިފައިވާކަމަށް ޔޫކްރެއިނުގެ ސަރުކާރުން މަޢުލޫމާތު ދެއްވައިފިއެވެ.

ޔޫކްރެއިނުގެ މައިކޮލައިވް އަވަށުގެ މައި އިންޖީނުގެޔަށް ރަޝިއާއިން ހަމަލާދީފައި ވަނީ، އެ ސަރަހައްދަށް ވަރަށް ފިނި މޫސުމެއްގައެވެ. މައިކޮލައިވްގައި ފިނިހޫނުމިން ހުރީ މައިނަސް ހަތް ޑިގްރީ ސެލްސިއަސްގައި ކަމަށް އެ ޤައުމުގެ މޫސުމާބެހޭ އިދާރާއިން ބުނެއެވެ.

މިއީ ގަސްތުގައި، ފިނަގަދަ މޫސުމެއްގައި ހީޓަރުވެސް ޖެއްސޭނެ ގޮތެއް ނެތި، އިންސާނީ ކާރިސާއެއް ކުރިމަތިކުރުވަން ކުރި ކަމެއް.  

ޔޫކްރެއިނުގެ ބޮޑުވަޒީރު ޑެނީސް ޝްމީހާލް ވިދާޅުވިއެވެ.

ރެއިން ފެށިގެން މިހާތަނަށް ރަޝިއާއިން ވަނީ ޔޫކްރެއިނަށް އަމާޒުކޮށްގެން 143 ޑްރޯން ޙަމަލާ ފޮނުވާލާފައެވެ. ނަމަވެސް މި ޙަމަލާތަކުގެ ތެރެއިން 95 ޙަމަލާ ވަނީ، ޔޫކްރެއިނުގެ އަސްކަރިއްޔާއިން ހުއްޓުވާފައެވެ. މި ޙަމަލާ ތަކުގައި މިހާތަނަށް ޒަޙަމްވެފައި ވަނީ އާންމުންގެ އެންމެ މީހެކެވެ. 

މިއީ ރަޝިޔާއިން ސީދާ އަޅުގަނޑުމެންގެ ރައްޔިތުންނާ ދެކޮޅަށް އަދި ޔޫކްރެއިނުގައި ދިރިއުޅުމުގެ ޙައްޤާ ދެކޮޅަށް ހަނގުރާމަ ކުރަމުންދާ ކަމުގެ އިތުރު ސާފު ދަލީލެއް.  

އޭނާ ވިދާޅުވިއެވެ.

ޒެލެންސްކީ ވިދާޅުވީ އެ ސަރަޙައްދަށް ކަރަންޓުގެ ޚިދުމަތް އަލުން ފޯރުކޮށްދިނުމަށްޓަކައި މެދުކެނޑުމެއްނެތި މަސައްކަތް ކުރަމުންދާ ކަމަށެވެ 2022 .ވަނަ އަހަރު ރަޝިޔާގެ ރައީސް ވްލަޑްމީރް ޕުޓިން ވަނީ ޔޫކްރެއިންގައި ދިރިއުޅޭ ރަޝިޔާ ބަހުން ވާހަކަ ދައްކާ މީހުންގެ ދިފާޢުގައި ހިންގާ ޚާއްޞަ އަސްކަރީ ޙަރަކާތެއް ކަމަށް ވިދާޅުވެ އެ ޤައުމުގެ އަސްކަރީ ފައުޖު ޔޫކްރެއިނަށް ފޮނުއްވާފައެވެ. އޭގެ އިތުރުން ނޭޓޯގެ މެންބަރު ޤައުމަކަށް ވުމަށް ޔޫކްރެއިނުން ކުރަމުންދާ މަސައްކަތަކީ ރަޝިޔާއަށް އޮތް ނުރައްކަލެއް ކަމަށް ވެސް ޕުޓިން ދިޔައީ ވިދާޅުވަމުންނެވެ.