ވޭތުވެ ދިޔަ 50 އަހަރު ތެރޭގައި ރާއްޖެއާ ސިންގަޕޫރުގެ ގުޅުން ވަނީ ކުރިއަރާފައި: ރައީސް

ވޭތުވެ ދިޔަ 50 އަހަރު ތެރޭގައި ދިވެހިރާއްޖެއާއި ސިންގަޕޫރާއި ދެމެދު އޮތް ގުޅުން ކުރިއަރާފައިވާކަމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވެއްޖެއެވެ. 

ރައީސުލްޖުމްހޫރިއްޔާ މިހެން ވިދާޅުވީ ސޯޝަލް މީޑިއާގައި ކުރެއްވި ޕޯސްޓެއްގައެވެ.  ރައީސް ވިދާޅުވީ 50 އަހަރުގެ ތެރޭގައި ދެ ޤައުމުގެ ގުޅުން އެކި ދާއިރާތަކުން ކުރިއަރާފައިވާ ކަމަށެވެ. އެގޮތުން ވިޔަފާރީގެ ގުޅުންތަކާއި، ރައްޔިތުންގެ މެދުގައި އޮންނަ ގުޅުންތައް ވަރުގަދަ ވެފައިވާކަންވެސް ރައީސް ވަނީ ފާހަގަ ކުރައްވާފައެވެ. އެއާއެކު ދެޤައުމުގެ ރައްޔިތުންނަށް ފައިދާހުރި ކަންކަމުގައި ގުޅިގެން މަސައްކަތްކުރައްވަމުން ގެންދެވުމަށާއި ދެޤައުމުގެ ދެމެދުގައި އޮންނަ ގާތް ރަހުމަތްތެރި ގުޅުންތައް އިތުރަށް ބަދަހިކުރެއްވުމަށް އުންމީދުކުރައްވާ ކަމުގައިވެސް ރައީސް ވިދާޅުވެފައިވެއެވެ.

As the Maldives and Singapore today mark 50 cordial years since the establishment of formal diplomatic relations, I wish to convey greetings and good wishes to President @Tharman_S, Prime Minister @LawrenceWongST, the Government and the friendly people of Singapore.

The past… pic.twitter.com/MwzRADU6Z3

— Dr Mohamed Muizzu (@MMuizzu) February 20, 2025

ސޯޝަލް މީޑިއާގައި ކުރެއްވި ޕޯސްޓުގައި ރައީސުލްޖުމްހޫރިއްޔާ ވަނީ ރާއްޖެއާ ސިންގަޕޫރާދެމެދު ރަސްމީކޮށް ޚާރިޖީ ގުޅުން ޤާއިމްކުރެވުނުތާ 50 އަހަރު ފުރުމާއި ގުޅިގެން ސިންގަޕޫރުގެ ރައީސް ތަރމަން ޝަންމުގަރަތުނަމް އާއި އެޤައުމުގެ ބޮޑު ވަޒީރު ލޯރެންސް ވޮންގްގެ އިތުރުން އެޤައުމުގެ ރައްޔިތުންނަށް ހެޔޮއެދުންތައް ފޮނުއްވާފައެވެ.