Ads by Exprox

ޚަބަރު

ސަރުކާރުގެ ފަރާތުން ފޮނުއްވަންހުރި ބިލްތަކާމެދު މަޝްވަރާ ކުރައްވައިފި

ސަރުކާރުގެ ފަރާތުން ފޮނުއްވަންހުރި ބިލްތަކާމެދު މަޝްވަރާ ކުރައްވައިފި

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އަދި ރައްޔިތުން މަޖިލީހުގެ ރައީސް - ފޮޓޯ: ރައީސް އޮފީސް

farudhun logo

ފަރުދުން

21 ފެބްރުއަރީ 2025، 01:21

21 ފެބްރުއަރީ 2025، 01:21

ރައްޔިތުންގެ މަޖިލީހަށް މި ފެށުނު ދައުރުގައި ސަރުކާރުގެ ފަރާތުން ފޮނުއްވަންހުރި ބިލުތަކާގުޅޭގޮތުން ރައީސުލްޖުމްހޫރިއްޔާ ޑރ މުޙައްމަދު މުޢިއްޒު، ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ އާއިއެކު މަޝްވަރާކުރައްވައިފިއެވެ.

ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒު، ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ އާއި، ޕީ.އެން.ސީގެ ޕީ.ޖީ ލީޑަރު އިބްރާހީމް ފަލާޙްއާއެކު ބައްދަލު ކުރައްވާފައިވާކަމަށެވެ. މި ބައްދަލުކުރެއްވުމުގައި، ރައްޔިތުންގެ މަޖިލީހަށް މި އަހަރުގެ މި ފެށުނު ދައުރުގައި ސަރުކާރުގެ ފަރާތުން ފޮނުއްވަންހުރި ބިލްތަކާމެދު މަޝްވަރާ ކުރެއްވި ކަމަށާއި، މި ބައްދަލުކުރެއްވުމަކީ، މިދިޔަ އަހަރުވެސް ކޮންމެ ދައުރެއްގެ ކުރީކޮޅު ކުރިއަށްގެންދަވާފައިވާ ފަދަ މަޝްވަރާ ބައްދަލުވުމެއް ކަމަށްވެސް ހީނާ ވިދާޅުވިއެވެ. 

މިއަހަރު ރައްޔިތުންނާއި ގުޅުންހުރި ގިނަ އަދަދެއްގެ ބިލުތަކެއް   ހުށައެޅުމަށް ސަރުކާރުން ނިންމަވާފައިވާއިރު، މިދިޔަ އަހަރުވެސް އެކި ދާއިރާތަކުގެ ކުރިއެރުމަށާއި ރާއްޖޭގެ މިނިވަންކަމާއި ސިޔާދަތު ދެމެހެއްޓުމަށް ޤާނޫނުއަސާސީއަށާއި ޤާނޫނުތަކަށް މުހިންމު އިސްލާޙުތަކެއް ވަނީ ގެންނަވާފައެވެ.

މި ލިޔުން ކިޔާލުމުން

Ads by MSS