ލަންކާގެ ރިޔާސީ އިންތިޚާބު ކާމިޔާބު ކުރެއްވި އަނުރަ ކުމާރަ ދިސާނަޔަކަށް ރައީސުލްޖުމްހޫރިއްޔާ ތަހުނިޔާ ވިދާޅުވެއްޖެ

ސްރީލަންކާގައި ބޭއްވި ރިޔާސީ އިންތިޚާބު ކާމިޔާބު ކުރެއްވި އަނުރަ ކުމާރަ ދިސާނަޔަކައަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަހުނިޔާ ވިދާޅުވެއްޖެއެވެ.

ރައީސް އެކްސްގައި ކުރެއްވި ޕޯސްޓެއްގައި ވަނީ ރިޔާސީ އިންތިޚާބުގައި ދިސާނަޔަކަ ހޯއްދެވި ފުރިހަމަ ކާމިޔާބީއަށް  މަރުޙަބާ ދަންނަވާފައެވެ. އަދި ލަންކާއާއި ރާއްޖެއަކީ ގާތް އަވަށްޓެރި ދެ ޤައުމުކަން ރައީސްގެ ޕޯސްޓުގައި ފާހަގަ ކުރެއްވިއެވެ. ރައީސް ވިދާޅުވީ ކުރިއަށް އޮތްތަނުގައި ދެ ޤައުމުގެ ގުޅުން ބަދަހިކުރުމަށް މަސައްކަތްކުރައްވާނެކަމަށެވެ.

Heartfelt congratulations to President-elect Anura Kumara Dissanayake (@anuradisanayake) on your remarkable election victory today. As close neighbours, I am eager to work with you to further strengthen the historic friendship between the Maldives and Sri Lanka. Wishing you…

— Dr Mohamed Muizzu (@MMuizzu) September 22, 2024

ހަމައެއާއެކު ސްރީލަންކާގައި ބޭއްވި ރިޔާސީ އިންތިޚާބު ކާމިޔާބު ކުރެއްވި އަނުރަ ކުމާރަ ދިސާނަޔަކަށް ރައީސުލްޖުމްހޫރިއްޔާގެ ނައިބު އަލްއުސްތާޛް ހުސައިން މުޙައްމަދު ލަޠީފްވެސް ވަނީ ތަޙުނިޔާ ވިދާޅުވެފައެވެ. ނައިބުރައީސް ކުރެއްވި ޕޯސްޓުގައި ވަނީ ހޯއްދެވި ފުރިހަމަކާމިޔާބީއަށް ހޫނު މަރުޙަބާއެއް ދަންނަވާފައެވެ. އަދި ދެ ޤައުމުގެ ދޭތެރޭ އޮތް ގާތް ރަޙުމަތްތެރިކަން އިތުރަށް ވަރުގަދަކޮށް އެކުގައި މަސައްކަތްޕުޅު ކުރެއްވުމަށް ތައްޔާރަށް ހުންނެވިކަމަށެވެ. 

🇲🇻🇱🇰
Congratulations to President-Elect @anuradisanayake. My best wishes to the people of the Democratic Socialist Republic of Sri Lanka. I look forward to working together to continue strengthening the friendship between our countries. pic.twitter.com/cevqsVZLJ9

— Hussain Mohamed Latheef (@HucenSembe) September 22, 2024

ސްރީލަންކާގައި ބޭއްވި ރިޔާސީ އިންތިޚާބު ކާމިޔާބު ކުރެއްވި އަނުރަ ކުމާރަ ދިސާނަޔަކައަކީ ޖަނަތާ ވިމުކްތި ޕެރަމުނަ (ޖޭވީޕީ) ޕާޓީގެ ވެރިޔާއެވެ.  މި އިންތިޚާބު ބާއްވާފައިވަނީ ސެޕްޓެންބަރު 21 ވަނަ ދުވަހުއެވެ.