ޚަބަރު
އިސްލާމްދީނަށް ނަސްރުދީ ބަހާއި އަމަލުން އިސްލާމްކަން ފާޅުކުރުން މުހިންމު: ރައީސް

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު
ދިވެހިންގެ ސަލާމަތާއި ދެމިތިބުމައްޓަކައި މާތް ވެގެންވާ އިސްލާމްދީނަށް ނަސްރުދީ ބަހާއި އަމަލުން އިސްލާމްކަން ފާޅުކުރުން މުހިންމުކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ދިވެހި ޤައުމިއްޔަތު ދިރުވާ އާލާކުރުމުގެ ދުވަހުގެ ތަހުނިޔާ ކިޔުއްވާ އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ ބަރަކާތްތެރި ރަމަޞާން މަހަކީ އިސްލާމް ދީނުގެ ދިފާއުގައި އެންމެ މަތިވެރި ޤުރުބާނީތައް ވެވުނު މައްސަރުކަމަށެވެ. އަދި އިސްލާމް ދީނަކީ ދިވެހި ޤައުމިއްޔަތުގެ މަދުކަމަށްވެސް ރައީސް ވިދާޅުވިއެވެ. ދިވެހިންގެ ސަލާމަތާއި ދެމިތިބުމައްޓަކައި މާތް ވެގެންވާ އިސްލާމްދީނަށް ނަސްރުދީ ބަހާއި އަމަލުން އިސްލާމްކަން ފާޅުކުރުން މުހިންމުކަމަށްވެސް ރައީސްގެ ޕޯސްޓުގައި ވިދާޅުވެފައި ވެއެވެ.
— Dr Mohamed Muizzu (@MMuizzu) March 6, 2025
ރައީސް ވަނީ ދިވެހި ޤައުމިއްޔަތު ދިރުވައި އާލާކުރާ ދުވަހުގެ މުނާސަބަތުގައި ޚާއްޞަ ޚިޠާބެއްވެސް ދެއްވާފައެވެ. މި ޚިޠާބުގައިދިވެހި ޤައުމިއްޔަތު ދިރުވައި އާލާކުރާ ދުވަހުގެ ޢަޒުމަކަށް ވާންވީ، އިސްލާމްދީނުގެ ރިވެތި އުސޫލުތަކަށް އަމަލުކުރާ، ދިވެހީންގެ ހަރުދަނާ ސިފަތަކަށް ޤަދަރުކުރާ މީހަކަށްވުމުގެ ޢަޒުމު ކަމަށާއި، އޭރުން ރޫޙާނީ ގޮތުންނާއި ނަފުސާނީ ގޮތުން ތާހިރުކަން ލިބުމާއެކު މަސައްކަތްތެރި މުރާލި ހުނަރުވެރި ތަހުޒީބު މީހަކަށް ވެވޭނެކަމުގައި ވިދާޅުވިއެވެ.