ދުނިޔެ
1999 ވަނަ އަހަރު ވަގަށްނެގި ކުޑަ ކުއްޖާ 25 އަހަރު ފަހުން މެކްސިކޯއިން ފެނިއްޖެ

އެންޑްރެއާ މިޝެލް ރެއެސް ފޮޓޯ:އިންޓަނެޓް
ކޮނެކްޓިކަޓްގެ ނިއު ހޭވަންގައި 1999 ވަނަ އަހަރު ވަގަށްނެގި ކުޑަ ކުއްޖާ 25 އަހަރު ފަހުން މެކްސިކޯއިން ފެނިއްޖެއެވެ. އޭރު 23 މަސްދުވަސްވެފައިވާ އެންޑްރެއާ މިޝެލް ރެއެސް ވަގަށްނެގީ އޭނާގެ މަންމަ ރޯސާ ޓެނޯރިއޯ ކަމަށް ފުލުހުން ބުނެއެވެ.
މިހާރު 27 އަހަރުގެ އެންޑްރެއާ ދިރިހުރިކަން ޑީއެންއޭ ޓެސްޓްތަކަކުން ކަށަވަރުވެއްޖެއެވެ. އޭނާގެ ބައްޕަގެ ޑީއެންއޭ ބޭނުންކޮށްގެން ކުރި "ރެޕިޑް ރިލޭޝަންޝިޕް ޓެސްޓިންގ" އަކުން އެންޑްރެއާގެ ކާކުކަން ދެނެގަނެވުނެވެ.
އެންޑްރެއާގެ އާއިލާއިން އަބަދުވެސް ޤަބޫލުކުރީ އޭނާ މެކްސިކޯގައި ހުންނާނެ ކަމަށެވެ. އޭނާގެ ބައްޕަ ތަކުރާރުކޮށް މެކްސިކޯއަށް ގޮސް އެންޑްރެއާ ހޯދަން މަސައްކަތްކުރި ނަމަވެސް ނުފެނުނެވެ. އެންޑްރެއާގެ މަންމަ އޭނާ ގެންދިޔައީ މެކްސިކޯ ސިޓީގެ ދެކުނު އިރުމަތީގައިވާ ޕުއެބްލާ އަށެވެ.
އެންޑްރެއާ ކަމަށް ބުނާ އަންހެނަކު އޭނާގެ ބައްޕަ ކަމަށް ހީކުރާ މީހަކާ ގުޅުމުން، ޑިޓެކްޓިވް ކީލިން ނިވަކޮފް އޭނާ ޕުއެބްލާއިން ހޯދާފައިވެއެވެ. އޭގެ ފަހުން ކުރެވުނު ޑީއެންއޭ ޓެސްޓުން އެ އަންހެން މީހާއަކީ 1999 ގައި ވަގަށްނެގުނު ކުއްޖާކަން ކަށަވަރުވިއެވެ.
އެންޑްރެއާ މިހާރުވެސް ދިރިއުޅެނީ މެކްސިކޯގައެވެ. އޭނާގެ މަންމަ ހައްޔަރުކުރުމުގެ ވޮރަންޓް އަދިވެސް އެމެރިކާގައި އޮތް ނަމަވެސް، އެންޑްރެއާ އޭނާގެ ބައްޕައާ ބައްދަލުވިކަން ނުވަތަ ނޫންކަން އަދި އެނގިފައެއް ނުވެއެވެ. މިއީ ކޮނެކްޓިކަޓްގައި އެޑްވާންސްޑް ޑީއެންއޭ ޓެސްޓިންގ ބޭނުންކޮށްގެން މީހަކު ދެނެގަތް ހަތްވަނަ ފަހަރެވެ.