ފަހު ދިހައިގެ ހެޔޮ ދުޢާ ތަހުނިޔާ ރައިސްގެ ފަރާތުން ހުރިހާ ދިވެހި ރައްޔިތުންނަށް

ބަރަކާތްތެރި ރަމަޟާން މަހުގެ ފަހު ދިހައިގެ ހެޔޮ ދުޢާ ތަހްނިޔާ އެންމެހާ ލޮބުވެތި ރައްޔިތުންނަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ފޮނުއްވައިފިއެވެ.

އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ ބަރަކާތްތެރި ރަމަޟާން މަހުގެ ފަހު ދިހައިގެ ހެޔޮ ދުޢާ ތަހްނިޔާ އެންމެހާ ލޮބުވެތި ރައްޔިތުންނަށް އަރިސްކުރައްވާ ކަމަށެވެ. އެއާއެކު މާތް ﷲ މި ބަރަކާތްތެރި ރޭ ތަކުގެ ހެޔޮ ދަރުމަޔާއި ޡަވާބު އަޅަމެން އެންމެނަށް ލެއްވުން އެދި ދުޢާ ދަންނަވާފައިވެއެވެ. ރައީސް އިތުރަށް ވިދާޅުވެފައި ވަނީ:

"ލައިލަތުލް ޤަދްރީގެ މަތިވެރި ނިޢުމަތް އަޅަމެން އެންމެނަށް ދެއްވަވާށި! އާމީން!

اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي" މިފަދައިންނެވެ. 

ރައީސް ޑރ މުޙައްމަދު މުޢިއްޒަކީ ނަމޫނާ ވެރިއެއްކަމަށް ގިނަ ބަޔަކު ދެކެއެވެ. އެގޮތުން ތަރާވީހް ނަމާދާއި ދަމުނަމާދުގެ ޖަމާޢަތުގައި ކުރީސަފުން ޤައުމުގެ ވަލީއުލްއަމްރު ފެނިގެން ދިއުމަކީ ނަމޫނާ މަންޒަރެކެވެ. ރައީސް ޑރ މުޙައްމަދު މުޢިއްޒު ވަނީ އަޅުކަމުގައި ގިނައިރު ޝާމިލްވެގެން އުޅެވޭނެހެން ރަމަޟާން މަހުގެ ފަހު 10އެއް ސަރުކާރު ބަންދު ދުވަސްތަކެއްގެ ގޮތުގައި ކަނޑައަޅުއްވާފައެވެ.