ޚަބަރު
އޮރެންޖު ހިޔާގެ މަސައްކަތްތައް ރައީސުލްޖުމްހޫރިއްޔާ ބައްލަވާލައްވައިފި

އޮރެންޖު ހިޔާގެ މަސައްކަތްތައް ރައީސުލްޖުމްހޫރިއްޔާ ބައްލަވާލެއްވުން، ފޮޓޯ: ރައީސް އޮފީސް

ފަރުދުން
23 މާރިޗު 2025، 04:41
23 މާރިޗު 2025، 04:41
ނެޝަނަލް ތެލަސީމިއާ ސެންޓަރު ބަދަލުކުރުމަށް މިހާރު ތައްޔާރުކުރެވެމުންދާ "އޮރެންޖް ހިޔާ" އިމާރާތް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ބައްލަވާލައްވައިފިއެވެ.
ހުޅުމާލޭގައި އިމާރާތް ކުރަމުން އަންނަ މި އިމާރާތަށް ރައީސުލްޖުމްހޫރިއްޔާ ޒިޔާރަތްކުރެއްވީ، މާލޭގައި ހުންނަ ތެލެސީމިއާ ސެންޓަރުގެ ހާލަތު ބައްލަވާ ލެއްވުމަށް އެތަނަށް ވަޑައިގެން، އެ ތަނުގެ މުވައްޒަފުންނާ ބައްދަލުކުރެއްވުމަށްފަހުއެވެ.
އޮރެންޖު ހިޔާއަށް ރައީސުލްޖުމްހޫރިއްޔާ ކުރެއްވެވި ޒިޔާރަތުގައި އެ މަނިކުފާނު ވަނީ އިމާރާތުގެ މަސައްކަތްތައް މިހާރު ގޮސްފައިވާ ހިސާބު ބައްލަވައި އިތުރަށް ކުރަން ހުރި މަސައްކަތްތަކުގެ މަޢުލޫމާތު ހޯއްދަވާފައެވެ.
މި އިމާރާތުގެ މަސައްކަތްތައް މިހާރު ކުރިޔަށް މި ދަނޑިވަޅުގައި ރައީސުލްޖުމްހޫރިއްޔާ އިރުޝާދުދެއްވީ، އެ ތަނުގެ ޚިދުމަތްތައް އެންމެ ފުރިހަމައަށް ޤާއިމްކުރެއްވުމަށެވެ. އެގޮތުން ބަލި މީހުންނާ އަދި ޚިދުމަތް ހޯދާފަރާތްތަކާ ގުޅިގެން އެފަރާތްތަކުގެ މަޝްވަރާއާއެކު، ގާތުން ކަންކަން ކުރިއަށް ގެންދިއުމަށްވެސް އެމަނިކުފާނު އިރުޝާދު ދެއްވިއެވެ.
ތެލަސީމިއާ ކުދިންނަށް ދިމާވާ ހުރިހާ ދަތިތަކެއް ޙައްލު ކުރުމުގައި، ސީދާ އެ މަނިކުފާނުގެ ބެއްލެވުމުގެ ދަށުން ކަންކަން ބައްލަވާނެކަމަށް، ރައީސުލްޖުމްހޫރިއްޔާ ވަނީ މިއަދު ވިދާޅުވެފައެވެ.