ކުޅިވަރު

ޕެނަލްޓީއަށްފަހު ނޭޝަންސް ލީގުގެ ސެމީ ފައިނަލުން ފްރާންސް އާއި ސްޕެއިން ވެސް ޖާގަ ހޯދައިފި

ޕެނަލްޓީއަށްފަހު ނޭޝަންސް ލީގުގެ ސެމީ ފައިނަލުން ފްރާންސް އާއި ސްޕެއިން ވެސް ޖާގަ ހޯދައިފި

ސްޕެއިން އާއި ނެދަލޭންޑް ބައްދަލުކުރި މެޗުގައި ޔަމާލް އާއި ނޯރމަންޑް، ފޮޓޯ: ގެޓީއިމޭޖަސް

މިފްތާޙް މުޙައްމަދު

މިފްތާޙް މުޙައްމަދު

24 މާރިޗު 2025، 12:21

24 މާރިޗު 2025، 12:21

ޔޫއެފާ ނޭޝަންސް ލީގުގެ ކުއާޓާ ފައިނަލުގެ ދެވަނަ ލެގުގެ މެޗުތައް ރޭ ކުޅުނުއިރު، ފްރާންސް އާއި ސްޕެއިންއަށް ސެމީގެ ޖާގަ ކަށަވަރުވީ އެގްރިގޭޓް ސްކޯރ އެއްވަރުވުމުން ޕެނަލްޓީ ޖަހައިގެންނެވެ. 

އެގޮތުން ރަށުން ބޭރުގައި ފްރާންސް ފުރަތަމަ ލެގުގައި ކްރޮއޭޝިއާ އަތުން 2-0 އިން ބަލިވެފައިވުމުން، ރޭގެ މެޗު އެ ޓީމަށް އެ ސްކޯއިން ނުވަތަ އެއަށްވުރެ ބޮޑު ސްކޯއަކުން ކާމިޔާބުކުރުން ނޫން ގޮތެއް ނެތެވެ. މި އަޒުމުގައި ނިކުމެ، ދެވަނަ ހާފުގައި މައިކަލް އޮލީސޭ އާއި އޮސްމާން ޑެމްބެލޭގެ ގޯލުތަކުން މެޗު ނިމުނީ 2-0 އިން ފްރާންސް ކުރީގައި އޮވެއެވެ.

އަދި އެކްސްޓްރާ ޓައިމްގައި އިތުރު ގޯލެއް އެއްވެސް ޓީމަކަށް ކާމިޔާބު ނުކުރެވުން، މެޗުގެ ނަތީޖާ ނެރުނީ ޕެނަލްޓީ ޖަހައިގެންނެވެ. ޕެނަލްޓީގައި ފްރާންސް ކުރި ހޯދީ 5-4 އިންނެވެ.

މި މުބާރާތުގެ ކުއާޓާ ފައިނަލްގައި ސްޕެއިންއާ ނެދަލޭންޑްސް ރޭ ކުޅުނު މެޗު ވަނީ 3-3 އިން އެއްވަރުވެފައެވެ. މި ދެ ޓީމު ފުރަތަމަ ލެގުގައި ބައްދަލުކުރި މެޗު ވެސް ނިމުނީ އެއްވަރުވެގެނެވެ. 

ރޭގެ މެޗުގެ ކުރީކޮޅު ސްޕެއިންނަށް ލިބުނު ޕެނަލްޓީއަކުން މައިކަލް އޮޔަޒަބަލް އެ ޓީމަށް ލީޑު ނަގައިދިންއިރު، ނެދަލޭންޑްސްއަށް ދެވަނަ ހާފުގައި މެޗުގެ ނަތީޖާ ހަމަހަމަކޮށްދިނީ އެ ޓީމަށް ލިބުނު ޕެނަލްޓީއަކުން މެންފިސް ޑިޕޭއެވެ. 

އަދި އޭގެ 13 މިނެޓު ފަހުން އޮޔަޒަބަލް ދެވަނަ ފަހަރަށް ސެޕެއިންއަށް ލީޑު ނަގައިދިނެވެ. ނަމަވެސް އިއާން މާސްޓެންގެ ގޯލަކުން ނެދަލޭންޑްސް އަނެއްކާ ވެސް މެޗުގެ ނަތީޖާ ހަމަހަމަކުރިއެވެ.

އޭގެ ފަހުން ނަތީޖާއެއް ނެރުމަށް ކުޅުނު އެކްސްޓްރާ ޓައިމްގައި ވެސް ފުރަތަމަ ލީޑު ނެގީ ސްޕެއިންނެވެ. އެއީ އެ ޓީމުގެ ޒުވާން ތަރި ލެމީން ޔަމާލް ކާމިޔާބުކުރި ގޯލަކުންނެވެ. މެޗު ނިމުމުގެ ކުރިން ނެދަލޭންޑްސް އިން މެޗުގެ ނަތީޖާ ހަމަހަމަކުރީ އެ ޓީމަށް ލިބުނު ޕެނަލްޓީއަކުން ޒަވީ ސިމޯންސްއެވެ.

އަދި ޕެނަލްޓީ ޝޫޓްއައުޓް ސެޕެއިންއިން ކާމިޔާބުކުރީ 5-4 އިންނެވެ. 

ނޭޝަންސް ލީގުގެ ސެމީ ފައިނަލުން ދެން ޖާގަ ހޯދާފައިވަނީ ޕޯޗުގަލް އާއި ޖަރުމަނުވިލާތެވެ.

މި ލިޔުން ކިޔާލުމުން

Ads by MSS