މުޅި ދުނިޔޭގެ ކުރިމަތީގައި ބަސްބުނަން ކެރޭ ޤައުމެއްކަން، ރައީސް އެވަނީ ވަރަށް ސާބިތު ކަމާއި އެކު ދައްކުވައިދެއްވާފަ- ޤާސިމް

 މި ލޮބުވެތި ޤައުމަކީ ފަޚުރުވެރި، ކެރޭ، ހަރުދަނާ، ދުރުވިސްނޭ، ޢިލްމާއި ހުނަރު ލިބިފައިވާ، ތަރައްޤީއަށް އުންމީދު ކުރާ ތަޞައްވަރެއް އޮތް، އަދި މުޅި ދުނިޔޭގެ ކުރިމަތީގައި ބަސްބުނަން ކެރޭ ޤައުމެއްކަން، ރައީސް ޑރ މުޢިއްޒު އެވަނީ ވަރަށް ސާބިތު ކަމާއި އެކު ދައްކުވައިދެއްވާފަ ކަމަށް  ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލި ދާއިރާގެ މެންބަރު ޤާސިމް އިބްރާހިމް ވިދާޅުވެއްޖެއެވެ. 

އެކްސްގައި ކުރެއްވި ޕޯސްޓެއްގައި ޤާސިމް ވިދާޅުވީ ދިވެހިރާއްޖޭގެ ޢިއްޒަތްތެރި ރައީސުލް ޖުމްހޫރިއްޔާ ޑރ މުޙައްމަދު މުޢިއްޒު އދގެ އާންމު މަޖިލީހުގެ 79 ވަނަ ސެޝަންގައި ދިވެހިރާއްޖެ ތަމްސީލް ކުރެއްވުމަށްފަހު، މިއަދު އެނބުރި ޤައުމަށް ވަޑައިގެންނެވުމުން ޤާސިމްއާއި ޖުމްހޫރީ ޕާޓީގެ އެންމެހާ މެންބަރުންގެ ނަމުގައި އެމަނިކުފާނަށް މަރުޙަބާއާއި ތަހްނިޔާ ދަންނަވާ ކަމަށެވެ. 

ރައީސްއަށް މަރުޙަބާ ދަންނަވަމުން ކުރެއްވި ޕޯސްޓުގައި ޤާސިމް ވިދާޅުވީ ޖިއޮގްރަފީގޮތުން ކިތަންމެ ކުޑަނަމަވެސް، އދ ގެ ޢާންމު މަޖިލީހުގެ ސެޝަންތަކުގައި މީގެ ކުރީގައިވެސް ރާއްޖޭގެ ބައެއް ވެރީން ވަނީ ބައިވެރިވެވަޑައިގެން ރާއްޖެ ތަމްސީލް ކުރައްވާ ރާއްޖެއަށް ދިމާވެފައިވާ އެކި އެކި ގޮންޖެހުންތަކާއި، އަދި މުޅިދުނިޔެއަށް ދިމާވެފައިވާ އެކި އެކި ކަންތައްތަކާއި ގުޅޭ ގޮތުން މުނާސަބުގޮތެއްގައި އަޑުއުފުއްލަވާފަ ކަމަށެވެ. ނަމަވެސް މީގެ 59 އަހަރު ކުރީން ދިވެހީންގެ ފަޚުރުވެރި މިނިވަން ދިދަ އދ ގެ އިދާރާގައި ވިހުރެންފެށިފަހުން، މި ޤައުމުގެ ވެރިޔަކު އދ ގައި ދިވެހި ޤައުމު ތަމްސީލް ކުރުމުގައި އަދުގެ ރައީސުލް ޖުމްހޫރިއްޔާ ޑރ މުޙައްމަދު މުޢިއްޒު ދިވެހިޤައުމު ތަމްސީލް ކޮށްދެއްވީ، ނުހަނު ވިސްނުންތެރިކަމާއި އެކު ވަރަށް ފުރިހަމަ އަދި އެހާމެ މުނާސަބުކޮށްކަމަށް ދެކިލައްވާ ކަމަށް އެ ޕޯސްޓުގައި ވެއެވެ.

 އެގޮތުން މި ޤައުމަކީ ފަޚުރުވެރި، ކެރޭ، ހަރުދަނާ، ދުރުވިސްނޭ، ޢިލްމާއި ހުނަރު ލިބިފައިވާ، ތަރައްޤީއަށް އުންމީދު ކުރާ ތަޞައްވަރެއް އޮތް، އަދި މުޅި ދުނިޔޭގެ ކުރިމަތީގައި ބަސްބުނަން ކެރޭ ޤައުމެއްކަން، ރައީސް ޑރ މުޢިއްޒު އެވަނީ ވަރަށް ސާބިތު ކަމާއި އެކު ދައްކުވައިދެއްވާފަކަން ޤާސިމް ފާހަގަ ކުރެއްވިއެވެ.

 ޤާސިމް ވިދާޅުވީ އދ ގެ ޢާންމު މަޖިލީހުގެ 79 ވަނަ ބައްދަލުވުމުގައި، ރައީސް ދެއްވި ތަޤްރީރަށް ދުނިޔޭގެ ސަމާލުކަން ލިބިގެންދިޔަ ކަމަށެވެ.

"ރާއްޖޭގެ ސިޔާސީ އިދިކޮޅު ބައެއް ފަރާތްތަކަށް، ޚާއްސަ ކޮށް ވެރިކަމުގެ 5 އަހަރުގެ ދައުރެއް ލިބިވަޑައިގެންނަމަވެސް އދ ގައި ރާއްޖެ ތަމްސީލް ކޮށްލަން ކެރިވަޑައިނުގަތް ބޭފުޅަކަށް، ރައީސް މުޢިއްޒުގެ ތަޤްރީރު އޮޅުން ފިލާވަޑައި ނުގަތްނަމަވެސް، ދުނިޔޭގެ ބޮޑެތި މީޑިއާތަކުގެ ފަލަ ސުރުޙީގައި އެމަނިކުފާނުގެ ތަޤްރީރް އެވަނީ ހިމެނިފައެވެ. މީގެ އިތުރުން އދގެ ސަލާމަތީ މަޖިލީހުގެ ތަޅުމުގައި ތަޤުރީރު ކުރެއްވި ރާއްޖޭގެ ފުރަތަމަ ރައީސް އަކީވެސް އެމަނިކުފާނު ކަމަށް އެވަނީ ތާރީޚުގައި ލިޔެވިފައެވެ. އދ ގެ 78 ވަނަ ޢާންމު ބައްދަލުވުމުގެ ހަވާސާގައި ކުރިއަށް ދިޔަ މުހިންމު އެތައް ބައްދަލުވުމެއްގެ ރިޔާސަތުގައި ކޯ-ޗެއަރއެއްގެ ހައިސިއްޔަތުން ރައީސް މުޢިއްޒު ވަނީ އިސް ދައުރެއް އަދާކުރައްވާފައެވެ." ޤާސިމް ވިދާޅުވިއެވެ.

ޤާސިމް އިތުރަށް ވިދާޅުވީ ރައީސް މުޢިއްޒު، އދ ޢާންމު މަޖިލީހުގައި ދެއްވި ފުރިހަމަ ތަޤްރީރާއި އެކުހެން، އދ ގެ ޢާންމު ބައްދަލުވުމުގެ ހަވާސާ ބައްދަލުވުންތަކުގައި ރައީސް ދެއްކެވި ވާހަކަ ފުޅުތަކާއި، ތަޤުރީރުތައް މައިގަނޑު ގޮތެއްގައި އަމާޒު ކުރެއްވީ މިއަދު ދުނިޔެއަށް ކުރިމަތިވެފައިވާ ބޮޑެތި ގޮންޖެހުންތަކާއި، މޫސުމަށް އަންނަ ނޭދެވޭ ބަދަލުތަކާއި، ދުނިޔެއާރާސްތުކުރުމުގައި އިއާދަކުރަނިވި ހަކަތަ އިތުރުކުރުމަށާއި، އިޖުތިމާޢީ އަދި އިޤްތިޞާދީ ގޮންޖެހުންތަކާއި، އަދި މަސްނޫޢީ އިންޓެލިޖެންސް ގެ ތެރެއިން ޑިޖިޓަލައިޒް ކުރުން ފަދަ މައުޟޫޢުތަކަށް ކަމަށެވެ.

<blockquote class="twitter-tweet"><p lang="dv" dir="rtl">ދިވެހިރާއްޖޭގެ ޢިއްޒަތްތެރި ރައީސުލް ޖުމްހޫރިއްޔާ ޑރ މުޙައްމަދު މުޢިއްޒު <a href="https://twitter.com/MMuizzu?ref_src=twsrc%5Etfw">@MMuizzu</a> އދގެ އާންމު މަޖިލީހުގެ 79 ވަނަ ސެޝަންގައި ދިވެހިރާއްޖެ ތަމްސީލް ކުރެއްވުމަށްފަހު، މިއަދު އެނބުރި ޤައުމަށް ވަޑައިގެންނެވުމުން އަޅުގަނޑާއި، އަޅުގަނޑު ނިޞްބަތްވާ ޖުމްހޫރީ ޕާޓީގެ <a href="https://twitter.com/JPSecretariat?ref_src=twsrc%5Etfw">@JPSecretariat</a>… <a href="https://t.co/gfdQpZ3ue6">pic.twitter.com/gfdQpZ3ue6</a></p>&mdash; Qasim Ibrahim (@qasimibrahim) <a href="https://twitter.com/qasimibrahim/status/1840250001978732792?ref_src=twsrc%5Etfw">September 29, 2024</a></blockquote> <script async src="https://platform.twitter.com/widgets.js" charset="utf-8"></script>

 ވަކީން ޚާއްޞަ ގޮތެއްގައި ދިވެހިޤައުމުގެ ވިންދާއި ގުޅިފައިވާ ފަލަސްޠީންގެ މައްސަލައިގައި ސިޙްޔޫނީ ދައުލަތުން ހިންގަމުން ގެންދާ ޖަރީމާތައް ކުށްވެރިކުރައްވާ ދެއްކެވި ވާހަކަ ފުޅު މުޅި އިސްލާމީ ދުނިޔެއާއި، އަދި ދުނިޔޭގެ ގިނަ ޤައުމުތަކުން ބަލައިގެންފައިވަނީ ނުހަނު މަތީ ތަރުޙީބަކާއި އެކުގައިކަން ޤާސިމް ފާހަގަ ކުރެއްވިއެވެ.

2040 ގައި ދިވެހިރާއްޖޭގެ މިނިވަންކަމަށް 75 އަހަރު ފުރޭއިރު، އެ ދުވަސް އަންނަންވާއިރު ދިވެހިރާއްޖެއަކީ، ފުރިހަމައަށް ތަރައްޤީވެފައިވާ ޤައުމެއްގެ ގޮތުގައި އޮތުމަށް މާދަމާއަށް ޓަކައި އެމަނިކުފާނު ކުރައްވާ ތަޞައްވަރުތައް މުޅި ދުނިޔޭގެ ކުރިމަތީގައި ހާމަކޮށްދެއްވާ، މި ދިވެހިފަސްގަނޑާއި، ރައްޔިތުންނާއި މެދު  ދައްކުވައިދިން ފަޚުރުވެރި ނަމޫނާއަށް ޓަކައި، ރައީސަށް ހިތުގެ އިޚްލާޞްތެރި ތަހްނިޔާއާއި ޝުކުރު އަދާކުރައްވާފައިވެއެވެ. 

ރައީސް ޑރ.މުޙައްމަދު މުޢިއްޒު އދ.ގެ އާންމު މަޖިލީހުގައި ބައިވެރިވެވަޑައިގެން، ދެއްވި ފުރިހަމަ ތަޤްރީރާއި ތަކަށް ގިނަ ބަޔަކު ދަނީ މަރުޙަބާ ކިޔަމުންނެވެ. ރައީސުލްޖުމްހޫރިއްޔާ ރާއްޖެ ތަމްސީލު ކުރެއްވުމުގައި ކުރެއްވި ބުރަ މަސައްކަތް ބަލައިގަނެ އެމަނިކުފާނަަށް ދިވެހި ރައްޔިތުން ދަނީ ޝުކުރުއަދާކުރަމުންނެވެ.