Ads by Exprox

ޚަބަރު

ޢަމަލުތައް ބައްޓަން ކުރަންވީ ޤުރުއާނުގައިވާ ގޮތަށް: ރައީސުލްޖުމްހޫރިއްޔާ

ޢަމަލުތައް ބައްޓަން ކުރަންވީ ޤުރުއާނުގައިވާ ގޮތަށް: ރައީސުލްޖުމްހޫރިއްޔާ

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު

މިންނާ ޢަބްދުލްޙަކީމް

މިންނާ ޢަބްދުލްޙަކީމް

27 މާރިޗު 2025، 12:41

27 މާރިޗު 2025، 12:41

ބޮޑެތި އަދި ޖަމާއަތްތަކުގެ ތެރޭގައި ވެސް އިންސާނީ ކަރާމާތަށް އަރައި ނުގަތުމަށާއި، ޤުރުއާނުގައިވާ ގޮތަށް ޢަމަލުތައް ބައްޓަން ކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ކީރިތި ޤުރުއާން ހިތުދަސްކޮށްފައިވާ ޙާފިޡުން ދަސްވެނިވުން ފާހަގަކޮށް، ސަނަދު ދެއްވުމަށް ފުރަތަމަ ފަހަރަށް ބޭއްވި ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ  ޚިޔާލުފާޅުކުރުމުގެ މިނިވަންކަން ލިބިފައިވީ ނަމަވެސް އަނެއްމީހާގެ އަގުވައްޓާލައިގެން ނުވާނެކަމަށެވެ. ހަމައެއާއެކު ޚިޔާލު ފާޅުކުރުމުގައި ހައްޤުތަކާއެކީގައި ހުދޫދުތައްވާކަން ހަނދާންކުރަން ޖެހޭ ކަމަށް ރައީސް ވިދާޅުވިއެވެ. 

އެގޮތުން ޤުރުއާނަކީ އަމަލީ ފޮތެއް ކަމަށާއި އެއީ ހަމައެކަނި ޖަލްސާތަކުގައި ކިޔަވާލަން އޮންނަ ފޮތެއް ނޫން ކަމަށް ރައީސް ވިދާޅުވެފައި ވެއެވެ. ރައީސް ވިދާޅުވީ ޢަމަލުތައް ބައްޓަންކުރަންވީ އެފޮތުގައިވާ ގޮތަށްކަމަށެވެ.

މި ޖަލްސާގައި ވާހަކަ ދައްކަވަމުން ރައީސް ވިދާޅުވީ މިރޭ 24 ޙާފިޒުން ދަސްވެނިވުން މިއީ އަޅުގަނޑުމެން ފަޚްރުވެރިވާންވީ ކަމެއްކަމުގައެވެ. ހަމައެއާއެކު ކީރިތި ޤުރްއާން ހިތުދަސް ގިނަ ކުދިންތަކެއް އުފެއްދުމަށް އެންމެން ގުޅިގެން މަސައްކަތް ކުރުމަށް ދިވެހި ރައްޔިތުންނަށް ރައީސް ވަނީ ގޮވާލައްވާފައެވެ. ރައީސް ވިދާޅުވީ މިސަރުކާރުގެ ސިޔާސަތަކީ، އަދި އަޒުމަކީވެސް ދިވެހި ލޮބުވެތި ރައްޔިތުންގެ އެހީތެރިކަމާއި މައިންބަފައިންނާއި ޓީޗަރުންނާއި އެންމެން ގުޅިގެން ކުރެވޭ ބުރަ މަސައްކަތްތަކުން މި އަދަދު އިތުރުކުރުންކަމަށެވެ.

ކީރިތި ޤުރްއާނާބެހޭ މަރުކަޒުން އިންތިޒާމްކޮށްގެން މިރޭ އިސްލާމީ މަރުކަޒުގެ ޖަލްސާކުރާ މާލަމުގައި ކުރިއަށްގެންދިޔަ މި ރަސްމިއްޔާތުގައި ރައީސުލްޖުމްހޫރިއްޔާގެ ދެކަނބަލުން ވަނީ ބައިވެރިވެ ވަޑައިގެންފައެވެ.  ދަސްވެނިވި ޙާފިޡުންނަށް ޙާފިޡުކަމުގެ ސެޓްފިކެޓް ހަވާލުކޮށްދެއްވާފައިވަނީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒެވެ. މި ރަސްމިއްޔާތުގައި 24 ޙާފިޡުންނަށް ދަސްވެނިވުނުކަމުގެ ސެޓްފިކެޓް ރައީސުލްޖުމްހޫރިއްޔާ ހަވާލުކޮށްދެއްވާފައިވެއެވެ.

މި ލިޔުން ކިޔާލުމުން

Ads by MSS