Ads by Exprox

ޚަބަރު

މިސަރުކާރުގެ އެންމެ ފަޚުރުވެރި މަތިވެރި ޒިންމާއަކީ އިސްލާމްދީނަށް ނަޞްރުދިނުން – ރައީސް

މިސަރުކާރުގެ އެންމެ ފަޚުރުވެރި މަތިވެރި ޒިންމާއަކީ އިސްލާމްދީނަށް ނަޞްރުދިނުން – ރައީސް

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު

މިންނާ ޢަބްދުލްޙަކީމް

މިންނާ ޢަބްދުލްޙަކީމް

27 މާރިޗު 2025، 01:29

27 މާރިޗު 2025، 01:29

މިސަރުކާރުގެ އެންމެ ފަޚުރުވެރި މަތިވެރި ޒިންމާއެއްގެ ގޮތުގައި އަޅުގަނޑުމެން ދެކެނީ އިސްލާމްދީނަށް ނަސްރު ދިނުންކަމަށް ރައީސުލްޖުމުޙޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސް މިހެން ވިދާޅުވީ، މިރޭ ބޭއްވުނު ޙާފިޡުންގެ ދަސްވެނިވުމުގެ ރަސްމިއްޔާތު ޝަރަފްވެރިކޮށްދެއްވާ ވާހަކަފުޅު ދައްކަވަމުންނެވެ. ރައީސް ވިދާޅުވީ، ގައުމުގައި އިސްލާމްދީނަށް ނަސްރުދިނުމަށް ކުރެވޭ ކޮންމެ ކަމަކުން ނުކުންނާނީ ހެޔޮ ނަތީޖާކަމަށެވެ.

ރައީސް ވިދާޅުވީ މިސަރުކާރުން އެންމެ ފަޚުރުވެރި އެންމެ މަތިވެރި ޒިންމާއެއްކަމަށް ދެކެނީ، އަދި އަމަލީގޮތުންވެސް ކަންކަން ބައްޓަންވެފައި އޮންނާނީ އިސްލާމް ދީނަށް ނަޞްރު ދިނުމުގައި ކަމަށެވެ. އެހެން ކަމުން އިސްލާމީ ކަންކަން ކުރިއަށް ގެންދިއުމުގައި އެންމެން ގުޅިގެން މަސައްކަތް ކުރުމަކީ މިފަދަ ރެޔެއްގައި ވަރަށް ބޮޑަށް ޢަޒުމް ކަނޑައަޅަންޖެހޭ ކަމެއް ކަމަސްވެސް ރައީސް ވިދާޅުވިއެެވެ.

ރައީސް އިތުރަށް ވިދާޅުވީ، އަޅުގަނޑުމެންގެ ޤައުމު ހަމަ މަގަށް ގެނައުމަށްޓަކައިވެސް ނަފްސު އިސްލާހްކުރަންޖެހޭކަމަށާއި، ޤައުމެއް ޢުމްރާނީ ގޮތުން ތަރައްޤީ ކުރެވުނަސް، ހިތާއި ސިކުނޑި ކީރިތި ޤުރްއާނުގައި އަންގަވާފައިވާ ގޮތަށް ނުވާނަމަ ހަޤީޤީ ތަރައްޤީއެއް ނުފެންނާނެކަމަށެވެ. އެގޮތުން ޤުރުއާނަކީ އަޅުގަނޑުމެން ކޮންމެ ދުވަހަކު ކޮންމެ ވަގުތެއްގައިވެސް އަމަލީގޮތުން ކަންކަން ބައްޓަންކުރުމުގައި ބޭނުންކުރާ އެއްޗަކަށް ހެދުމަކީ ކޮންމެ މީހެއްގެ ވިސްނުމަކަށް ވާންޖެހޭ ކަމަށް ރައީސް ވިދާޅުވިއެވެ. 

މިއީ ޙާފިޡުންގެ ދަސްވެނިވުމުގެ ގޮތުން އެކަމަށް ހާއްސަ ޖަލްސާއެއް ސަރުކާރުން ބޭއްވި ފުރަތަމަ ފަހަރެވެ. މިއީ ރައީސް ޑރ. މުޙައްމަދު މުޢިއްޒުގެ ނިންމެވުމެއްގެ ދަށުން ކުރިއަށް ގެންދާ ޙާއްޞަ ހަފްލާއެކެވެ. މި ހަފްލާ ކޮންމެ އަހަރެއްގެ ރަމަޟާން މަހުގެ 27 ވިލޭރޭ ބޭއްވުމަށް ހަމަަޖެހިފައިވާކަން އިސްލާމީ ކަންތައްތަކާ ބެހޭ ވަޒީރު ޑރ. ޝަހީމް މިރޭ ޢިއުލާން ކުރެއްވިއެވެެ. މިރޭގެ ޖަލްސާގައި ރައީސް ޑރ. މުޙައްމަދު މުޢިއްޒުގެ ދެކަނބަލުންގެ އިތުރުން ދަޢުލަތުގެ ވަޒީރުންނާއި އިސްވެރިން ވަނީ ބައިވެރިވެލައްވާފައެވެ.

މި ލިޔުން ކިޔާލުމުން

Ads by MSS