ޚަބަރު
ދިވެހިރާއްޖޭގެ ޤައުމީ މީޑިއާއަށް އިތުރު ކުރިއެރުމާއި ކާމިޔާބީއަށް އެދެން: ރައީސް

ރާއްޖެއިންބޭރުގެ ޑިޕްލޮމެޓުންނަށް ރައީސުލްޖުމްހޫރިއްޔާގެ ދެކަނބަލުން ދެއްވި ރޯދަވީއްލުމުގެ ތެރެއިން- ފޮޓޯ: ރައީސް އޮފީސް
ދިވެހިރާއްޖޭގެ ޤައުމީ މީޑިއާއަށް އިތުރު ކުރިއެރުމާއި ކާމިޔާބީއަށް އެދެމުން، ޓީވީ މޯލްޑިވްސްގެ އަހަރީ ދުވަހުގެ ތަހުނިޔާ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ފޮނުއްވައިފިއެވެ.
ދިވެހިރާއްޖޭގެ ޤައުމީ މީޑިއާއަށް 47 އަހަރު ފުރުމުގެ ތަހުނިޔާ ފޮނުއްވާ، ސޯޝަލްމީޑީއާގައި ހިއްސާ ކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވީ ޤައުމީ މީޑިއާއަށް އިތުރު ކުރިއެރުމާއި ކާމިޔާބީއަށް އެދިލައްވާ ކަމަށެވެ. އެއާއެކު ،ޓީވީ މޯލްޑިވްސްގެ އަހަރީ ދުވަހުގެ ތަހުނިޔާ ޓީވީއެމްއަށް ޚިދުމަތް ކުރައްވާފައިވާ އަދި މިހާރު ޚިދުމަތުގައި ދެމި ތިބި މުވައްޒަފުންނާއި އެ މުވައްޒަފުންގެ ޢާއިލާތަކަށް ރައީސް ފޮނުވާފައިވެއެވެ.
ދިވެހިރާއްޖޭގެ އެންމެ ފުރަތަމަ ޓީވީ ޗެނަލް، ޓެލެވިޜަން މޯލްޑިވްސްގެ ޚިދުމަތް ފަށާފައިވަނީ 1978 ވަނަ އަހަރުގެ މާރިޗު މަހުގެ 29 ވަނަ ދުވަހުއެވެ.