ރައީސްގެ ފުރަތަމަ ބައްދަލު ކުރެއްވުން އިންޑިއާގެ ޚާރިޖީ ވަޒީރު ޖައިޝަންކަރާއެކު

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު އިންޑިއާއަށް ކުރައްވަމުން ގެންދަވާ ރަސްމީ ދަތުރުފުޅުގައި އެ ގައުމުގެ އެކްސްޓާނަލް އެފެއާޒް މިނިސްޓަރު ޑރ. ސުބްރަމާނިއަމް ޖައިޝަންކަރާއި ބައްދަލުކުރައްވައިފިއެވެ. 

މިއީ މިނިސްޓަރު ޑރ. ސުބްރަމާނިއަމް ޖައިޝަންކަރު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަރިހަށް ކުރެއްވި އިޙްތިރާމްގެ ޒިޔާރަތެކެވެ. މި ބައްދަލުކުރެއްވުމުގައި އިންޑިއާގެ ޚާރިޖީ ވަޒީރު ވަނީ އިންޑިއާއަށް ކުރައްވާ ފުރަތަމަ ފުރަމާނަ ދަތުރުފުޅާއި ގުޅިގެން މަރުޙަބާ ވިދާޅުވެފައެވެ. އަދި ދެ ޤައުމުގެ ގުޅުން ބަދަހިކުރުމާއި ދެ ޤައުމުގެ މަސްލަހަތު ހިމެނޭ ކަންކަމާއި ގުޅޭގޮތުން މި ބައްދަލުކުރެއްވުމުގައި މަޝްވަރާކޮށްފައިވެއެވެ.

މި ބައްދަލުވުމުގެ ތެރެއިން އިންޑިއާގެ ޚާރިޖީ ވަޒީރު ވިދާޅުވީ ދެ ޤައުމުގެ ގުޅުން އިތުރަށް ބަދަހިކުރުމަށް އެޅޭ ބާރެއްކަމަށެވެ.  ރައީސުލްޖުމްހޫރިއްޔާއާއެކު ބޭއްވެވި ބައްދަލުކުރެއްވުމަށްފަހު އިންޑިއާގެ ޚާރިޖީ ވަޒީރު ޑރ. ސުބްރަމާނިއަމް ޖައިޝަންކަރު އެކްސްގައި ކުރެއްވި ޕޯސްޓެއްގައި ވިދާޅުވީ ރައީސް މުޢިއްޒުއާއި ބޮޑުވަޒީރު މޯދީ މާދަމާ ބާއްވަވާ ބައްދަލުކުރެއްވުމަކީ ދެ ޤައުމުގެ ގުޅުން އިތުރަށް ވަރުގަދަވުމަށް ބާރު އެޅިގެންދާނެކަމެއްކަމަށް ޔަގީންކުރައްވާކަމަށެވެ.

 <blockquote class="twitter-tweet"><p lang="en" dir="ltr">Pleased to call on President <a href="https://twitter.com/MMuizzu?ref_src=twsrc%5Etfw">@MMuizzu</a> today at the start of his State Visit to India. <br><br>Appreciate his commitment to enhance 🇮🇳 🇲🇻 relationship. Confident that his talks with PM <a href="https://twitter.com/narendramodi?ref_src=twsrc%5Etfw">@narendramodi</a> tomorrow will give a new impetus to our friendly ties. <a href="https://t.co/UwDjnCZ0t6">pic.twitter.com/UwDjnCZ0t6</a></p>&mdash; Dr. S. Jaishankar (@DrSJaishankar) <a href="https://twitter.com/DrSJaishankar/status/1842914260860760303?ref_src=twsrc%5Etfw">October 6, 2024</a></blockquote> <script async src="https://platform.twitter.com/widgets.js" charset="utf-8"></script>

ރައީސް މިއަދު ހަވީރު ދިއްލީއަށް ވަޑައިގަތުމުން އިންޑިއާއިން ވަނީ ހޫނު މަރުހަބާއެއް ކިޔާފައެވެ. ރައީސުލްޖުމްހޫރިއްޔާ އިންޑިއާއަށް ކުރައްވާ މި ދަތުރުފުޅަކީ އިންޑިއާގެ ރައީސް ދުރޫޕަތީ މުރުމޫގެ ދަޢުވަތަކަށް ކުރައްވާ ފުރަމާނަ ދަތުރުފުޅެކެވެ. ރައީސުލްޖުމްހޫރިއްޔާގެ މި ދަތުރުފުޅުގައި ކެބިނެޓުގެ ބައެއް ވަޒީރުންވެސް ބައިވެރިވެވަޑައިގަންނަވައެވެ.