ބީއެމްއެލްގެ އިންސްޓަންޓް ފައިނޭންސިންގ އިން ކުއްލި ޙާލަތްތަކަށް އަވަހަށް ފައިސާ ލިބޭނީ ކިހިނެތް؟

ބޭންކް އޮފް މޯލްޑިވްސް، ބީއެމްއެލްގެ އިންސްޓަންޓް ފައިނޭންސިންގ އިން ކުއްލި ޙާލަތްތަކަށް ނުވަތަ ޚަރަދުތަކަށް އަވަހަށް ފައިސާ ލިބޭނެ ގޮތް އެނގޭތަ؟

މިކަމަށް އެދި ހުށައަޅަން އެންމެ ރަނގަޅު ވަޤުތަކީ ކޮބާ؟

• ހެނދުނު 09:00 އިން ފެށިގެން ރޭގަނޑު 22:00 އާއި ދެމެދުގެ ވަޤުތެއްގައި ހުށައެޅޭނެ.
• މި ވަޤުތުތަކުގައި ހުށައެޅުމުން 4 ގަޑިއިރުގެ ތެރޭގައި އެކައުންޓަށް ފައިސާ ޖަމާވާނެ.
• މި ނޫން ވަޤުތެއްގައި ހުށަހަޅައިފިނަމަ ޖެހިގެން އަންނަ ދުވަހު ފައިސާ ޖަމާވާނެ.
• އޯޓީޕީ ކޯޑު ޖަހަންޖެހޭނީ އޮތެންޓިކޭޓަރ މެދުވެރިކޮށް.

މިކަމަށް ހުށަހަޅާއިރު ސަމާލުކަން ދޭންޖެހޭ މުހިންމު ކަންތައްތައް އެނގޭތަ؟

• ބޭންކަށް އެންމެ ފަހުގެ މަޢުލޫމާތުތައް ދީފައި ހުންނަންވާނެ.
• ލުއި ލޯނެއް ނުވަތަ ޕާސަނަލް ފައިނޭންސިންގ ނެގިދާނެ.
• އެއްފަހަރާ ނެގޭނީ އެއް ބާވަތެއްގެ ލޯނެއް.
• އެއް ލޯނެއް ހިނގަމުންދާއިރު އަނެއް ލޯނަކަށް ހުށައެއް ނޭޅޭނެ.
• ހުށަހަޅާ އަދަދު އެކްސްޕެކްޓެޑް ކްރެޑިޓް ލިމިޓުން އުނިވާނެ.
• އެޕްލިކޭޝަންގެ އަޕްޑޭޓް އެސްއެމްއެސް އަދި އީމެއިލް މެދުވެރިކޮށް ބޭންކުން ފޮނުވާނެ.

މިހާރު ވެސް ލުއި ލޯނެއް ނަގާފައިވާނަމަ ދެން ކަންތައް ކުރާނީ ކިހިނެތް؟

• 3 މަސް ދުވަހުގެ ފައިސާ ދެއްކުމަށްފަހު ރީފައިނޭންސިންގ އަށް ހުށައެޅޭނެ.
• އެޕުން ފެންނަށް އިންނާނީ ޕްރީ އެޕްރޫވްޑް އަދަދަކަށްވުމުން އެޔަށް ސަމާލުކަންދޭން ވާނެ.
• ލޯނު އެޕްރޫވް ކުރާނީ ކްރެޑިޓް ހިސްޓްރީއަށް ބެލުމަށްފަހު.