އިޒްރޭލާއެކު ވެފައިވާ ވިޔަފާރި އެއްބަސްވުން ހުއްޓާލުމަށް އީޔޫ ޤައުމުތަކަށް ސްޕެއިންގެ ބޮޑުވަޒީރު ގޮވާލައިފި

ސްޕެއިންގެ ބޮޑުވަޒީރު ޕެޑްރޯ ސަންޗެޒް ވަނީ ޣައްޒާއާއި ލުބުނާންގައި އިސްރާއީލުން ހިންގަމުންދާ ލާއިންސާނީ ޢަމަލުތަކާ ގުޅިގެން، އިސްރާއީލާއެކު ޔޫރަޕިއަން ޔޫނިއަނުން ވެފައިވާ މިނިވަން ވިޔަފާރީގެ އެއްބަސްވުން ހުއްޓާލުމަށް މެންބަރު ޤައުމުތަކަށް ގޮވާލައްވާފައެވެ. 

ފާއިތުވި މަސްތަކުގައި، ސްޕެއިނާއި އަޔަލޭންޑުން ވަނީ ޔޫރަޕިއަން ޔޫނިއަންގެ އެހެނިހެން ޤައުމުތަކާއެކު މަޝްވަރާތަކެއް ކުރިއަށް ގެންގޮސްފައެވެ. މި މަޝްވަރާތަކުގެ މަޤްޞަދަކީ، އިސްރާއީލުން އެ އެއްބަސްވުމުގައި ހިމެނޭ އިންސާނީ ޙައްޤުތަކާބެހޭ މާއްދާއާ ޚިލާފުވެފައިވާކަމަށް ބެލެވޭތީ، ޔޫރަޕިއަން ޔޫނިއަން-އިސްރާއީލް އެސޯސިއޭޝަން އެގްރީމެންޓް މުރާޖަޢާކުރުމެވެ.

 އިސްރާއީލުން ޣައްޒާގައި ހަނގުރާމަ ފެށުމުގެ އަހަރެއް ކުރިން، އީރާނުގެ ނުފޫޒު އޮންނަ ފަލަސްޠީނުގެ ޙަމާސް ޖަމާޢަތުން އިސްރާއީލަށް ކުއްލި ޙަމަލާއެއް ދިނެވެ. މި ޙަމަލާގައި 1،200 އިސްރާއީލު މީހުން މަރުވެ، 250 މީހުން ރަހީނުކުރެވުނެވެ.

 މި ހަނގުރާމައިގެ ސަބަބުން ޙަމާސްގެ ބާރުގެ ދަށުގައިވާ ޣައްޒާގެ ގިނަ ސަރަޙައްދުތަކެއް ވަނީ ބޮޑެތި ގެއްލުންތަކާ ކުރިމަތިވެފައެވެ. ޣައްޒާގެ ޞިއްޙީ ވުޒާރާގެ ތަފާސްހިސާބުތަކުން ދައްކާ ގޮތުގައި، 42،000 އަށްވުރެ ގިނަ ފަލަސްޠީނުން ވަނީ މަރުވެފައެވެ. ނަމަވެސް، މި ވުޒާރާއިން ހަނގުރާމަވެރިންނާއި އާންމު ރައްޔިތުން ވަކިކޮށްފައެއް ނުވެއެވެ. އަދި މަރުވި މީހުންގެ ތެރެއިން ދެބައިކުޅަ އެއްބަޔަށްވުރެ ގިނައީ އަންހެނުންނާއި ކުޑަކުދިންކަމަށް އެ ވުޒާރާއިން ބުނެއެވެ.