މާލޭ ގެއެއްގެ ތެރެއިން ނިޔާވެފައި އޮތް މީހަކު ފެނިއްޖެ

މާލޭ ގެއެއްގެ ތެރޭގައި ނިޔާވެފައި އޮތް މީހަކު ފެނިއްޖެ އެވެ. 

ފުލުހުން މިއަދު މީޑިއާތަކަށް ފޮނުވި މެސެޖެއްގައި ވަނީ މިއަދު ހެނދުނު 10:10 އެހާކަށްހާއިރު އިމަޖެންސީކޮށް އައިޖީއެމްއެޗް އަށް ޑޮކްޓަރަށް ދައްކަން ގެންދިޔަ މީހެއް ހޮސްޕިޓަލްގައި ނިޔާވެފައިވާކަމުގެ މަޢުލޫމާތު އެއިދާރާއަށް ލިބިފައިވާ ކަމަށެވެ. 

ފުލުހުން ބުނީ ނިޔާވެފައިވަނީ މއ. ސައިނޯސަރް، މުޙައްމަދު ރަޝީދު (43އ) ކަމަށެވެ. އޭނާ ހޮސްޕިޓަލަށް ގެންގޮސްފައިވަނީ ގޭގެ ކޮޓަރީގެ ތެރޭގައި ވެއްޓިފައިއޮތްވާ ފެނިގެން ކަމަށް ފުލުހުން މަޢުލޫމާތުދީފައި ވެއެވެ. އޭނާގެ ހަށިގަނޑުގެ ބޭރުފުށުން އަނިޔާގެ އެއްވެސް ނިޝާނެއް ފެންނަން ނެތް ކަމަށް ފުލުހުން ބުނެފައި ވެއެވެ.