ރައީސުލްޖުމްހޫރިއްޔާ ނޫސްވެރިންނާ ބައްދަލުކުރެއްވުން

ޑިޖިޓަލީ ގޮތުން ދުނިޔެ ކުރިއަރަމުންދާއިރު، އެކަންކަން ރެގިއުލޭޓް ކުރެވިގެން ދާންޖެހޭނެ. އެހެންކަމުން އޭއައިއަކީ ޤާނޫނެއްގެ ތެރެއަށް ވަދެގެންދާ، ނުވަތަ އެއާ ގުޅޭ ކަންކަން ރެގިއުލޭޓް ކުރެވިފައިވާ ކަންކަމަށް ހެދުމަކީ އެ ބިލުގެ މަޤުސަދު.

އަޅުގަނޑު ހުރުހާ ސިޓީތަކަށް ވަރަށް ބޮޑަށް ޝުކުރު ދަންނަވަން. އަޅުގަނޑު ޤަބޫލުކުރަނީ އެ ބޭފުޅުން އެގޮތަށް ނިންމެވި ނިންމެވުމަކީ ކަންކަން ރަނގަޅު ކުރުމަށް އެ ސިޓީތަކުގެ ރައްޔިތުން ދެއްވި ފުރުސަތެއްކަމަށް. އަދި ޝުކުރު ދަންނަވަން އަޅުގަނޑުމެނަށް ތާއީދުކޮށް ވޯޓު ދެއްވި ފަރާތްތަކަށް ވެސް. ނިމުނު އިންތިޚާބަކީ ކާމިޔާބާއި ނާކާމިޔާބު ހިނެމޭ އިންތިޚާބެއް. އަޅުގަނޑު އެކަން ނަގަނީ ވަރަށް ޕޮޒިޓިވްކޮށް.

އަޅުގަނޑުގެ ވިސްނުމުގައި ނެތް ކުރިޔަށް އޮތްތަނުގައި މިސާލަކަށް ސްޓޭޓް މިނިސްޓަރަކަށް މީހަކު ކޮންމެހެން ލާންޖެހިޖެއްޔާ އެމީހެއްގެ އަތުގައި އެންމެ ކުޑަމިނުން މާސްޓާސް ޑިގްރީއެއް އޮންނަންވާނެ. ޑެޕިއުޓީ މިނިސްޓަރަކަށް ކޮންމެހެން ލާންޖެހިގެން މީހަކު ލާންޖެހޭ ހާލަތެއްގައި ވެސް އެ މީހެއްގެ އަތުގައި އެ ދާއިރާއަކުން ޑިގްރީއެއް އޮތްތޯ ބެލުން. މިކަހަލަ ގޮތަކަށް ކަންކަން ބަދަލުކުރަން އަޅުގަނޑު ވިސްނާފައި ވާނީ.

ރައްޔިތުން ބުނެފައި ވަނީ ކެމްޕެއިނަކާ ދިމާކޮށް ނުވަތަ ސިޔާސީ ގޮތަކަށް ވަޒީފާ ދިނުން ނުމުމަކަށް އަންނަންޖެހޭކަމަށް ރައްޔިތުން އެއޮތީ ބުނެފައި. އަޅުގަނޑު ވެސް ދާނީ އެގޮތަށް. އެގޮތުން ދެން ވަޒީފާތަކަށް މީހުން ނަގާނީ އިއުލާން ކުރެވިގެން، އެމީހާގެ ސީވީއަށް ބަލާ، މެރިޓް ބޭސްކޮށް ނުބަލާ ދެން އެއްވެސް އެސްއޯއީއަކުން ވެސް މިނިސްޓްރީއަކުން ވެސް މުވައްޒަފަކު ނަގައިގެން ނުވާނެ. އެ އުސޫލު ދެން ކުރިޔަށްގެންދާނީ. އަދި ޤަވާއިދާ ޚިލާފަށް އެއްވެސް ފަރާތަކަށް ވަޒީފާ ދީފައިވާނަމަ އެމީހަކު ވަޒީފާއިން ވަކިކުރުމަށްވެސް އަޅުގަނޑު މިހާރު ވާނީ ދަންނަވާފައި. ސަރުކާރުން ވެސް ޢަމަލުކުރާނީ އެހެން.

އެހެންނަމަވެސް އެކަން އަވަސްކުރުމަށް ކުރަންޖެހޭ ކަންކަން އަޅުގަނޑުމެން މިދަނީ ކުރަމުން. އަޅުގަނޑު މިދިޔަ އަހަރު ރިޔާސީ ބަޔާނުގައި ދެންނެވި ތާރީޙަށް ވެސް އެ މަސައްކަތް ނުނިންމުނު އެ ކުންފުންޏަކަށް. އެ ބޭފުޅުން މިހާރު ބުނަނީ 2027ގައި ނިމޭނެކަމަށް

އެހެންކަމުން އިސްލާމީ ޤައުމުތަކަށް ދިމާވާ ކަންކަމުގައި އަޅުގަނޑުމެން ތިބޭނީ ވަރަށް ވަރުގަދައަށް އިސްލާމީ ޤައުމުތަކާއެކީ. ހަނގުރާމަތަކަކީ އަޅުގަނޑުމެން އެއްވެސް ގޮތަކަށް ޤަބޫލުކުރާނެކަމެއް ނޫން.

މި ސަރުކާރަށް ދެ އަހަރާބައިވިއިރު، ސިޔާސީ އެއްވެސް ކުށްވެރިއަކު ނުހުންނާނެ. އަދި ސިޔާސީ މީހަކޭ ކިޔާފައި އެއްވެސް މީހަކު ފުލުސް އޮފީހަށް ވެސް ހާޒިރުކޮށްފައެއް ނުވާނެ. މީގެ ކުރިން ކަންކުރަމުން އައީ އެހެނެއް ނޫން. އެއްދައުރެއްގައި އިދިކޮޅު ހުރިހާ ވެރިން ޖަލުގައި ތިބި ދައުރެއް ވެސް އައި. ވެރިންނާއި ވެރިންގެ ދަރިން ވެސް ހިމެނޭހެން. ޖެހިގެން އައި ދައުރުގައި ވެސް ދިޔައީ އެކަހަލަ ގޮތަކަށް ދިޔައީ. އަޅުގަނޑު ބޭނުންވީ އެކަން ބަދަލުކުރަން. އަޅުގަނޑު އެކަން ބަދަލުކޮށްފިން.

ސަރުކާރުގެ މިނިސްޓްރީތަކުގައި ތިބި ސިޔާސީ މުވައްޒަފުންގެ މަސައްކަތުގެ ފެންވަރު ދަނީ ބެލެމުން. އެގޮތުން ޗެކްކުރާ ކަންތައްތަކުގެ ތެރޭގައި ހާޒިރީ، ގަޑިއަށް އައުން، ހަވާލުކުރާ މަސައްކަތްތައް ކުރުން، މިފަދަ ވަރަށް ގިނަ ކަންތައްތަކެއް އެބަބަލަން. އެގޮތުން ޕާފޯމެންސް ބޭސްޑް މިންގަނޑަކުން ބެލުމަށްފަހު އެ މަސައްކަތަކަށް ބޭނުންނުވާ ނުވަތަ އެކަށީގެން ނުވާ ފަރާތައް ބަލައި އެ މަޤާމުތައް މަދުކުރެވޭނެ.

މުޒާހަރާ ކުރުމަކީ ޤާނޫނުގެ ތެރެއިން ލިބޭ ހައްޤެއް. އެކަމުގައި ހުދޫދުތަކެއް ވަނީ ކަނޑައަޅާފައި. އަދި މި ސަރުކާރުން މިވަނީ އެއްވެ އުޅުމަށް އެމްޑީޕީ ސަރުކާރުގަ ދީފައޮތް ފުރުސަތަށް ވުރެ ފަސްގުނަ އިތުރަށް ފުރުސަތުވެސް ދީފައި. އަޅުގަނޑުމެން 5 ތަނެއް އިތުރު ވެސް ކޮށްފިން އެއްވާން. އެކަމަކު އެއްވުންތައް ކުރިޔަށް ގެންދަނީ އެ ތަންތަނަކު ނޫން. އަދި މުޒާހަރާގައި ހަޑިހުތުރު ބައްތައްކޮށް ހަޑިހުތުރު ޢަމަލުތައް ކުރުމަކީ ބަލައިގަނެވޭނެކަމެއް ނޫން.

ރައީސުލްޖުމްހޫރިއްޔާ ވިދާޅުވީ މިކަން ކުރެއްވީ ރަހުނުކޮށްފައި ހުރި ތަންތަނާއި ބިންތައް ސަލާމަތްކޮށްގެން ކަމަށެވެ.

ރައީސުލްޖުމްހޫރިއްޔާ ވިދާޅުވީ، އާދިއްތަ ދުވަހު ރައީސް މުޙައްމަދު ނަޝީދު އާއި އެމްޑީޕީގެ ކުރީގެ ޗެއާރޕާސަން ފައްޔާޒް އިސްމާއީލް ބޭއްވި ނޫސްވެރިންގެ ބައްދަލުވުމުގައި އެ ޕާޓީއާއެކު މަޝްވަރާއަކަށް ދިއުމަށް ގޮވާލެއްވި ނަމަވެސް، ރައްޔިތުން އެ މަނިކުފާނާ ހަވާލުކުރެއްވީ 5 އަހަރުގެ ޓާމެއް ކަމަށާއި، އެހެންކަމުން ރައީސް ކުރިޔަށްވަޑައިގަންނަވާނީ ރައްޔިތުން ނިންމި ގޮތަށް ކަމަށެވެ.

މި ހޮސްޕިޓަލުގައި ކެންސަރުގެ ބައްޔަށް ފަރުވާ ދިނުމަށް ޚާއްސަ ފެސިލިޓީއެއް ވެސް ހިމެނޭނެ.
މީގެ އިތުރުން ހުޅުމާލެ ހޮސްޕިޓަލުގައި އޮތް ހުސްބިމުގައި އެ ހޮސްޕިޓަލުގެ އިތުރު އިމާރާތެއް އެޅުމުގެ ކުރަންޖެހޭ މަސައްކަތްތައް ވެސް އެބަކުރިޔަށްދޭ. މި މަޝްރޫޢު ކުރިޔަށް ގެންދިއުމަށް މި މަސައްކަތް ކުރަނީ އިންޑިއާގެ ލައިން އޮފް ކްރެޑިޓްގެ ތެރެއިން.

މިދިޔަ ސަރުކާރުން ވަނީ، އޭގެ ކުރިން ނުކުރާ ކަންތައްތަކެއްކޮށް، ޖުޑީޝަރީގެ ތެރެއަށް ނުފޫޒު ފޯރުވުމަށް މަސައްކަތްތަކެއް ކޮށްފައި. އެގޮތުން ކުރީ ސަރުކާރުން ވަނީ ޖުޑިޝަރީގެ ދަށަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭން (ޑީޖޭއޭ) ގެނެސްފައި. މީގެ ސަބަބުން ނުސީދާ ގޮތުން ވިޔަސް ޖުޑިޝަރީގެ ތެރެއަށް މި އޮންނަނީ ނުފޫޒު ފޯރުވުމުގެ ފުރުސަތު ހޯދާފައި.
އަޅުގަނޑުމެން ޖުޑިޝަރީ އިސްލާހު ކުރުމަށް ކުރާ މަސައްކަތުގައި، ޖުޑީޝަރީގެ ދަށުގައި ޑީޖޭއޭއޮތް އޮތުން ބަދަލުކުރުމަށް ވާނީ ނިންމާފައި. އެގޮތުން ވިސްނުން ހުރީ ކުރިން ޖުޑިޝަރީ އޮތްގޮތަށް ބަދަލުކުރުމަށް. އެގޮތުން ޖުޑީޝަލް ކައުންސިލެއް އުފެއްދުމުގެ ވިސްނުން އެބަހުރި.