ރައީސުލްޖުމްހޫރިއްޔާ ނޫސްވެރިންނާ ބައްދަލުކުރެއްވުން

ކައިވެނީގެ ބޭރުން ގުޅުން ހިންގިކަމަށް ބުނެ ކަނޑައެޅިގެން ދޮގު ވާހަކައެއް ހެއްދެވިކަމަށް "އަދަދު" ނޫހުން އިޢުތިރާފްވުމުން، މިފަދަ ދޮގުވާހަކަތައް ދެއްކި ހުރިހާ ފަރާތްތަކާ ދެކޮޅަށް ދަޢުވާކުރުމަށް ކަމާގުޅުންހުރި ފަރާތްތަކަށް އަޅުގަނޑު ގޮވާލަން.

މެދު ރާއްޖޭތެރޭގެ ބައެއް ރަށްރަށުގެ އިންޖީނުގެތައް ސްޓެލްކޯއަށް ބަދަލުކުރީ އެ ކުންފުނި ލަޔަބަލް ކުންފުންޏަކަށް ހެދުމަށް. އެއީ ސަރުކާރު ކުންފުނިތަކުގެ ރިފޯމްގެ ތެރޭގައި ހިމެނިގެން ކުރާ ކަމެއް.

ވަޒީރުންގެ ގޮތުގައި ތިއްބެވި ބޭފުޅުން ވަކިކުރުމުގައި ބެލި އެއްކަމަކީ ޕާފޯމެންސް، އެހެން ކަންކަމަށް ވެސް ބަލާފައި ހުންނާނެ. އަޅުގަނޑު ބޭނުންވީ ސަރުކާރުގެ ސައިޒު ކުޑަކުރަން. ވަކިކުރި ނުވަތަ ވަކިވި ވަޒީރުންގެ ތެރޭގައި ވަރަށް ޚިދުމަތްތެރި ބޭފުޅުން ވެސް ތިއްބެވި.

ކުރިން ވަޒީރުންނަށް ތިއްބެވި ދެ ބޭފުޅުންނާއި އިތުރު ބޭފުޅަކު އައްޔަންކުރެއްވުމުގެ މަސައްކަތް ކުރެވެނީ ހުސްވެފައިވާ މަޤާމުތަކަކަށް. އެއީ އުފެއްދި މަޤާމުތަކެއް ނޫން.
ސަރުކާރުގެ ޚަރަދު ކުޑަކުރަން ނިންމިނިންމުން ވަރަށް ހަރުކަށިކޮށް ތަންފީޒު ކުރަމުންދާނަން. ވަޒީރުންގެ ޒިންމާތައް އިތުރުކޮށް، ވުޒާރާތައް މަދުކޮށް ވަޒީރުން މަދުކުރީ އޭގެ ފެށުމެއްގެ ގޮތުން.
އެ ދުވަހުން ފެށިގެން ކޮންމެ ވުޒާރާއެއްގައި ތިބެން ޖެހޭ ސިޔާސީ މުވައްޒަފުންގެ އަދަދު ކަނޑައަޅައި، ސަރުކާރުގައި ތިބި ޕޮލިޓިކަލް އެޕޮއިންޓީސްގެ އަދަދު މަދުކުރުމަށް ދަނީ މަސައްކަތް ކުރެވެމުން. މިކަން ކުރާނީ ޕާފޯމެންސަށް ބަލައިގެން. އޭގެ ތަފްސީލުތައް ހާމަކުރަމުން ދާނަން.

ސަރުކާރު ކުންފުނިތަކުން މީޑިއާތައް ހިންގުމަށް ސްޕޮންސަރ ދިނުމަކީ އަޅުގަނޑު ޤަބޫލުކުރާ އުސޫލެއް ނޫން. ނަމަވެސް އެ ކުންފުނިތަކުގެ ވަކި ޕްރޮޑަކްޓެއް ނުވަތަ ވަކި ޚިދުމަތެއް މީޑިއާތަކާ ޕްރޮމޯޓުކުރުމަކީ އެ ކުންފުނިތަކަށް ލިބިގެންވާ ބާރެއް. އެކަން ޕްރޮފެބަނަލް މިންގަނޑުން ކުރިޔަށް ގެންދަންޏާ ރަނގަޅު ވާނެ.
މީޑިއާތަށް ހިންގުމަށް ދައުލަތުގެ ބަޖެޓުން ވަކި އިންސައްތައެއް ދިނުމަށް ވާނީ ފަށާފައި. އެކަން ކުރިޔަށް ދާނެ.

މި މަސައްކަތް ލަސްވެގެން މިދަނީ ޕޭމަންޓުތައް ޑިލޭ ވަމުން ދިއުމުން.
އަދި މި ޚިދުމަތް ފަށާފައިވާ އަތޮޅުތަކަށް ސްޕެއަރ ވެސެލްތައް ހޮދުމުގެ މަސައްކަތް ވެސް ދަނީ ކުރެވެމުން.

މީގެ އިތުރުން ހުޅުމާލެ ފޭސް އެކެއް އަދި ފޭސް ދޭއްގައި ޤާއިމްކުރާ ޖީޕީ ކްލިނިކްތައް ވެސް އަންނަ ޖުލައި މަސް ހިސާބުގައި ހުޅުވުމަށް ދަނީ މަސައްކަތް ކުރެވެމުން.
އަދި މި އަހަރު ހުރިހާ ސިޓީތަކެއްގައި ވެސް ޖީޕީ ކްލިނިކްތައް ޤާއިމްކުރުމުގެ މަސައްކަތް ދަނީ ކުރެވެމުން.

އާރުޑީސީއަށް މި މަހުގެ ކުރީކޮޅު ގެނެވުނު ގިނަ މެޝިނަރީޒްއާއެކު މުވައްޒަފުން އަހުލުވެރިވުމުގެ މަސައްކަތް މިހާރު ދަނީ ކުރެވެމުން. މި މަރުހަލާއަށްފަހު ދެން އޮންނާނީ މަޝްރޫޢުތައް ފެށުން. އެގޮތުން ގިނަ ރަށްތަކެއްގައި އެއްފަހަރާ މަޝްރޫޢުތައް ކުރިޔަށް ދާނެ.
މީގެ އިތުރުން ވެމްކޯގެ މަސައްކަތަށް ބޭނުންވާ މެޝިނަރީޒް ހޯދުމުގެ މަސައްކަތް ވެސް ދަނީ ކުރެވެމުން.

ސްޓޭޓް ފާމާއިން އެންމެ އިސްކަމެއް ދެނީ ދާއިމީކޮށް ބޭސް ބޭނުންކުރާ ފަރާތްތަކަށް ދަތިކަމެއް ނެތި ބޭސް ލިބޭނެ އިންތިޒާމްތައް ހަމަޖެއްސުމަށް.

އެގޮތުން 1 ނޮވެމްބަރު 2025އިން ފެށިގެން އެކިއެކި ދިވެހި ފަރާތްތަކަށް 3.3 ބިލިއަން ރުފިޔާގެ ބިލުތައް ޕޭކޮށްފިން. އެގޮތުން ކޮންމެ ހަފްތާއަކު އެފްރެޖުކޮށް 700 ވެންޑަރުންނަށް އަންނަނީ ފައިސާ ދެއްކެމުން. އަދި މި ހަފްތާގައި ގާތްގަނޑަކަށް 260 މިލިއަން ރުފިޔާގެ ބިލުތައް ދެއްކުމުގެ މަސައްކަތް ދަނީ ކުރެވެމުން.

އެއީ 2 އެޕްރީލްގައި ދެއްކި 524 މިލިއަން ޑޮލަރުގެ ސުކޫކާއި 23 އެޕްރީލްގައި ދެއްކި 400 މިލިއަން ޑޮލަރުގެ އިންޑިއާގެ ސްވޮޕް. އެހެންކަމުން 21 ދުވަސްތެރޭގައި ގާތްގަނޑަކަށް 1 ބިލިއަން ޑޮލަރުގެ ދަރަނި ދައްކައި، ޤައުމު ޑިފޯލްޓަށް ދިޔަނުދީ، އެއްވެސް ހަރުމުދަލެއް ވިއްކާނުލާ، ރަހުނަކަށް ދޫކޮށްނުލާ އަދި އޭގެ ބަދަލުގައި ރަހުނުކޮށްފައި ހުރި ތަންތަން ސަލާމަތްކޮށްގެން މިކަން މިކުރީ.

ޤާނޫނީ ނިޒާމުގެ ތެރެއިން ބުޅިކުރުން ހުއްޓުވުމަށްޓަކައި، އަދި މިފަދަ އަމަލުތައް ހިންގާ ފަރާތްތަކަށް ފިޔަވަޅު އެޅުން ހަރުދަނާކުރުމަށްޓަކައި އެންޓި-ބުލީއިން ޤާނޫނެއް ތަޢާރަފްކުރުމުގެ މަސައްކަތް އޭޖީ އޮފީހުން ވަނީ ފަށާފައި.

އެގޮތުން މި އަހަރުގެ ޖެނުއަރީ 1ވަނަ ދުވަހުން ފެށިގެން މެންޓަލް ހެލްތުގެ ފަރުވާތައް އާސަންދަ މެދުވެރިކޮށް ދިނުމަށް ވާނީ ފަށާފައި.
މި ޚިދުމަތް އާސަންދައިގެ ދަށުން ދޭން ފެށިފަހުން 1 ޖެނުއަރީ 2026 އިން ފެށިގެން 24 އެޕްރީލްގެ ނިޔަލަށް 10،954 ފަރާތަކުން ވަނީ އެ ދާއިރާއިން ޚިދުމަތް ހޯދާފައި.
މީގެ އިތުރުން މެންޓަލް ހެލްތު ހޮސްޕިޓަލްގެ މަސައްކަތް ވެސް ދަނީ ކުރެވެމުން. އަދި މިކަން އަވަސް ކުރުމަށް ސަރުކާރުގެ ބަޖެޓުގެ ތެރެއިން މި މަޝްރޫޢު ކުރިޔަށް ގެންދިއުމަށް ވާނީ ނިންމާފައި. މި ހޮސްޕިޓަލް އަޅާނީ މާލޭގައި.