ނޭޝަން ޗެޓް

މި ބަދަލާއެކީގައި މިނިސްޓްރީތަކުގެ މަސައްކަތްތަކުގެ އެފިސިއެންސީ މަތިކުރެވިފައިވާކަމަށް ރައީސް ވިދާޅުވިއެވެ. އޭގެ މާނައަކީ ކުރީގެ މިނިސްޓަރުން ފަރުވާތެރިކަމާއެކު މަސައްކަތް ނުކުރި ވާހަކައެއް ނޫންކަން ވެސް އެ މަނިކުފާނު ފާހަގަކުރެއްވިއެވެ. ނަމަވެސް ބަދަލުތަކަކީ ކުރިޔަށް ވުރެ ރަނގަޅަށް މަސައްކަތް ކުރުމަށް ބޭނުންވެގެން ގެނައި ބަދަލުތަކެއްކަމަށް އެ މަނިކުފާނު ވިދާޅުވިއެވެ.

މިއީ ގާތްގަނަޑަކަށް 21 ރަށުގެ މަސައްކަތްކަމަށާއި އެ ތަނުން އެމްނެ ގިނައިން ވެލި ބޭނުންކުރީ ރަސްމާލެއަށްކަމަށް ވިދާޅުވިއެވެ.

މިދިޔަ ދެ އަހަރާބައިގެ ތެރޭގައި ބޭރުގެ ދަރަނިތައް ދެއްކުމަށް ގިނަ މަސައްކަތްތަކެއް ކުރެވުނުކަމަށް ރައީސް ވިދާޅުވިއެވެ. އެގޮތުން މިދިޔަ 40 ވަރަކަށް ދުވަސްތެރޭގައި ބިލިއަނެއްހާ ޑޮލަރު ބޭރުގެ ފަރާތްތަކަށް ދެއްކިފައިވާކަމަށް ވިދާޅުވިއެވެ. އަދި ބައެއް ދަރަނިތައް، އެކުވެރި ދައުލަތްތަކާއެކީ ގޮތް ގާތް ގުޅުމުގެ ސަބަބުން ލަސް ކުރެވުނުކަމަށް ވެސް ވިދާޅުވިއެވެ. އެހެންކަމުން އިންފްރާސްޓްރަކްޗަރ ޕްރޮޖެކްޓްތައް ތާވަލުކުރަން އުނދަގޫވީ އިޤުތިޞާދީ ޙާލަތުންކަމަށް ވިދާޅުވިއެވެ.

މިދިޔަ ސަރުކާރުގެ މުޅި ފަސް އަހަރުގެ މުއްދަތުގައި ބަޔޮމެޓްރިކްސް ނަގާފައި ވަނީ ޖުމްލަ 27،200 ބިދޭސީންގެ ކަމަށް ރައީސް ވަނީ ވިދާޅުވެފައެވެ. މި ސަރުކާރުން މިހާރު ނުނަގާ ތިބީ އެއް އިންސައްތަ ބިދޭސީންގެ ބަޔޮމެޓްރިކްސްއެވެ.

އެއީ ފެކްޗުއަލީ ގޮތުން ބަލާއިރު ތެދު ވާހަކައެއްކަމަށް ރައީސުލްޖުމްހޫރިއްޔާ ވިދާޅުވިއެވެ. އަދި އެއީ ސިޔާސީ ގޮތުން ބައްޓަން ކުރެވޭ ވާހަކައެއް ވެސް ނޫންކަމަށް ވެސް ވިދާޅުވިއެވެ. އަދި މި ސަރުކާރުން މިހާތަނަށް މި ތިން މައްސަލަ ޙައްލުކުރުމަށް ކުރަމުންދާ މަސައްކަތްތަކަށް ބޮޑު ކުރިއެރުމެއް ލިބިފައިވާކަން ފާހަގަކުރެއްވިއެވެ.

ވަޠަނީ ޚިދުމަތުގެ ފުރަތަމަ ޕްރޮގްރާމް ފުރިހަމަކުރި ގިނަ ކުދިން މިހާރު ތިބީ ވަޒީފާގައިކަމަށް އެ މަނިކުފާނު ވިދާޅުވިއެވެ. އަދި ދެވަނަ ބުރުގައި ތަމްރީނު ފުރިހަމަ ކުރި ގިނަ ކުދިން ވެސް ވަޒީފާތަކަށް ފޮނުވުމަށް މަސައްކަތްކުރާނެކަމަށް ވިދާޅުވިއެވެ. އެގޮތުން އެމްއެންޑީއެފް، ޕޮލިސް އަދި ޔުނީފޯމް ބޮޑީސްތަކުގައި މަސައްކަތް ކުރުމަށް ބޭނުންވި ގިނަ ކުދިންނަށް އެ ފުރުސަތު ހޯދައިދީފައިވާކަމަށް އެ މަނިކުފާނު ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ ތަރައްޤީއަކީ ހަމައެކަނި އިމާރާތްތަކެއް ނޫންކަމަށެވެ. ނަމަވެސް ބެލެންސްކޮށް ފޮރިން ޕޮލިސީ ގެންގުޅުމާއި އިމާރާތްތައް ކުރުމަކީ ވެސް ތަރައްޤީ ކަމަށާއި، އަދި އެއަށްވުރެ މުހިންމު ކަމެއްގެ ގޮތުގައި އެ މަނިކުފާނު ދެކެވަޑައިގަންނަވަނީ އިންސާނުން ބިނާކުރުމުގެ ތަރައްޤީކަމަށެވެ. ރައީސުލްޖުމްހޫރިއްޔާ މިފަދައިން ވިދާޅުވީ، ވަޠަނީ ޚިދުމަތުގެ ޕްރޮގްރާމަށް އަލިއަޅުވާލައްވަމުންނެވެ.

ރައީސުލްޖުމްހޫރިއްޔާ އިނގިރޭސިވިލާތައް ކުރެއްވި ދަތުރުފުޅުގައި އިނގިރޭސި ރަސްގެފާނާއި ބައްދަލުވުމުންނާއި، އެ ޤައުމުގެ ފޮރިން މިނިސްޓަރ އަދި ޕާލަމެންޓުގެ ފްރެންޑްޝިޕް ގްރޫޕް އަދި މިނޫން ވެސް ކަމާގުޅުންހުރި ހުރިހާ ފަރާތްތަކާ ވެސް އެންމެ ގިނައިން ދެކެވުނީ ޓެރިފް ކަނޑާލުމުގެ ވާހަކައެވެ.

މިހާރުގެ ފޮރިން މިނިސްޓަރ ކުރިން އިނގިރޭސިވިލާތުގެ ހައިކޮމިޝަނުގައި ހުންނެވިއިރު އެންމެ އިސްކަމެއް ދެއްވުމަށް އަޅުގަނޑު ދެންނެވީ މިކަމަށް. އަޅުގަނޑު އިނގިރޭސިވިލާތަށް ކުރެއްވި ދަތުރުގައި ވެސް އެންމެ އިސްކަމެއް ދިނީ މިކަމަށް.