ޚަބަރު
ބައިނަލްއަޤްވާމީ މަސްވެރިކަމުގެ ޤާނޫނާ ބެހޭ މާހިރެއްގެ ޚާއްޞަ ލެކްޗަރެއް ބާއްވައިފި
ޕްރޮފެސަރ ވެލެންޓިން ޝަޓްޒް ފޮޓޯ:މަސްވެރިކަމާއި ބެހޭ ވުޒާރާ
ރާއްޖޭގައި މިއަދު ބޭއްވުނު ޚާއްޞަލެކްޗަރއެއްގައި، ބައިނަލްއަޤްވާމީ މަސްވެރިކަމުގެ ޤާނޫނުގެ މާހިރެއް ކަމުގައިވާ ޕްރޮފެސަރ ވެލެންޓިން ޝަޓްޒް ވަނީ ކަނޑުގެ ޤާނޫނާއި ގުޅޭ މުހިންމު މަޢުލޫމާތުތަކެއް ހިއްސާކުރައްވާފައެވެ.
މި ލެކްޗަރ އަމާޒުކުރެވިފައިވަނީ ޔުނައިޓެޑް ނޭޝަންސް ކޮންވެންޝަން އޮން ދަ ލޯ އޮފް ދަ ސީ (އަންކްލޮސް)، ޚާއްޞަކޮށް ސަރަޙައްދީ ދައުލަތްތަކުގެ ޤާނޫނީ އިޚްތިޞާޞްތަކާއި، ޔޫއެން ފިޝް ސްޓޮކްސް އެގްރީމެންޓް (ޔޫއެންއެފްއެސްއޭ) އަދި ސަރަޙައްދީ މަސްވެރިކަން ބެލެހެއްޓުމުގެ ޖަމްޢިއްޔާތަކުގެ (އާާރްއެފްއެމްއޯ) ދައުރު ފަދަ ކަންކަމަށެވެ.
މޯލްޑިވްސް ބާ ކައުންސިލާއި، ދިވެހިރާއްޖޭގެ ޤައުމީ ޔުނިވަރސިޓީގެ ޝަރީޢާ އެންޑް ލޯ ފެކަލްޓީގެ އެހީތެރިކަމާއެކު ބޭއްވުނު މި ސެޝަނުގައި، ކަނޑުގެ ވަސީލަތްތައް ދެމެހެއްޓެނިވި ގޮތެއްގައި ބެލެހެއްޓުމުގައި ސަރަޙައްދީ ދައުލަތްތަކުގެ ޙައްޤުތަކާއި ޒިންމާތަކާ ބެހޭ ފުންކޮށް ދިރާސާކުރެވޭ މަޢުލޫމާތުތަކެއް ހިއްސާކުރެވުނެވެ.
ބައިވެރިންނަށް ކަނޑުގެ ވެރިކަން ހިންގުމާ ބެހޭގޮތުން އާ ނަޒަރަކުން ވިސްނުމުގެ ފުރުޞަތު ލިބުނު މި ސެޝަނަކީ ވަރަށް މުހިންމު އަދި މަޢުލޫމާތު ފުރިހަމަ ސެޝަނެއް ކަމުގައި ބައިވެރިން ފާހަގަކޮށްފައިވެއެވެ. އަދި މި ފަދަ މުހިންމު މަޢުލޫމާތު ހިއްސާކޮށްދެއްވި ކަމަށްޓަކައި ޕްރޮފެސަރ ޝަޓްޒްއަށް ޝުކުރު ދަންނަވާފައިވެއެވެ.
<blockquote class="twitter-tweet"><p lang="en" dir="ltr">We were thrilled to welcome Prof. <a href="https://twitter.com/valentin_schatz?ref_src=twsrc%5Etfw">@valentin_schatz</a> , an expert on international fisheries law for an insightful lecture on UNCLOS, particularly the prescriptive and enforcement jurisdictions of coastal states, the UN Fish Stocks Agreement (UNFSA), and the role of Regional… <a href="https://t.co/OUjYTubwEJ">pic.twitter.com/OUjYTubwEJ</a></p>— Ministry of Fisheries and Ocean Resources (@MFORmv) <a href="https://twitter.com/MFORmv/status/1850965170690146736?ref_src=twsrc%5Etfw">October 28, 2024</a></blockquote> <script async src="https://platform.twitter.com/widgets.js" charset="utf-8"></script>
