ކޫއްޑޫ އެއަރޕޯޓު ރަންވޭ މަރާމާތު މަސައްކަތް ނިންމާ، އަލުން ހުޅުވާލައިފި

ކޫއްޑޫ އެއަރޕޯޓުގެ ރަންވޭ މަރާމާތުގެ މަސައްކަތް ނިންމާ، އަލުން ހުޅުވާލައިފިއެވެ. 

ގައުމީ އެއާލައިން މޯލްޑިވިއަނުން ގއ. ކޫއްޑޫއަށް ކުރަމުން އައި ދަތުރުތައް ހުއްޓައިލީ ދިގު މުއްދަތެއްގައި އެ އާޕޯޓު މެއިންޓެއިން ނުކުރެވުމުގެ ސަބަބުން ކަމަށް، ޓްރާންސްޕޯޓު މިނިސްޓަރު މުޙައްމަދު އަމީން ވިދާޅުވެފައިވެއެވެ. 

ޓްރާންސްޕޯޓު މިނިސްޓްރީއާއި، ސިވިލް އޭވިއޭޝަން އޮތޯރިޓީއާއި، އެއާޕޯޓު އޮޕަރޭޓަރުގެ އިތުރުން ގުޅުންހުރި ފަރާތްތަކާއެކު އެއަރޕޯޓްގެ މައްސަލަ ހައްލު ކުރުމުގެ މަސައްކަތް ފަށާފައިވަނީ މިމަހުގެ ކުރީކޮޅުގައެވެ. ކޫއްޑޫއަށް ކުރާ ދަތުރުތައް ހުއްޓާލަން ނިންމީ ދަތުރުވެރިންގެ ސަލާމަތްތެރިކަން ކަށަވަރުކުރުމަށްޓަކައި ކަމަށް މޯލްޑިވިއަނުން ބުނެފައިވެއެވެ. 

ކުއްޑޫ އެއަރޕޯޓު ހުޅުވީ 2012 ވަނަ އަހަރުއެވެ. ކޫއްޑޫ އެއަރޕޯޓުގެ ރަންވޭ މަރާމާތަށްފަހު އަލުން ހުޅުވާލުމާއެކު މޯލްޑިވިއަންގެ ޝެޑިއުލް ދަތުރުތައް އެ އެއަރޕޯޓަށް ވަނީ ފަށާފައެވެ.