ރާއްޖޭގެ ފުރަތަމަ ޕްރޮފެޝަނަލް ގޯކާޓް ޓްރެކް ކަނޑިންމަ މޯލްޑިވްސްގައި ހުޅުވައިފ

ކަނޑިންމަ މޯލްޑިވްސް ރިސޯޓުން ރާއްޖޭގެ ފުރަތަމަ ޕްރޮފެޝަނަލް ފެންވަރުގެ އިލެކްޓްރިކް ގޯކާޓް ޓްރެކް "ފާސްޓް ޓްރެކް" ތަޢާރަފުކޮށްފިއެވެ. 500 މީޓަރުގެ މި ޓްރެކަކީ މި ސަރަޙައްދުގެ އެންމެ ދިގު، އެންމެ ބާރު އަދި އެންމެ ފޯރިގަދަ ކާޓިންގް  ތަޖުރިބާ ކަމުގައި ވެގެންދާނެއެވެ.

2024 ވަނަ އަހަރުގެ ނޮވެމްބަރު 15 ގައި ރަސްމީކޮށް ހުޅުވުމަށް ހަމަޖެހިފައިވާ މި ޓްރެކްގައި ގަޑިއަކު 80 ކިލޯމީޓަރުގެ ސްޕީޑުގައި ދުއްވޭނެއެވެ. އަދި 12 ގޮޅިއާއެކު ތިމާވެއްޓާ ރައްޓެހި އިލެކްޓްރިކް ކާޓް ސިސްޓަމެއް ބޭނުންކުރެވޭނެއެވެ. 

ކަނޑިންމަ އަށް ޚާއްޞަކޮށް ފަރުމާކޮށްފައިވާ ކާޓްތަކުގައި ރައްކާތެރިކަމާއި ފަސޭހަކަމަށް އިސްކަންދީފައިވެއެވެ. މީގެ ތެރޭގައި އެޖަސްޓަބަލް ސީޓިންގ، ސޭފްޓީ ބެރިއަރސް އަދި ފުލް ސީޓް ބެލްޓްތައް ހިމެނެއެވެ. ޓްރެކްގެ ވަށައިގެން ތިން މާޝަލް ޕޯސްޓެއް ސްޓްރެޓެޖިކްކޮށް ބަހައްޓާފައިވާތީ، ރޭސްޖަހާ ހުރިހާ ފަރާތްތަކަށް އިތުބާރާއެކު ދުވެލި ބާރުކުރެވޭނެއެވެ.

ފާސްޓް ޓްރެކްގައި އެކި ފެންވަރުގެ މީހުންނަށް އެކަށީގެންވާ ގޮތަށް އެޖަސްޓް ކުރެވޭ ސްޕީޑް ސެޓިންތަކެއް ހުންނާނެއެވެ. މީގެ ތެރޭގައި ޒުވާނުންނާއި، ޢާއިލާތަކާއި، ވާދަވެރި  މީހުންނަށް އެކަށޭނަ ސެޓިންގތައް ހިމެނެއެވެ. އިތުރު ތަޖުރިބާއެއް ބޭނުންވާ ފަރާތްތަކަށް މިނީ ގްރޭންޑް ޕްރީ އަދި ގްރޭންޑް ޕްރީ ޕެކޭޖްތައް ވެސް ލިބެން ހުންނާނެއެވެ.

ކަނޑިންމަގެ ތިމާވެށި ރައްކާތެރިކުރުމުގެ އަމާޒާ އެއްގޮތަށް، މި ކާޓްތަކަކީ އެންމެ ޒަމާނީ އިލެކްޓްރިކް ޓެކްނޮލޮޖީ ބޭނުންކޮށްގެން ހަކަތަ އުފައްދާ، ތިމާވެއްޓާ ރައްޓެހި، އެއްވެސް ވިހަ ގޭހެއް ބޭރުނުކުރާ އުޅަނދުތަކެކެވެ.