ދުނިޔޭގެ އެންމެ ދިގު ޑްރައިވަރލެސް މެޓްރޯ ސިސްޓަމް ރިޔާޟްގައި ، 22 ބިލިއަން ޑޮލަރުގެ ބިޔަ މަޝްރޫއެއް

ސަޢޫދީ ޢަރަބިއްޔާގެ ވެރިރަށް ރިޔާޟްގައި، ދުނިޔޭގެ އެންމެ ދިގު ޑްރައިވަރލެސް މެޓްރޯ ސިސްޓަމް، 2024 ވަނަ އަހަރުގެ ޑިސެންބަރު މަހު ރަސްމީކޮށް ވަނީ ހުޅުވާފައެވެ. 22 ބިލިއަން އެމެރިކާ ޑޮލަރަށް ވުރެ ގިނަ ފައިސާ ޚަރަދުކޮށްގެން ހިންގާފައިވާ މި ބިޔަ މަޝްރޫޢަކީ، ދުނިޔޭގެ އެހެން މެޓްރޯ މަޝްރޫޢުތަކާ ތަފާތު، ޒަމާނީ އުފެއްދުމެއްގެ ގޮތުގައި ފާހަގަކުރެވިފައިވާ މަޝްރޫޢެކެވެ. ޖުމްލަ 176 ކިލޯމީޓަރުގެ ދިގު މި ނެޓްވޯކްގައި ހަ މެޓްރޯ ލައިނާއި، 85 ޓްރާންސިޓް ސްޓޭޝަން ހިމެނެއެވެ.

2030 ވަނަ އަހަރު ބާއްވާ ވޯލްޑް އެކްސްޕޯއާއި، 2034 ވަނަ އަހަރު ބާއްވާ ފީފާ ވޯލްޑް ކަޕްގެ ހޮސްޓްކަން ކުރާ ރިޔާޟަށް، މި މެޓްރޯ މަޝްރޫޢަކީ  އެތައް މިލިއަން ފަތުރުވެރިންނަށް ޒަމާނީ ދަތުރުފަތުރުގެ ވަސީލަތްތައް ފޯރުކޮށްދިނުމަށް އެޅުނު މުހިންމު ފިޔަވަޅެކެވެ.

ރޯޔަލް ކޮމިޝަން ފޯ ރިޔާޟް ސިޓީން ބުނާ ގޮތުގައި، މި މެޓްރޯ ނެޓްވޯކް ފުރިހަމައަށް އޮޕަރޭޝަނަށް ހުޅުވާލުމުން، ދުވާލަކު 3.6 މިލިއަނަށް ވުރެ ގިނަ ދަތުރުވެރިން އުފުލުމުގެ ކުޅަދާނަކަން ލިބިގެންދާނެއެވެ. މުޅި ނެޓްވޯކްގައި ހިމެނޭ 85 ސްޓޭޝަނުގެ ތެރެއިން، ހަތަރު ސްޓޭޝަނެއް ވަކިން ޚާއްސަކޮށް ފާހަގަކޮށްލެވެއެވެ. އެއީ، ކިންގް ޢަބްދުﷲ ފައިނޭންޝަލް ޑިސްޓްރިކްޓް ސްޓޭޝަން، އެސް.ޓީ.ސީ. ސްޓޭޝަން، ވެސްޓަރން ސްޓޭޝަން އަދި ގަސްރުލް ހުކުމް ސްޓޭޝަން އެވެ.

ނޯވޭގެ ސްނޯހެޓާ  އާއި އޮން ވޯކްސް + ކްރޫ  ގުޅިގެން ޑިޒައިންކުރި ގަސްރުލް ހުކުމް ސްޓޭޝަން، ޢާންމުންނަށް ހުޅުވާލާފައިވަނީ 2025 ވަނަ އަހަރުގެ ފެބްރުއަރީ މަހުއެވެ. 22,000 އަކަ މީޓަރުގެ ސަރަޙައްދެއްގައި ފެތުރިފައިވާ މި ސްޓޭޝަން، ބިމުން 40 މީޓަރު އަޑިއަށް ގޮސްފައިވާއިރު، ހަތް ފަންގިފިލާގައި 17 ލިފްޓާއި 46 އެސްކަލޭޓަރު ހިމެނެއެވެ. ސްޓޭޝަން ތެރެއިން ދަތުރުވެރިންނަށް ފިހާރަތަކާއި، އެތެރޭގެ ބަގީޗާތަކާއި، އާޓް ޑިސްޕްލޭތައް ފެނިގެންދާނެއެވެ. މީގެ ސަބަބުން މި ސްޓޭޝަން ވެފައިވަނީ ހަމައެކަނި ދަތުރުފަތުރުގެ މަރުކަޒަކަށް ވުމުގެ ބަދަލުގައި، ސަޤާފީ ތަނެއްގެ ގޮތުގައެވެ. ގިނަ ފަތުރުވެރިން މެޓްރޯއަށް އެރުމުގެ ކުރިންވެސް މި ސްޓޭޝަންގެ ޑިޒައިން ބެލުމަށް ވަގުތު ހުސްކުރެއެވެ.

ބައެއް ފަރާތްތަކުން ގަސްރުލް ހުކުމް ސްޓޭޝަނަކީ، ރިޔާޟްގެ އެހެން މަޝްހޫރު ތަންތަނާ ވާދަކުރާ ފަދަ، ފަތުރުވެރިންގެ މެދުގައި މަގުބޫލު ތަނެއް ކަމަށް ސިފަކުރެއެވެ. ރަށުގެ ރައްޔިތުންވެސް މި ސްޓޭޝަންގެ ބެލުމަށް އެހެން މަޝްހޫރު ތަންތަނުގެ އިތުރުން ހުށަހަޅައެވެ.

ގަސްރުލް ހުކުމް ސްޓޭޝަނުން 30 މިނިޓުގެ ދަތުރަކަށްފަހު، ނެޓްވޯކްގެ އެންމެ ބާރުބޮޑު ސްޓޭޝަން ކަމަށްވާ، ޒަހާ ހަދީދު އާކިޓެކްޓްސް  އިން ޑިޒައިންކުރި ކިންގް ޢަބްދުﷲ ފައިނޭންޝަލް ޑިސްޓްރިކްޓް ސްޓޭޝަނަށް ވާސިލްވެވޭނެއެވެ. އަދި، ރިޔާޟް ނޭޝަނަލް މިއުޒިއަމް ސްޓޭޝަނަކީ، ތިން މެޓްރޯ ލައިނާއި، މޮނޯރެއިލް ސިސްޓަމެއް އަދި ބަސް ޓާމިނަލެއް ގުޅުވައިދޭ މުހިންމު ސްޓޭޝަނެކެވެ. ރިޔާޟްގައި ހުންނަ އޮމްރާނިޔާ  އިން ޑިޒައިންކުރި ވެސްޓަރން ސްޓޭޝަން ހުޅުވާފައިވަނީ 2025 ވަނަ އަހަރުގެ ޖެނުއަރީ މަހުއެވެ.  ޖަރުމަނުގެ ގެރބަރ އާކިޓެކް  އިން ޑިޒައިންކުރި އެސް.ޓީ.ސީ. ސްޓޭޝަން ދެ ލައިނާ ގުޅިފައިވެއެވެ. ކޮންމެ ސްޓޭޝަނެއްވެސް ޒަމާނީ އާކިޓެކްޗަރަލް ޑިޒައިންތަކާއި ސަޤާފީ ރަމްޒުތަކުގެ ފުރިހަމައަށް މިނިޓުކޮށްފައިވެއެވެ.
ފުދުންތެރިކަމާއި ފަސޭހަކަންމެޓްރޯގެ ހިތްގައިމު ޑިޒައިންގެ އިތުރުން، ރިޔާޟް މެޓްރޯގައި ހަކަތަ ރައްކާތެރިކުރުމަށްވެސް އިސްކަންދީފައިވެއެވެ. ސްޓޭޝަންތަކުގައި ސޯލާ ޕެނަލް ހަރުކޮށްފައިވާއިރު، މެޓްރޯގެ ދުއްވާ ތަކެތި ޑިޒައިންކޮށްފައިވަނީ ހަކަތަ ސަލާމަތްކޮށް، ބޭނުންކުރަން ފަސޭހަވާނެ ގޮތަށެވެ. ޓިކެޓުގެ އަގުތައްވެސް ވަރަށް ހެޔޮއަގުގައި ލިބެން ހުރެއެވެ:

2 ގަޑިއިރަށް 4 ސަޢޫދީ ރިޔާލް
3 ދުވަހަށް އަންލިމިޓެޑް ދަތުރަށް 20 ރިޔާލް
މަހަކަށް 140 ރިޔާލް

މެޓްރޯގެ ކާރުތައް ބަހާލެވިފައިވަނީ ތިން ބަޔަކަށެވެ: ފިރިހެނުންނަށް ޚާއްސަ ކާރު، އާއިލާތަކަށް ޚާއްސަ ކާރު އަދި ފަސްޓް ކްލާސް ކާރު. މެޓްރޯ ތެރޭގައި ކެއުމާއި ބުއިން މަނާކޮށްފައިވެއެވެ. މެޓްރޯގެ ދުއްވާ ތަކެތި ޑިޒައިންކޮށްފައިވަނީ ފަރަންސޭސި ކުންފުންޏަކުންނެވެ. އެތެރޭގެ ގޮނޑިތައް ޑިޒައިންކުރެވިފައިވަނީ ރިޔާޟްގެ ސަޤާފީ އާކިޓެކްޗަރަލް ޕެޓަރންތަކުން ލިބުނު އިލްހާމާއި އެކުއެވެ.

ގަދަފަދަ ކާމިޔާބީއާއި ކުރިއަށް އޮތް ތަނުގެ ތަރައްޤީ 2024 ވަނަ އަހަރުގެ ޑިސެންބަރު މަހު ހުޅުވުނުފަހުން، މި ސިސްޓަމް ވަނީ އެންމެހާ އުއްމީދުތަކާ އެއްގޮތަށް ކާމިޔާބު ހޯދާފައެވެ. ފުރަތަމަ 11 ހަފްތާގައި 18 މިލިއަނަށް ވުރެ ގިނަ ދަތުރުވެރިން މި މެޓްރޯ ބޭނުންކޮށްފައިވެއެވެ. އަދި، މިދިޔަ މަހާ ހަމައަށް ޖުމްލަ ދަތުރުވެރިންގެ ޢަދަދު 100 މިލިއަން ފަހަނަޅާފައިވެއެވެ.
މިހާރުވެސް މި ސިސްޓަމް އިތުރަށް ފުޅާކުރުމަށް ޓަކައި ހަތްވަނަ މެޓްރޯ ލައިނެއް ހެދުމުގެ މަސައްކަތްތައް ވަނީ ފަށާފައެވެ.