ދައުރުވަމުންދާ، ކުށުގެ ވެށީގައި ފުލުހުން ޙަރަކާތްތެރިވަމުންދާ ވީޑީއޯއަކީ ފުލުހަކު ކޮށްފައިވާ ވީޑީއޯއެއް ނޫން : ފުލުހުން

ސޯޝަލް މީޑިއާގައި ދައުރުވަމުންދާ، ކުށުގެ ވެށީގައި ފުލުހުން ޙަރަކާތްތެރިވަމުންދާ މަންޒަރު ފެންނަ ވީޑީއޯއަކީ ފުލުހަކު ކޮށްފައިވާ ވީޑީއޯއެއް ނޫން ކަމަށް ދިވެހި ފުލުހުންގެ ޚިދުމަތުން މިއަދު ވިދާޅުވެއްޖެއެވެ. މި ވީޑީއޯއާ ގުޅިގެން ޢާއްމުންގެ ފަރާތުން ކަންބޮޑުވުން ފާޅުވަމުންދަނީ، އެއްމައްސަލައެއްގައި ހިމެނޭ ޢުމުރުން 18 އަހަރުން ދަށުގެ ކުޑަކުދިންވެސް ވީޑީއޯއިން ފެންނާތީއެވެ.

ފުލުހުން މިހެން ވިދާޅުވެފައިވަނީ، މަސްތުވާތަކެއްޗާއެކު ޙަރަކާތްތެރިވަމުންދިޔަ ބަޔަކު ހައްޔަރުކުރުމަށް ފުލުހުން ހިންގި އޮޕަރޭޝަނެއްގެ ވީޑީއޯއެއް ދައުރުވަމުންދިޔުމާއި ގުޅިގެންނެވެ. އެ އޮޕަރޭޝަންގައި، މަސްތުވާތަކެއްޗާ ގުޅުންހުރި ކުށުގެ ވެށިން ބަޔަކު ހައްޔަރުކުރުމުގެ އިތުރުން، ކުޑަކުދިންތަކެއްވެސް ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.

ސޯޝަލް މީޑިއާގައި ދައުރުވަމުންދާ ވީޑީއޯއިން ޢުމުރުން 18 އަހަރުން ދަށުގެ ކުދިން ފެންނަކަމަށް ބުނެ ގިނަ ބަޔަކު ކަންބޮޑުވުން ފާޅުކޮށްފައިވެއެވެ. މިކަމާ ގުޅިގެން ފުލުހުން އިތުރަށް ވިދާޅުވީ، ކުށުގެ ވެށީގެ އެ ވީޑީއޯ ކޮށްފައިވަނީ ފުލުހަކު ނޫން ކަމަށާއި، މިފަދަ ކަންކަމުގައި ފުލުހުން އަމަލުކުރާ އުސޫލުތައް ހުރި ކަމަށެވެ. ފުލުހުންގެ މި ބަޔާނަކީ ވީޑިއޯގެ ސައްޙަކަމާއި ކުޑަކުދިންގެ ސަލާމަތާ ގުޅޭގޮތުން އުފެދިފައިވާ ސުވާލުތަކަށް ޖަވާބުދިނުމުގެ ގޮތުން ނެރެފައިވާ ބަޔާނެކެވެ.