އައިކެއާއިން އައިނު ހައްދައިގެން، ނަޞީބުވެރި ދެ ފަރާތަކަށް ޢުމްރާ ދަތުރަކު ދިޔުމުގެ ފުރުޞަތު!

އައިކެއާ އޮޕްޓިކަލްސްއިން އައިނު ހައްދައިގެން ޢުމްރާ ދަތުރު ލިބޭ ޕްރޮމޯޝަނެއް ފަށައިފިއެވެ. 

އައިކެއާއިން ބުނީ، ކުރިއަށް އޮތް ސްކޫލް ޗުއްޓީއާ ދިމާކޮށް، އައިކެެއާއިން ޚިދުމަތް ހޯދާ ކަސްޓަމަރުންގެ ތެރެއިން ނަޞީބުވެރި ދެ ފަރާތަކަށް ރަމަޟާން ޢުމްރާ ދަތުރެއް ލިބިގެންދާނެ ކަމަށެވެ.

ޕްރޮމޯޝަންގެ ދަށުން އައިކެެއާއިން ކުރާ ކޮންމެ 1000 ރުފިޔާގެ ވިޔަފާރިއަކަށް ކޫޕަނެއް ދޫކުރުމަށް ވަނީ ހަމަޖެހިފައެވެ. އެ ކޫޕަން ފުރިހަމަކުރުމަށް ފަހު، އައުޓްލެޓްގައި ކަނޑައަޅާފައިވާ އެންޓްރީ ބޮކްސްއަށް ކޫޕަން ލުމުން، ޕްރޮމޯޝަނުގައި ބައިވެރިވެވޭނެ ކަމަށް އައިކެއާއިން ބުނެއެވެ. 

ލަކީޑްރޯގެ އިތުރުން، އިން-ސްޓޯ ޕްރޮމޯޝަންތަކެއް ވެސް އައިކެއާއިން ވަނީ ތަޢާރަފުކޮށްފައެވެ. އެ ގޮތުން، ބައެއް ބްރޭންޑްތަކުން 30 އިންސައްތައާ ހަމައަށް ޑިސްކައުންޓް އަދި 3000 ރުފިޔާއަށް ވުރެ މަތީން ހައްދާ ކޮންމެ އައިނަކާ އެކު ބޯނަސްގެ ގޮތުގައި 500 ރުފިޔާގެ ގިފްޓް ވައުޗަރެއް ދޭނެކަމަށް އައިކެއާއިން ހާމަކުރެއެވެ. އެ ގޮތަށް ލިބޭ ވައުޗަރު ޢާއިލާ އަދި ރައްޓެހީންނަށް ހަދިޔާކުރެވޭ ގޮތަށް އައިކެއާއިން ވަނީ ހަމަޖައްސާފައެވެ.

އައިކެއާއިން ބުނީ، ރާއްޖޭގެ އެކި ކަންކޮޅުތަކުގައި ޤާއިމުކޮށްފައިވާ އައިކެއާ އޮޕްޓިކަލްސްގެ ކޮންމެ އައުޓްލެޓަކުން ވެސް ޕްރޮމޯޝަނުގައި ބައިވެރިވެވޭނެ ކަމަށެވެ.

ކަސްޓަމަރުން އައިކެއާއަށް ދެއްވާ އިތުބާރަށް ޝުކުރު އަދާކޮށް، މި ޚާއްޞަ ފުރުޞަތުގެ ބޭނުން އޭގެ އެންމެ ފުރިހަމަ ގޮތުގައި ހިފުމަށް އެދެން.

އައިކެއާއިން ޙިއްޞާކުރި މެސެޖުގައި ވެއެވެ. 

ޕްރޮމޯޝަން ކުރިއަށްދާނީ ނޮވެމްބަރު 28އިން ފެށިގެން 2026 ވަނަ އަހަރުގެ ޖަނަވަރީ މަހުގެ ނިޔަލަށެވެ. ޕްރޮމޯޝަނުގެ ގްރޭންޑް ލަކީޑްރޯ ބޭއްވުމަށް ހަމަޖެހިފައިވަނީ 2026ވަނަ އަހަރުގެ ފެބްރުވަރީ މަހުގެ ފުރަތަމަ ހަފްތާގެ ތެރޭގައެވެ.