ކުރުނބާ ރިސޯޓާ ދިމާ ބޭރުގައި މިރޭ ހަވާ އަރުވަނީ

ކުރުނބާ ރިސޯޓާ ދިމާ ބޭރުގައި މިރޭ ހަވާ އަރުވާނެ ކަމަށް ޤައުމީ ދިފާޢީ ބާރުން ބުނެފިއެވެ.

ޤައުމީ ދިފާޢީ ބާރު، މޯލްޑިވްސް ނެޝަނަލް ޑިފެންސް ފޯސް (އެމް.އެން.ޑީ.އެފް.)އިން ބުނީ، މިރޭ ހަވާ އެރުވުމަށް ހަމަޖެހިފައި ވަނީ 20:20ގައި ކަމަށެވެ. އަދި މި ޙަރަކާތް ކުރިއަށް ގެންދާނީ 4 މިނެޓުގެ ދިގުމިނަކަށް ކަމަށް އެމް.އެން.ޑީ.އެފް.އިން ހާމަކުރެއެވެ.

އެމް.އެން.ޑީ.އެފް.އިން ބުނީ، މިއީ އަމިއްލަ ފަރާތެއްގެ އެދުމުގެ މަތީން، ވިޔަފާރި އުޞޫލުން ސިފައިންގެ ކޯޕަރޭޓިވްއިން ކުރިއަށް ގެންދާ ޙަރަކާތެއް ކަމަށެވެ.

ކުރުނބާ ރިސޯޓާ ދިމާ ބޭރުން މިރޭ 20:20 ހާއިރު ހަވާ އެރުވުމަށް ވަނީ ހަމަޖެހިފަ. ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ)އިން ކުރިއަށްގެންދާ މި ހަރަކާތް ކުރިއަށްދާނީ 4 މިނެޓެއް ހާއިރު.

— Maldives National Defence Force (@MNDF_Official) November 29, 2025