Ads by Stelco

ޚަބަރު

"ސިލޯނާއެކު ދިވެހީން" ޓެލެތޯނަށް ޕީ.އެން.ސީ. ޕާލިމެންޓަރީ ގްރޫޕުން 3 ލައްކަ ރުފިޔާ ހަދިޔާކޮށްފި

"ސިލޯނާއެކު ދިވެހީން" ޓެލެތޯނަށް ޕީ.އެން.ސީ. ޕާލިމެންޓަރީ ގްރޫޕުން 3 ލައްކަ ރުފިޔާ ހަދިޔާކޮށްފި

"ސިލޯނާއެކު ދިވެހީން" ޓެލެތޯނަށް ޕީ.އެން.ސީ. ޕާލިމެންޓަރީ ގްރޫޕުން 3 ލައްކަ ރުފިޔާ ހަދިޔާކުރުން.

farudhun logo

ފަރުދުން

30 ނޮވެމްބަރު 2025، 04:56

30 ނޮވެމްބަރު 2025، 04:56

ދައުލަތުގެ މީޑިޔާ ކަމުގައިވާ ޕަބްލިކް ސަރވިސް މީޑިޔާގެ ފަރާތުން އިސްނަގައިގެން ރާއްޖޭގެ މީޑިޔާތަކާ ގުޅިގެން ކުރިއަށް ގެންދާ "ސިލޯނާއެކު ދިވެހީން" ޓެލެތޯނަށް، ރާއްޖޭގެ ވެރިކަންކުރާ ޕާޓީ ޕީޕަލްސް ނެޝަނަަލް ކޮންގްރެެސް (ޕީ.އެން.ސީ.)ގެ ޕާލިމަންޓަރީ ގްރޫޕުން 300،000 (ތިން ލައްކަ) ރުފިޔާ ހަދިޔާކޮށްފިއެވެ. 

މި ޓެލެތޯން ކުރިއަށް ގެންދަނީ ބޭންކް އޮފް މޯލްޑިވްސްގައި ދެ އެކައުންޓެއް ހުޅުވައި، އެ ދެ އެކައުންޓަށް ފައިސާ ޓްރާންސްފަރކުރުމުގެ ފުރުޞަތު ހުޅުވައިލުމުގެ އިތުރަށް، މާލޭގެ ބައެއް ސަރަޙައްދުތަކުގައި ފަންޑު ފޮށި ބަހައްޓައިގެންނެވެ. 

ބޭންކް އޮފް މޯލްޑިވްސްއިން މި ކަމަށްޓަކައި ހުޅުވި ޚާއްޞަ ދިވެހި ރުފިޔާ އެކައުންޓަށް 8 ލައްކައަށް ވުރެ ގިނަ ރުފިޔާ ޖަމާކޮށްފައިވާއިރު، މި ޓެލެތޯންގެ ޑޮލަރު އެކައުންޓަށް 11 ހާހަށް ވުރެ ގިނަ ޑޮލަރު ވަނީ ޖަމާކޮށްފައެވެ.

ޕީޕަލްސް ނެޝަނަލް ކޮންގްރެސްގެ ޕާލިމެންޓަރީ ގްރޫޕުގެ ފަރާތުން ޓެލެތޯނަށް ހަދިޔާކުރި 3 ލައްކަ ރުފިޔާ ޙަވާލުކޮށްދެއްވީ، ޕާލިމަންޓްރީ ގްރޫޕުގެ ބައެއް މެންބަރުންނާއި، ޕާޓީގެ ޗެއާޕަރސަން / ރައްޔިތުންގެ މަޖިލިހުގެ ރައީސް ޢަބްދުއްރަހީމް ޢަބްދުﷲއާއި، ޕާލިމަންޓްރީ ގްރޫޕުގެ ލީޑަރު އިބްރާހީމް ފަލާޙެވެ. 

ޕަބްލިކް ސަރވިސް މީޑިޔާގެ ފަރާތުން މި އެހީއާ ޙަވާލުވެވަޑައިގަތީ، އެ ކުންފުނީގެ ޑެޕިއުޓީ މެނޭޖިންގ ޑިރެކްޓަރ ޔާމީން ރަޝީދެވެ. 

މި ފައިސާ ޙަވާލުކުރެއްވުމަށް ފަހު ޕީ.އެސް.އެމް.އަށް ދެއްވި ބަސްދީގަތުމެއްގައި މަޖިލިހުގެ ރައީސް ޢަބްދުއްރަހީމް ވިދާޅުވީ، ލަންކާއަކީ ޒަމާނުއްސުރެ ދިވެހިންނާ ވަރަށް ގާތް ޤައުމެއް ކަމަށާއި، އަދި ދިވެހީން ވަރަށް ގިނަގިނައިން ޒިޔާރަތްކުރާ ޤައުމެއް ކަމަށެވެ. އަދި ރާއްޖޭގައި އުޅޭ ބިދޭސީންގެ ތެރެއިން ނިސްބަތުން ފާހަގަކޮށްލެވޭ އެއް ޢަދަދަކީ ލަންކާއަށް ނިސްބަތްވާ މީހުން ކަމުގައި ޢަބްދުއްރަޙީމް ވިދާޅުވިއެވެ.

މި ހުރިހާ ގޮތަކަށް ބަލާއިރު، ސްރީ ލަަންކާއާއި ރާއްޖެއާ މިއީ ވަރަށް ގާތް އެއްބަނޑު އެއްބަފާ ގުޅުމެއް ޒަމާނުއްސުރެ އުފެދިފައި އޮތް ދެ ޤައުމު. ލަންކާއަށް މި ފަދަ ހިތާމަވެރި ކާރިސާއެއް ކުރިމަތިވުމާ އެކީގައި އެންމެ ފުރަތަމަ އިސްކަމެއް ނެގި ޤައުމެއްގެ ގޮތުގައި މި ފާހަގަވަނީ ރާއްޖެ.

ޕީޕަލްސް ނެޝަނަލް ކޮންގްރެސްގެ ޗެއާޕަރސަން / ރައްޔިތުންގެ މަޖިލިހުގެ ރައީސް، ޢަބްދުއްރަޙީމް ޢަބްދުﷲ

ޢަބްދުއްރަޙީމް އިތުރަށް ވިދާޅުވީ، މި ކަމުގައި ލަންކާއަށް އެންމެ ފުރަތަމަ މަދަދުވެރިވި ޤައުމަކަށް ރާއްޖެ ވުމުން، ސަރުކާރުގެ ހަރުދަނާ ޚާރިޖީ ސިޔާސަތުތައް ހާމަވާ ކަމަށެވެ.

Ads by MSS

މި ލިޔުން ކިޔާލުމުން