ޚަބަރު
ނޮވެމްބަރު 16 ގައި ރަސްމީކޮށް ދަރުމަވަންތަ ހޮސްޕިޓަލް ހުޅުވަނީ!
ދަރުމަވަންތަ ހޮސްޕިޓަލް. ފޮޓޯ:ފަރުދުން
ހުލާސާ
މިހިނގާ ނޮވެމްބަރު 16 ގައި ރަސްމީކޮށް ދަރުމަވަންތަ ހޮސްޕިޓަލް ހުޅުވުމަށް ހަމަޖައްސައިފިއެވެ.
މިކަން އިޢުލާނު ކުރެެއްވެވީ ޖުމްހޫރީ ދުވަހުގެ ރަސްމިއްޔާތުގައި ރޭ ދަރުބާރުގޭގައި ކުރިއަށްދިޔަ ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ޑރ މުޙައްމަދު މުޢިއްޒެވެ.
ރައީސް ޑރ މުޢިއްޒު ވިދާޅުވީ، ދަރުމަވަންތަ ހޮސްޕިޓަލް ހުޅުވިގެންދާނީ ހުރިހާ ޚިދުމަތެއް ޓާރޝިއަރީ ފެންވަރަށް ޤާއިމްކުރުމަށްފަހު ކަަމަށެވެ. ދަރުމަވަންތަ ހޮސްޕިޓަލް މިމަހުގެ ތެރޭގައި ހުޅުވަން ނިންމާފައިވާއިރު، ހުޅުމާލޭ ހޮސްޕިޓަލް ޓާރޝިއަރީ ފެންވަރުގެ ޚިދުމަތްތަކާއެކު ހުޅުވުމަށް ސަރުކާރުން މަސައްކަތް ކުރަމުންދާ ކަމަށެވެ.
ދަރުމަވަންތަ ހޮސްޕިޓަލުގެ އިމާރާތުގެ މަސައްކަތް ރައީސް ޔާމީނުގެ ވެރިކަމުގައި ނިންމައި، އެތަނުގެ ޚިދުމަތް ބޭނުންކުރަން ފެށީ ކޮވިޑް-19 ގެ ތެރޭގައެވެ. އެހެން ނަމަވެސް އެތަން ރަސްމީކޮށް ހުޅުވާފައެއް ނުވެއެވެ.
ރަޢީސް ޑރ މުއިއްޒުގެ ރޭގެ ވާހަކަފުޅުގައި ރާއްޖޭގައި އެޅުމަށް ހަމަޖެހިފައިވާ ކެންސަރު ހޮސްޕިޓަލުގެ ޢަމަލީ މަސައްކަތް އަންނަ 2025 ވަނަ އަހަރު ފަށާނެކަމަށް ވެސް ވިދާޅުވިއެވެ.
