ހާހަކާ ގާތްކުރާ މީހުންނާއެކު މިއަހަރުގެ ފުރަތަމަ ކްރޫޒް ޝިޕް ރާއްޖެ އަތުވެއްޖެ

މިއަހަރުގެ ފުރަތަމަ ކްރޫޒް ޝިޕް، "އެމްއެސް ކްރިސްޓަލް ސިފަނީ" ހޯމަ ދުވަހު ރާއްޖެއަށް ބަނދަރުކޮށްފިއެވެ. ސީޝެލްސް އިން ފުރައިގެން ރާއްޖެ އައި މި ބިޔަ އުޅަނދުން ޖުމްލަ 970 މީހުން ރާއްޖެ އައިސްފައިވެއެވެ.

މޯލްޑިވްސް އިމިގްރޭޝަނުން މައުލޫމާތު ދީފައިވާ ގޮތުގައި، މި ކްރޫޒް ޝިޕުން 479 ފަތުރުވެރިންނާއި 491 ފަޅުވެރިން ރާއްޖެ އައިސްފައިވެއެވެ. މި އުޅަނދުން އައި ހުރިހާ ފަރާތްތަކަށް އިމިގްރޭޝަނުން މިހާރު ވަނީ ކްލިއަރެންސް ދީފައެވެ. މިއީ މިއަހަރުގެ ތެރޭގައި ރާއްޖެއަށް މަރުހަބާ ކީ ފުރަތަމަ ކްރޫޒް ޝިޕެވެ.

The Seaport Division officers successfully provided en-route immigration clearance services for 479 passengers and 491 crew members aboard MS Crystal Symphony, which arrived in the Maldives on 12th January 2026 from Mahé, Seychelles. The vessel marks the first cruise ship arrival… pic.twitter.com/CV6fffOLPd

— Maldives Immigration (@ImmigrationMV) January 14, 2026

ފަތުރުވެރިކަމުގެ އެންމެ ބާރުބޮޑު ދުވަސްވަރު ނުވަތަ "ޕީކް ސީޒަން" އާ ދިމާކޮށް، ކްރޫޒް ޝިޕްތަކުގައާއި އެނޫންވެސް ވަސީލަތްތަކުގައި ރާއްޖެއަށް އަންނަ ފަތުރުވެރިންގެ އަދަދު އަންނަނީ އިތުރުވަމުންނެވެ. މި އަހަރުގެ މިހާތަނަށް ރާއްޖެއަށް 93،000 އަށްވުރެ ގިނަ ފަތުރުވެރިން ޒިޔާރަތްކޮށްފައިވާކަން ތަފާސްހިސާބުތަކުން ދައްކައެވެ.

ކްރޫޒް ޝިޕްތަކުގައި ގިނަ އަދަދެއްގެ ފަތުރުވެރިން ރާއްޖެ އައުމަކީ ރާއްޖޭގެ ފަތުރުވެރިކަމުގެ ދާއިރާއަށް ލިބޭ ބޮޑު ކުރިއެރުމެއްގެ ގޮތުގައި ސަރުކާރުން ދެކެއެވެ. މިއަހަރުގެ ތެރޭގައި އިތުރު ކްރޫޒް ޝިޕްތައް ރާއްޖެ އައުމަށް ހަމަޖެހިފައިވާކަމަށްވެސް މައުލޫމާތު ލިބެއެވެ.