ތިލަފުށިން ގެއްލުނު ބިދޭސީމީހާ ހޯދުމުގެ މަސައްކަތް ދަނީ ކުރަމުން : ފުލުހުން

 ކ. ތިލަފުށީގެ ސައިޓެއްގައި މަސައްކަތް ކުރަމުންދަނިކޮށް ގެއްލުނު ބިދޭސީއަކު ހޯދުމުގެ މަސައްކަތް ފުލުހުން ހުއްޓުމެއްނެތި ކުރަމުންދާކަމަށް އެ އިދާރާއިން ހާމަކޮށްފިއެވެ.

ފުލުހުން މައުލޫމާތު ދޭ ގޮތުގައި، މި މީހާ ގެއްލިފައިވަނީ 2026 ޖެނުއަރީ 26 ވަނަ ދުވަހުއެވެ. ނަމަވެސް، މި މީހާ ގެއްލިގެން ރަސްމީކޮށް ފުލުހުންނަށް ރިޕޯޓްކޮށްފައިވަނީ 2026 ޖެނުއަރީ 28 ވަނަ ދުވަހުއެވެ.

މި މައްސަލައާ ގުޅިގެން ފުލުހުން ބުނީ، އެ މީހާ ހޯދުމަށް މިހާތަނަށް ގިނަ މަސައްކަތްތަކެއް ކުރެވިފައިވީ ނަމަވެސް، އަދި އެ މީހާ ފެނިފައިނުވާ ކަމަށެވެ. އަދި މި މައްސަލައާ ގުޅުންހުރި އެއްވެސް މީހަކު މިހާތަނަށް ހައްޔަރުކޮށްފައި ނުވާކަމަށްވެސް ފުލުހުން މައުލޫމާތު ދެއެވެ.