ހުޅުމާލޭގެ ދެ ސަރަޙައްދަކުން މިއަދު ކަރަންޓު ކެނޑިދާނެ: ސްޓެލްކޯ

ޚިދުމަތުގެ ފެނަވރު ރަނގަޅުކުރުމަށް ކުރަމުންދާ މަސައްކަތްތަކުގެ ތެރެއިން މުހިންމު މަސައްކަތްތަކެއް ކުރުމަށްޓަކައި މިއަދު ހުޅުމާލޭގެ ދެ ސަރަޙައްދަކުން ކަރަންޓު ކެނޑިދާނެކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)އިން ހާމަކޮށްފިއެވެ.

އެގޮތުން މި މަސައްކަތް ކުރުމަށް ހަމަޖެހިފައިވަނީ މެންދުރުފަހު 2:00 އާއި 4:00އާ ދެމެދުކަމަށް އެ ކުންފުނިން ހާމަކުރެއެވެ.

ހުޅުމާލޭގައި މަސައްކަތްކުރުމަށް ހަމަޖެހިފައިވަނީ ފުރަތަމަ ފިޔަވަހި، ރަބަރުގަސް މަގު ގޯޅި 8 އަދި 9 ހިމެނޭ ސަރަޙައްދުގައެވެ.

މިކުންފުނީގެ ކަރަންޓުގެ ވިއުގަ އަޕްގްރޭޑް ކުރުމަށްޓަކައި، ޚިދުމަތް ކޮންމެހެން މެދުކަނޑާލައިގެން ކުރަންޖެހޭ މަސައްކަތެއް ކުރުމަށް މާލެ ސިޓީ، ހުޅުމާލެ ފުރަތަމަ ފިޔަވަހި، ރަބަރުގަސް މަގު ގޯޅި 8 އަދި 9 ހިމެނޭ ސަރަޙައްދުން 12 ފެބުރުވަރީ 2026 ވާ ބުރާސްފަތި ދުވަހުގެ (މިއަދު)… pic.twitter.com/7xO3uC91xs

— STELCO (@STELCOMALDIVES) February 12, 2026

ކަރަންޓުގެ ޚިދުމަތް މެދުކެނޑެނީ، ކުންފުނިން ކަރަންޓުގެ ވިއުގަ އިތުރަށް ހަރުދަނާކޮށް، ޒަމާނީ ކުރުމަށް ކުރިއަށް ގެންދާ މަސައްކަތްތަކުގެ ތެރެއިން، ޚިދުމަތް ކޮންމެހެން މެދުކަނޑާލައިގެން ކުރަންޖެހޭ މަސައްކަތެއް ކުރުމަށް ކަމަށް ސްޓެލްކޯއިން ބުނެއެވެ.