އައްޑޫ ސިޓީގައި އެމްބިއުލާންސަކާއި ކާރެއް ޖެހި އެކްސިޑެންޓެއް ހިނގައިފި

އައްޑޫ ސިޓީ ހިތަދޫގައި އެމްބިއުލާންސަކާއި ކާރެއް ޖެހި އެކްސިޑެންޓެއް ހިނގައިފި އެވެ.

ދިވެހި ފުލުހުންގެ ޚިދުމަތުން ވިދާޅުވީ، އައްޑޫ ސިޓީ ހިތަދޫ ބޮޑު މަގުން ދުއްވާފައި ދިޔަ އެމްބިއުލާންސަކާއި ކާރެއް ޖެހި އެކްސިޑެންޓްވެފައިވާ މައްސަލަ 15 ފެބްރުއަރީ 2026 ވަނަ ދުވަހުގެ 21:59 އެހައިކަންހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.

މީގެ އިތުރުން ފުލުހުން ވިދާޅުވީ، މި އެކްސިޑެންޓުގައި ހިމެނޭ ކާރު މިހާރު ޓޯކޮށްފައިވާ ކަމަށެވެ. ހަމަ އެހެންމެ، މި އެކްސިޑެންޓުގައި އެއްވެސް މީހަކަށް އަނިޔާވެފައި ނުވާކަމަށް ފުލުހުން މަޢުލޫމާތުދެއެވެ.

މި މައްސަލަ ފުލުހުން ގެންދަނީ އިތުރަށް ތަޙުޤީގު ކުރަމުންނެވެ.