ށ. މާއުނގޫދު ޞިއްޙީ މަރުކަޒުގެ އައު އިމާރާތުގެ ފައުންޑޭޝަން އެޅުމުގެ މަސައްކަތް ފަށައިފި

ށ. މާއުނގޫދު ޞިއްޙީ މަރުކަޒުގެ އައު އިމާރާތުގެ ފައުންޑޭޝަން އެޅުމުގެ މަސައްކަތް  މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ފަށައިފި އެވެ.

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އިން މިއަދު ވިދާޅުވީ، މާއުނގޫދު ޞިއްޙީ މަރުކަޒަށް އައު އިމާރާތެއް އިތުރު ކުރުމުގެ މަޝްރޫޢުގެ ދަށުން ފައުންޑޭޝަން ފުޓިންގެ މަސައްކަތް މިހާރު އެއްކޮށް ނިމިފައިވާ ކަމަށެވެ. އަދި އެއަށްފަހު  މި މަޝްރޫޢުގެ ދަށުން މިހާރު ކުރިއަށްދަނީ ފައުންޑޭޝަން ބީމްސްގެ ކޮންކްރީޓްގެ މަސައްކަތް ކަމަށް އެ ކުންފުނިން ވަނީ ވިދާޅުވެފައެވެ.

Project Update: Construction of SH. Maaungoodhoo Health Centre

Foundation footings have been completed, and concrete works for foundation beams have commenced.

Follow more updates at: https://t.co/SfVAzkW2pp#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/Rqfk1XPqr3

— MTCC Plc (@MTCCPlc) February 24, 2026

މި މަޝްރޫޢުގެ މަސައްކަތް އެއްކޮށް ނިމުމާއެކު، މާއުނގޫދު ޞިއްޙީ މަރުކަޒު 24 ގަޑިއިރު ޚިދުމަތްދޭ މަރުކަޒަކަށް ބަދަލުކުރާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މީގެ ކުރިން ވަނީ ވިދާޅުވެފައެވެ. މީގެ އިތުރުން، މި އައު އިމާރާތް ނިމުމާއެކު، އެރަށުގެ ރައްޔިތުންނަށް ބޮޑެތި ފައިދާތަކެއް ވާނެ ކަމަށާއި، މިހާރަށް ވުރެ ފުރިހަމަ ޞިއްޙީ ޚިދުމަތެއް  ރައްޔިތުންނަށް ލިބޭނެކަން ފާހަގަކޮށްލެވެއެވެ.

މި މަޝްރޫޢަކީ 27،219،325.40 ރުފިޔާއަށް 360 ދުވަސް ތެރޭގައި ނިންމުމަށް އެމްޓީސީސީއާ ހަވާލު ކުރެވިފައިވާ މަޝްރޫޢެއްކަން ފާހަގަކޮށްލެވެއެވެ.