ސާބިތުނުހިފޭ ވާހަކަ ފަތުރާ މީހުންގެ އަބުރުކަތިލަމުންދާތީ، އަބުރުގެ ޤާނޫނު އަލުން އަންނަންޖެހޭ: ބޮޗޭ

ސާބިތުނުހިފޭ ވާހަކަތައް ފަތުރާ މީހުންގެ އަބުރުކަތިލަމުންދާތީ، އަބުރުގެ ޤާނޫނު އަލުން އަންނަންޖެހޭކަމަށް ރައްޔިތުންގެ މަޖިލީހުގެ މާފަންނު ދެކުނު ދާއިރާގެ ޕީއެންސީ މެމްބަރު ޢަބްދުﷲ ރިފާއު (ބޮޗޭ) ވިދާޅުވެއްޖެއެވެ.

މެމްބަރު ރިފާއު މިފަދައިން ވިދާޅުވީ، "އަދަދު" ނޫހުން މިދިޔަ މަހު ރައީސުލްޖުމްހޫރިއްޔާއާއި ގުޅުވައިގެން ޢާންމުކުރި ޑޮކިއުމެންޓްރީއަކާއި ގުޅިގެން، ގިނަ ބައެއް ފާޑުކިޔަމުންދާ މި ދަނޑިވަޅުގައި 'އެކްސް' ގައި ކުރެއްވި ޕޯސްޓެއްގައެވެ.

މިކަމާއި ގުޅިގެން މެމްބަރު ޢަބްދުﷲ ރިފާއު ވިދާޅުވީ، ކޮންމެ މީހަކަށް ވެސް ސާބިތު ނުހިފޭ ވާހަކަތައް ފަތުރާ، އަނެކާގެ އަބުރުކަތިލެވިދާނެ ކަމަށެވެ. އަދި މި ސަބަބަށްޓަކައި މީގެ ކުރިން އަބުރުގެ ޤާނޫނެއް ވުޖޫދުކޮށްފައިވާކަން ފާހަގަކުރައްވަމުން ރިފާއު ވަނީ، އަލުން މި ޤާނޫނު އަންނަންޖެހޭކަމަށް ވިދާޅުވެފައެވެ.

Komme meehakahves saabithu nuhifey vaahaka fathuraa meehunge aburu kathi levidhaane. Mi sababah takaa Aburuge Qanoon vujoodhukuree. Alun miqanoon annan eba jehey. Alhugandumenge Raees @MMuizzu aai aailaa ge aburu kathilaa aguvattaalan foruvigenthibe bayaku kuraa kankan harukashi…

— Abdulla Rifau MP 🇲🇻 (@BocheyRifau) April 28, 2026

އަޅުގަނޑުމެންގެ ރައީސްގެ ޢާއިލާގެ އަބުރުކަތިލާ، އަގުވައްޓާލަން ފޮރުވިގެންތިބެ ބަޔަކު ކުރާ ކަންކަން ހަރުކަށި އިބާރާތުން ކުށްވެރިކުރަން.

މެމްބަރު ރިފާއު ވިދާޅުވިއެވެ.

މީގެ އިތުރުން ރިފާއު ވަނީ، ރައީސުލްޖުމްހޫރިއްޔާއަށް ފުރިހަމަ އިތުބާރު އޮންނެވިކަން ހާމަކުރައްވާ، ޤައުމަށްޓަކައި އެމަނިކުފާނު ކުރައްވާ ބުރަ މަސައްކަތަށް ޝުކުރު ދަންނަވާފައެވެ.

އަބުރު ރައްކާތެރިކުރުމާއި ޚިޔާލުފާޅުކުރުމުގެ މިނިވަންކަމުގެ ޤާނޫނެއް 2016 ވަނަ އަހަރު އެކުލަވާލައި، އެއަށް ޢަމަލުކުރަން ފަށާފައިވާއިރު، މި ޤާނޫނު 2018 ވަނަ އަހަރު ވަނީ އުވާލާފައެވެ.