ރ. ދުވާފަރު ވޮލީ ކޯޓުގެ އަމަލީ މަސައްކަތް ނިމިއްޖެ: އެމްޓީސީސީ

ސަރުކާރުން، މޯލްޑިވްސް ކޮންސްޓްރަކްޝަން އެންޑް ކޮންޓްރެކްޓިންގް ކޮންމްޕެނީ (އެމްޓީސީސީ)އާއި ހަވާލުކޮށްގެން، ރ. ދުވާފަރުގައި ގާއިމުކުރާ އައުޓްޑޯ ވޮލީ ކޯޓުގެ އަމަލީ މަސައްކަތް ނިމިފައިވާކަން އެ ކުންފުނިން ހާމަކޮށްފިއެވެ.

އެމްޓީސީއިން އެކްސްގައި ކުރެއްވި ޕޯސްޓެއްގައި ވިދާޅުވީ މިއީ 1.24 މިލިއަން ރުފިޔާއަށް 120 ދުވަސްތެރޭގައި ނިންމުމަށް އެމްޓީސީސީއާއި ހަވާލުކޮށްފައިވާ މަޝްރޫއަކަށް ވީއިރު، މި މަޝްރޫގެ އަމަލީ މަސައްކަތް ފަށާފައިފަނީ މިދިޔަ އަހަރުގެ ޑިސެންބަރު މަހުގެ 13 ގައެވެ. އަމަލީ މަސައްކަތް ފަށްޓަވައިދެއްވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝަރަފުވެރިކޮށްދެއްވި ރަސްމިއްޔާތެއްގައި، މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން، އޮނަރަބަލް ޢަބްދުﷲ ރާފިޢުއެވެ. 

Project Update: Construction of Outdoor Volley Court at R. Dhuvaafaru

Physical works for the project have been completed on 20th June 2026.

Follow more updates at: https://t.co/SfVAzkW2pp#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/KJwaZOHeRg

— MTCC Plc (@MTCCPlc) June 23, 2026

މަޝްރޫގެ ދަށުން އެ ސަރަހައްދުގެ ބިންގަނޑު އެއްވަރުކުރުމާއި، ކޮންކްރީޓް މަސައްކަތްތަކާއި، ވަށާފާރެއް ރޭނުމާއި، އިކުއިޕްމަންޓު ހަރުކުރުމުގެ މަސައްކަތް އެކުންފުންޏާ ހަވާލުކުރެވުނެވެ. 

މިއީ ކުޅިވަރަށް ލޯބިކުރާ ރައްޔިތުންތަކެއް ދިރިއުޅޭ އަދި ވޮލީއަށް ލޯބިކުރާ އެތައް ރައްޔިތުން އުޅޭ ރ. ދުވާފަރުގެ ޒުވާނުންގެ އުންމީދުތަކާއި ވަރަށް ބޮޑަށް ގުޅިފައިވާ މަޝްރޫއެކެވެ. މި މަޝްރޫގެ ސަބަބުން ރަށަށް އިޖުތިމާއީ ގޮތުން ކުރިއެރުން ލިބި ރަށުގެ އެއްބައިވަންތަކަން އާލާވެގެންދާނެ ކަމަށް ލަފާ ކުރެވެއެވެ.