ކްރޮއޭޝިއާ މެޗުގެ ޕެނަލްޓީގެ ކުރިން ރޮނާލްޑޯ "ބިސްމި" ކީތަ؟

2026 ވަނަ އަހަރުގެ ފީފާ ވޯލްޑް ކަޕްގެ އެންމެ މޮޅު 32 ޓީމު ކުޅުނު ބުރުގައި ޕޯޗުގަލް އާއި ކްރޮއޭޝިއާ ބައްދަލުކުރި ފޯރިގަދަ މެޗަށްފަހު، ދުނިޔޭގެ ސަމާލުކަން އަނެއްކާވެސް މިވަނީ ފަސް ފަހަރު ބެލޮންޑޯ ހޯދާފައިވާ ކްރިސްޓިއާނޯ ރޮނާލްޑޯއަށް ހުއްޓިފައެވެ.

މި މެޗު ޕޯޗުގަލްއިން ކާމިޔާބުކުރީ 2-1 ގެ ނަތީޖާއަކުންނެވެ. މެޗުގެ ފަހުވަގުތު ގޮންޗާލޯ ރާމޯސް ކާމިޔާބުކޮށްދިން ލަނޑާއެކު ޕޯޗުގަލް މޮޅުވި ނަމަވެސް، މުޅި ސޯޝަލް މީޑިއާގައި މިހާރު ދެކެވެމުންދަނީ މެޗުގެ 68 ވަނަ މިނެޓުގައި ހިނގި ކަމެއްގެ ވާހަކައެވެ.

Did Ronaldo recite Bismillāh before taking a penalty for Portugal? pic.twitter.com/t4Nt6WinS4

— • (@Alhamdhulillaah) July 3, 2026

މެޗުގެ 68 ވަނަ މިނެޓުގައި ޕޯޗުގަލްއަށް ލިބުނު މުހިންމު ޕެނަލްޓީ ޖަހަން ރޮނާލްޑޯ ތައްޔާރުވި ވަގުތު، ޓީވީ ކެމެރާތަކުން އޭނާގެ މޫނު ވަރަށް ގާތުން ދައްކާލިއެވެ. އެ ވަގުތު ރޮނާލްޑޯގެ ތުންފަތުގެ ހަރަކާތް ހުރި ގޮތުން، އޭނާ "ބިސްމިﷲ" (ﷲ ގެ އިސްމުފުޅުން ފަށަމެވެ) ކިޔާލި ކަމަށް އެތައް މިލިއަން ބަޔަކު ސޯޝަލް މީޑިއާގައި ދަނީ ބުނަމުންނެވެ. އަދި އިސްލާމީ އުސޫލުތަކުގައި ކޮންމެ ކަމެއް ފެށުމުގެ ކުރިން ކިޔާ މި ބަސް ރޮނާލްޑޯ ބޭނުންކުރި ކަމަށް ބެލެވޭ ވީޑިއޯ ކްލިޕްތައް މިހާރު ވަނީ އިންޓަނެޓުގައި ވައިރަލް ވެފައެވެ.

މިކަމާ ގުޅޭގޮތުން ގިނަ ބަޔަކު ބުނަމުންދަނީ، ރޮނާލްޑޯ ފާއިތުވި ދުވަސްތަކުގައި ސައުދީ އަރަބިއްޔާގެ އަލް ނަސްރު ކްލަބަށް ކުޅެމުންދާތީ، އެ ގައުމުގެ ބަހުރުވަ އާއި ދީނީ ސަގާފީ އާދަކާދަތަކުގެ އަސަރު އޭނާއަށް ކޮށްފައިވާ ކަމަށެވެ. މިއީ މެދުއިރުމަތީގެ ސަގާފަތަށް ރޮނާލްޑޯ ކުރާ އިހުތިރާމް ހާމަވާ ކަމެއްގެ ގޮތުގައިވެސް ގިނަ ސަޕޯޓަރުން ފާހަގަކުރެއެވެ.

Did Cristiano Ronaldo say 'bismillah' twice before shooting his penalty kick against Croatia? 👀 pic.twitter.com/wOWINH7v1s

— Muslim (@Muslim) July 3, 2026

މިކަމާ ގުޅޭގޮތުން ރޮނާލްޑޯގެ ފަރާތުން އަދި ރަސްމީ އެއްޗެއް ބުނެފައި ނުވި ނަމަވެސް، "ސައުދީ އިފެކްޓް" ނުވަތަ ސައުދީގައި އުޅުމުގެ ސަބަބުން އޭނާގެ އާދަކާދައަށް އައިސްފައިވާ މި ބަދަލާމެދު ގިނަ ބަޔަކު ދަނީ ތައުރީފު ކުރަމުންނެވެ.