ރީޖަނަލް ގްރީން އިކޮނޮމީ ފޯރަމް 2026 ގައި ބައިވެރިވުމުގެ ފުރުސަތު ހުޅުވާލައިފި

މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާ އާއި ވޯލްޑް ގްރީން އިކޮނޮމީ އޯގަނައިޒޭޝަން އަދި އޭއޯއެސްއައިއެސް ގުޅިގެން ބޭއްވުމަށް ހަމަޖެހިފައިވާ "ރީޖަނަލް ގްރީން އިކޮނޮމީ ފޯރަމް 2026" ގައި ބައިވެރިވުމުގެ ފުރުސަތު ހުޅުވާލައިފިއެވެ. 

މި ފޯރަމް ބޭއްވުމަށް ހަމަޖެހިފައިވަނީ ޖުލައި މަހުގެ 29 ވަނަ ދުވަހާއި 31 ވަނަ ދުވަހު ނިވާ ކުރުނބާ މޯލްޑިވްސް ރިސޯޓުގައި ކަމަށް ތިމާވެއްޓާބެހޭ ވުޒާރާއިން ހާމަކުރެއެވެ. 

އަދި މިއީ  އޭޝިއާ-ޕެސިފިކް ސަރަހައްދުގައި ދެމެހެއްޓެނިވި އަދި ވަރުގަދަ މުސްތަގުބަލެއް ބިނާކުރުމަށްޓަކައި ބޭނުންވާ މުހިންމު  ސްޓްރެޓެޖީތަކާ ބެހޭގޮތުން މަޝްވަރާކުރުމުގެ މަޤްސަދުގައި ބާއްވާ ފޯރަމެއް ކަމަށް ވެސް އެ ވުޒާރާއިން ފާހަގަކުރެއެވެ.

ފޯރަމުގެ ސަބަބުން، ސަރުކާރުގެ އިސްވެރިންނާއި، ބައިނަލްއަޤްވާމީ ޖަމިއްޔާތަކާއި، މާލީ މުއައްސަސާތަކާއި، އެކި ކަހަލަ އުފެއްދުންތެރިންނާއި، އަދި އަމިއްލަ ކުންފުނިތައް އެއްތަނަކަށް ޖަމާވެ، ދެމެހެއްޓެނިވި ގޮތެއްގައި ތިމާވެއްޓަށް ވަމުންދާ ގެއްލުންތަކާމެދެ ފިޔަވަޅުތައް އަޅާނެ ގޮތްތަކާމެދު މަޝްވަރާކުރުމަށް ފުރުސަތު ލިބިގެންދާނެއެވެ.

ފޯރަމުގައި ބައިވެރިވާން ބޭނުންވާ ފަރާތްތަކުން ވުޒާރާއިން ހަމަޖައްސާފައިވާ ލިންކަށް ޒިޔާރަތްކޮށްގެން ރަޖިސްޓަރވުމަށް ފޯމު ހުށައެޅޭނެއެވެ. ނުވަތަ ކިޔުއާރް ކޯޑު ސްކޭންކޮށްގެން ރެޖިސްޓަރކުރެވޭނެއެވެ.

The Ministry of Climate Change, Environment and Energy, in partnership with the World Green Economy Organization (WGEO) and AOSIS, will host the Regional Green Economy Forum 2026. The forum aims to address key strategies for building a sustainable and resilient future for the… pic.twitter.com/jbUuThWdjK

— Min. of Climate Change, Environment and Energy, MV (@MoEnvmv) July 5, 2026