ޚަބަރު
ހުޅުމާލޭގެ 3 ކެފޭއެއް ބަލައި ފާސްކޮށް ދެ ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފި
އިމިގްރޭޝަން އޮފިސަރުންތަކެއް މިއަދު ކުރިއަށް ގެންދިޔަ އިންސްޕެކްޝަންގައި. ފޮޓޯ: އިމިގްރޭޝަން
އިމިގްރޭޝަނުން ހުޅުމާލޭގެ 3 ކެފޭއެއް ބަލައި ފާސްކޮށް ދެ ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަނުން ބުނެފައިވަނީ ހުޅުމާލޭގައި ހިންގަމުންދާ 03 ކެފޭއެއް މިއަދު ހަވީރުގެ ވަގުތެއްގައި ވަނީ ބަލައި ފާސްކޮށްފައިވާކަމަށެވެ.
ހުޅުމާލޭގައި ހިންގަމުންދާ 03 ކެފޭއެއް މިއަދު ހަވީރުގެ ވަގުތެއްގައި ވަނީ ބަލައި ފާސްކޮށްފައި. މިތަނުން ކެފޭއެއްގައި ގަވާއިދާ ހިލާފަށް މަސައްކަތް ކުރަމުންދިއަ 02 ބިދޭސީއެއް ވަނީ އިމިގްރޭޝަންގެ ބެލުމުގެ ދަށަށް ގެނެސްފައި. މީގެތެރެއިން އެކަކީ ވަޒީފާދިން ފަރާތަށް ފިލައިގެން އުޅޭކަމަށް… pic.twitter.com/9oxFjnIzXR
— Maldives Immigration (@ImmigrationMV) December 1, 2024
މިތަނުން ކެފޭއެއްގައި ޤަވާއިދާ ޚިލާފަށް މަސައްކަތް ކުރަމުންދިޔަ 2 ބިދޭސީއެއް ވަނީ އިމިގްރޭޝަންގެ ބެލުމުގެ ދަށަށް ގެނެސްފައި ކަމަށާއި މީގެތެރެއިން އެކަކީ ވަޒީފާދިން ފަރާތަށް ފިލައިގެން އުޅޭކަމަށް ރިޕޯޓު ކޮށްފައިވާ ބިދޭސީއެއް ކަން އިމިގްރޭޝަނުން ވަނީ ހާމަކޮށްފައެވެ.
ރާއްޖޭގައި ޤަވާއިދާ ޚިލާފަށް އުޅެ ބިދޭސީންގެ މައްސަލަ ހައްލުކުރުމަށް އިމިގްރޭޝަނާއި ކަމާ ގުޅުންހުރި އެހެނިހެން އިދާރާތައް ގުޅިގެން ހިންގަމުންދާ މަސައްކަތުގެ ތެރެއިން ޤަވާއިދާ ޚިލާފަށް އުޅެމުންދާ 5000 ބިދޭސީން މިހާރު އަލުން އެނބުރި ރާއްޖެއަށް ނާދެވޭނެ ހެން ފޮނުވާލައިފައިވެއެވެ.
