އެމްޑީޕީ ސަރުކާރުން އުފެއްދި އެގްރޯނެޓް އުވާލުމަށް ސަރުކާރުން ނިންމައިިފި

އެމްޑީޕީ ސަރުކާރުން އުފެއްދި އެގްރޯ ނޭޝަނަލް ކޯޕަރޭޝަން،  އުވާލުމަށް ސަރުކާރުން ނިންމަވައިފިއެވެ. 

މިހިނގާ ޑިސެންބަރު މަހުގެ 6 ވަނަ ދުވަހުގެ ނިޔަލަށް އެކުންފުނީގެ ހުރިހާ މުޢާމަލާތެއް ނިންމުމަށް މާލީ ވުޒާރާއިން ވަނީ އެކުންފުންޏަށް އަންގައިފައެވެ. 

މާލީ ވުޒާރާގެ މިއެންގުމާއި އެއްގޮތަށް އެ ކުންފުނީގެ ބެލެނިވެރި ކުންފުނި މޯލްޑިވްސް ފަންޑް މެނޭޖްމަންޓް ކޯޕަރޭޝަނުން ލިޔެކިޔުންތައް ނިންމުމުގެ މަސައްކަތް މިހާރު ކުރަމުންދާކަމަށް އެގްރޯނެޓުން ވަނީ މީޑިއާ އަށް ހާމަކޮށްފައެވެ.

އެގްރޯނެޓް އުވާލުމަށް ފަހު އެކުންފުނީގެ ދަށުން ހިންގަމުންދިިޔަ ކަންކަން ހިންގާނެ ގޮތެއް އަދި ސަރުކާރުން ހާމަކޮށްފައެއް ނުވެއެވެ. ސަރުކާރުން ޚިއްސާވާ އެގްރޯ ނޭޝަން ކޯޕަރޭޝަން އަކީ 2020 ވަނަ އަހަރު އުފެއްދި ކުންފުންޏެކެވެ. އެކުންފުންޏަކީ ރާއްޖޭގެ ދަނޑުވެރިކަމުގެ ސިނާޢަތް ކުރިއެރުވުމަށް އުފެއްދި ކުންފުންޏެކެވެ.