ޚަބަރު
ހުޅުމާލެ ދެވަނަ ފިޔަވަހިން 10 ބިމެއް ވިއްކާލުމަށް އެޗްޑީސީ އިން ހުޅުވާލައިފި
ހުޅުމާލެ ދެވަނަ ފިޔަވަހީގެ ފޮޓޯއެއް. ފޮޓޯ: އެޗްޑީސީ
ހުޅުމާލެ ދެވަނަ ފިޔަވަހިން 10 ބިމެއް ވިއްކާލުމަށް ހައުސިންގ ޑިވަލޮޮޕްމެންޓް ކޯޕަރޭޝަނުން ހުޅުވާލައިފިއެވެ.
އެޗްޑީސީ އިން މިކަމާ ގުޅޭ ގޮތުން ބުނެފައިވަނީ ހުޅުމާލެ ދެވަނަ ފިޔަވަހިން ވިއްކަން ހަމަޖެހިފައިވަނީ ބީޗް ފްރަންޓުން ތިން ބިމަކާއި، އަދި ބީޗް ސައިޑުން ހަތް ބިމެކެވެ.
ބީޗް ފްރަންޓުން ވިއްކުމަށް ހަމަޖެހިފައިވާ ބިންތަކުގެ ބޮޑުމިން:-
- ލޮޓް ނަމްބަރު 22371، 1638 އަކަފޫޓް
- ލޮޓް ނަމްބަރު 22372، 1559 އަކަފޫޓް
- ލޮޓް ނަމްބަރު 22173، 3250 އަކަފޫޓް
ބީޗް ސައިޑުން ވިއްކުމަށް ހަމަޖެހިފައިވާ ބިންތަކުގެ ބޮޑުމިން:-
- ލޮޓް ނަމްބަރު 22379، 1534 އަކަފޫޓް
- ލޮޓް ނަމްބަރު 22380، 1534 އަކަފޫޓް
- ލޮޓް ނަމްބަރު 22381، 1534 އަކަފޫޓް
- ލޮޓް ނަމްބަރު 22382، 1534 އަކަފޫޓް
- ލޮޓް ނަމްބަރު 22383، 1534 އަކަފޫޓް
- ލޮޓް ނަމްބަރު 22384، 1513 އަކަފޫޓް
- ލޮޓް ނަމްބަރު 21706، 1230 އަކަފޫޓް
ބީޗް ފްރަންޓުން ދޫކުރާ ބިންތަކުގެ ބީލަން ފެށޭއަގަކީ، 4500 ރުފިޔާއެވެ. އަދި ބީޗް ސައިޑުން ވިއްކާ ބިންތަކުގެ ބީލަން ފެށޭ އަގަކީ 4000 ރުފިޔާއެވެ. އެޗްޑީސީން ބުނެފައިވަނީ މިބިންތައް ގަތުމަށް އެދި ހުށައަޅާ ކޮންމެ ފަރާތަކަށްވެސް އެއްބިމަށްވުރެ ގިނަ ބިންގަތުމަށް އެދި ހުށައެޅިދާނެކަމަށެވެ.
އެޗްޑީސީ އިން ގަތުމަށް ހުށައެޅި މިބިންތަކަކީ ހަމައެކަނި ދިވެހީންނަށް ގަތުމަށް ކުރިމަތިލެވޭގޮތަށް ހުޅުވާލި ބިންތަކެކެވެ. މިބިންތައް ގަތުމަށް ޢުމުރުން 18 އަހަރުވެފައިވާ ކޮންމެ ދިވެއްސަކަށްވެސް ކުރިމަތިލެވޭނެއެވެ. އަދި ބީލަން ހުށައެޅޭނީ ހަމައެކަނި ސައްތައިންސައްތަ ދިވެހީންގެ ހިއްސާ އޮންނަ ކުންފުނިތަކަށްކަމަށްވެސް އެޗްޑީސީ އިން ވަނީ ބުނެފައެވެ.
